د قیصار ولسوالۍ کسبګر او هټیوال وايي، وسلهوالو طالبانو د ولسوالۍ بازار هټیوالو ته خبرداری ورکړی چې ژر تر ژره خپل تجارتي مالونه او توکي له بازار څخه وباسي. د هغوی په خبره، د طالبانو د دې خبرداري موخه دا ده چې هغوی پلان لري د ولسوالۍ پر ودانۍ او امنیې قوماندانۍ برید وکړي.
د فاریاب ولایت د صنعت او سوداګرۍ مسوولان وايي، د کرونا له کبله د فاریاب ولايت ۹۰ سلنه صنعتکارو ښځو خپل کارونه له لاسه ورکړي.
د ياد ولایت د صنعت او سوداګرۍ رییس نصیر عظیمي وايي، په افغانستان کې د اوږدو جګړو له کبله د ګڼو کورنیو سرپرستي د ښځو پر غاړه ده خو د کرونا ویروس خپرېدل لامل شول چې د دغو سرپرستو ښځو کاروبار هم اغېزمن شي.
د ټرانسپورټي شرکتونو د اتحادیې د مشرتابه پلاوي رييس عباس ایین وايي، هغه لارې چې ولسمشر غني د خپل ریاست پرمهال پرانيستې دي، یوازې د پرانيستل کېدو تر حده پاتې او په عمل کې هېڅ کار نه دی شوی.
هغه شمېرې چې د عامې روغتيا وزارت او د ولايتونو له عامو روغتيا رياستونو موږ ته رسېدلي ښيي چې په مرکز او يو شمېر ولايتونو کې ۱۵۴۷ درملتونونه د فعاليت جواز نهلري او په خپل سرې توګه فعاليت کوي. د عامې روغتيا وزارت تر اوسه پورې نه دی توانېدلی چې د درملتونونو د ناقانونه فعاليتونو مخه ونيسي. د سلاموطندار څېړنې ښيي چې عامې روغتيا وزارت او ولايتونو کې د عامې روغتيا رياستونه د هغو درملتونونو چې په ناقانونه توګه فعاليت کوي، دقيقې شمېرې نهلري.
کندوز کې د فیصلپه نوم د وريجو د پروسس يوې فابريکې چې څو کاله وړاندې يې د جګړو له کبله فعاليت بند شوی و، يو ځل بيا خپل فعاليت پيل کړ. پر دې فابريکې ۵ ميليونه او ۷۰۰ زره امريکايي ډالره پانګهونه شوې ده.
د کندهار د کرنې، اوبو لګولو او مالدارۍ رييس حفیظ الله سیدي سلاموطندار ته وايي، دغه ولایت کې د کبانو د روزنې تر ۱۶۰۰زیات فارمونه دي چې هر کال کې ورنه ۸۰۰۰ مټریک ټنه غوښه ترلاسه کېږي. سیدي وویل، د کبانو دغه غوښه پر کندهار سربېره هلمند، زابل، روزګان، کابل او نورو ولایتونو ته هم لېږل کېږي.
د افغانستان ملي مالي صندوق د مشرتابه پلاوي غړيو نن کابل کې یوې اعتراضيه غونډه کې وویل، دغه صندوق شپږ میاشتې وړاندې د ۳۲ میلیونو افغانیو په بودیجې سره د کورنیو او بهرنیو مرستو د جلبولو په موخه د افغانستان د ملي راډیو ټلویزیون د خیریه بنسټ په توګه رامنځته شو. خو اوس د ولسمشرۍ ماڼۍ د چارو ادارې د راپور ترخپرېدو وروسته د دغه صندوق فعالیتونه درېدلي.
شاوخوا پنځه کاله وړاندې د ننګرهار هډې فارم سیمه کې د کانال پر څلوېښت جریبه ځمکه د خرما بڼ جوړ شوی دی.
په دغه بڼ کې د خرما د شپږو بېلابېلو ډولونو ۲۷۰۰ بوټي کېنول شوي چې سږ کال یې درېیم کال دی چې حاصل ترې تر لاسه کېږي.
د شپږیزې کرکټ لیګ پای لوبه چې نن د مسعینک اتلانو او کابل بازانو لوبډلو ترمنځ وشوه، کابل بازانو لوبډلې مقابل ټیم ته د ۹ منډو په توپیر ماته ورکړه. د نننۍ لوبې پچه مسعینک اتلانو ګټلې وه، خو د توپ اچونې پرېکړه یې وکړه.
