په افغانستان د ملګرو ملتونو استازولي یا یوناما نن په یوه خبرپاڼه کې لیکلي چې د دغه هېواد په بېلابېلو برخو کې د دوامدارې جګړې له کبله د بشري حقونو د نقض په اړه خپاره شوي راپورونه د اندېښنې وړ دي.
یوناما ویلي چې په افغانستان کې د قتل، ناسم چلن، ځور او توپیري چلن اړوند راپورونه د وېرې او ناامنۍ لامل شوي او هغه کسان چې ورته اقدامات کوي، باید ځواب ووايي.
د سلاموطندار پښتتو فېسبوکپاڼه وڅارئ
یوناما ټینګار کړی چې افغانان، په تېره ښځې مخکې له سخت توپیري چلن سره مخ شوې دي. دغې ادارې ویلي، ښکېل لوري باید بشري حقونو او د افغانانو، په تېره د ښځو او نجونو کرامت ته درناوی وکړي.
- یوناما: د ملکیانو د مرګژوبلې کچه ۲۹ سلنه لوړه شوې
- یوناما: د جګړې پای ته رسولو لپاره دې رښتینې سولې ته لومړیتوب ورکړل شي
- یوناما: افغانستان کې چې هر ۱۰ملکيان وژل کېږي، ۴ يې ماشومان او ښځې دي
په افغانستان کې د ملګرو ملتونو استازولي وايي، ملکیانو ته د زیان اوښتو د مخنیوي تر ټولو ښه لاره د سولې خبرې اترې دي او دا پروسه باید بیا پیاوړې شي.
د یوناما په خبره، دواړه لوري باید د سولې خبرو اترو او د افغانستان د ملي بنسټونو ساتنې ته چې ورانول یې د افغانانو د اندېښنې لامل ګرځېدلي، لومړیتوب ورکړي.
یوناما په جګړه کې له ښکېلو لوریو غوښتي چې د لوی اختر په مناسبت اوربند وکړي، څو افغانان د ارام ساه واخلي او دغه کار له یوې تلپاتې او مانالرونکې سولې سره مرسته کولای شي.
