یوشمېر افغانان چې په وروستیو کلونو کې له هېواده کډوال شوي، وايي چې په بهرنیو هېوادونو کې ژوند ورته د زدهکړې، کار او شخصي ودې نوې دروازې پرانیستې دي. خو له دې فرصتونو سره سره، ژبني، کلتوري او د هویت اړوند ستونزې لاهم د کډوالۍ د تجربې نه بېلېدونکې برخه ده.
د کندهار بېلابېلو سیمو کې له څه باندې ۴۵۰۰ کروندګرو او مالدارانو سره د بدیلو کښتونو، مالدارۍ او عایداتي پروژو په برخه کې مرستې شوي.
د ایران بهرنیو چارو وزیر عباس عراقچي وايي، باید ټولو ته روښانه شوې وي چې ایران نه ماتېدونکی هېواد دی.
ایراني رسنیو نن پنجشنبه راپور ورکړی چې هغه د بریکس غونډه کې وویل، وسلهوال ځواکونه یې چمتو دي چې بهرنیو یرغلګرو ته سخت او ویجاړوونکی ځواب ورکړي، خو په وینا یې چې دوی سولهغوښتونکي دي او جګړه نه غواړي.
د قطر د بهرنیو چارو وزارت د دولت وزیر محمدبن عبدالعزیز الخلیفي د افغانستان لپاره د چین له ځانګړي استازي یوشیایونګ سره د افغانستان وضعیت په اړه خبرې کړې دي.
د قطر تریبون د پنجشنبې پر ورځ (غويي ۲۴مه) راپور ورکړی چې په دې لیدنه کې د افغانستان وروستي سیاسي او امنیتي تحولات تر بحث لاندې نیول شوي دي.
د کډوالو ستونزو ته د رسېدنې عالي کمېسیون مسوولان وايي چې له ایران او پاکستان څخه پنځه زره او دوه سوه نهه ویشت افغانان هېواد ته راستانه شوي دي.
د اسلامي امارت د ویاند مرستیال حمدالله فطرت پر خپله اېکسپاڼه لیکلي چې په دغو راستنو شویو کسانو کې له نهه سوه پنځه اویا څخه ډېرې کورنۍ شاملې دي.
هېواد کې د کوکنارو پر کښت له بندیز سره سره، بدخشان کې لا هم د کوکنارو کرکیله په بشپړه توګه لهمنځه نهده تللې.
دغه ولایت کې بزګران وایي، د ژوند د اړتیاوو د پوره کولو لپاره د مناسبو بدیل کښتونو نشتوالي او بېکارۍ اړ کړي چې د کوکنارو کښت ته دوام ورکړي.
فاریاب کې د غنمو په کروندو د «کفشک» په نوم د حشرې پراخ برید، د بزګرانو اندېښنې را پارولي. د راپورونو له مخې، تېرو کلونو
د ازموینو ادارې ویلي، د هېواد په ۱۵ ولایتونو کې د روان ۱۴۰۵ کال د کانکور لومړي پړاو ازموینې اخيستلو لړۍ پيل شوه.
دغې ادارې نن پنجشنبه ثور ۲۴ / مې ۱۴ یوه خبرپاڼه کې ویلي، د يادې ازموينې د پوښتنو صندقونه په اړوندو ولايتونو کې د ځايي مسوولانو، د ازموينو عمومي ادارې پلاوو، استادانو او داوطلبانو په حضور کې پرانيستل شول.
د امریکا ولسمشر ډونالډ ټرمپ چین ته د سفر پرمهال د دواړو هېوادونو ترمنځ اړیکې وستایلې.
هغه وویل: «موږ به په ګډه يو ښه راتلونکی ولرو. زه د چين د ولسمشر هغه کار لپاره چې تاسو ترسره کړی، ډېر درناوی لرم. تاسو يو ستر رهبر ياست.»
د هغه په وینا، د امریکا او چین اړیکې به تر بل هر وخت ښې شي.
په غزني کې د اقتصاد، کانونو او پټرولیم، صنعت او سوداګرۍ، د ځمکني ټرانسپورټ د تنظیم ریاستونه، د طبیعي پېښو پر وړاندې د مبارزې اداره، د برښنایي پېژندپاڼو د وېش څانګې، د ځانګړو زدهکړو او چاپېریال ساتنې ادارې، هغه دولتي ادارې دي چې ځانګړې ودانۍ او ثابت ځای نهلري.
په دې وروستیو کې د هېواد په یوشمېر ولایتونو له هغې ډلې، بدخشان، تخار، هرات، ننګرهار، غور، نورستان، کونړ، بغلان، کندز، بادغیس او فاریاب کې راغلو سېلابونو، د مالي زیانونو او د کورونو د ویجاړېدو ترڅنګ، د خلکو د پاکو څښاک اوبو لاسرسی هم له ستونزو سره مخ کړی دی.
د لوګر مرکز اړوند د شلک په سیمه کې د اوبو او انرژۍ وزارت له لوري د یوه چکډېم د جوړېدو چارې پیل شوې چې د درې زره مترمکعبه اوبو د ذخیره کولو ظرفیت لري.
د هېواد د معیار او کیفیت ادارې له یوه هندي خصوصي شرکت سره د کیفیت تثبیت لابراتوارونو د پراختیا او تجهیز په برخه کې د ۴۶ میلیونه ډالرو په ارزښت تړون لاسلیک کړ.
د معلوماتو له مخې، دغه تړون نن چهارشنبه، غویي ۲۳مه کابل کې د یادې ادارې او هندي شرکت د چارواکو ترمنځ لاسلیک شوی دی.
که څه هم په ډېری افغان کورنیو کې ورونه د خپلو خوېندو د ژوند کنټرول او ملاتړ خپل مسوولیت بولي، خو د شریعت او اسلامي فقهې له مخې، ورور حق نهلري چې په غیرشرعي او غیرقانوني توګه د خپلې خور ژوند کې مداخله وکړي.
همداراز ورونه نهشي کولای چې په زور ، د قانون او شرعیت خلاف، خپلې خویندې واده کړي، یا د دوی د زدهکړو او کار کولو مخه ونیسي.
د نرسانو له نړیوالې ورځې سره هممهاله، د کابل په روغتونونو کې یوشمېر نرسان د نرسنګ د پرسونل له کمښت، اقتصادي ستونزو او کاري محدودیتونو اندېښنه لري.
دوی وایي، په ځینو روغتونونو کې د نرسانو کمښت د دې لامل شوی چې ناروغان پر وخت روغتیايي پاملرنه او درملنه ترلاسه نهکړي.
د پکتيا د اوبو او انرژي رياست له لوري نن سهشنبه، غويي ۲۲مه، د ګردېز ښار اړوند دوه کلیو کې د دوو رغنيزو پروژو چارې پيل شوې.
