د پکتيا د ګردېز ښار یوشمېر اوسیدونکي شکایت کوي چې ډېری تولیدي کارخونې د ښار په اړوندو استوګنیزو سیمو کې فعالیت کوي او په وینا یې، د سوځېدونکو توکو دود د ښار هوا ککړه کړې او دوی یې له ستونزو سره مخامخ کړي دي.
د ګردېز ښار د «اریانا پمپ» سیمې اوسېدونکی معینشاه وايي، د کور له دېوال سره په خوا کې یې د ګوړې جوړولو یوه کارخونه فعاله ده چې د دود له امله یې دوی او نور ورڅېرمه کورونه تنګ شوي دي.
طبیعي پېښو ته د رسېدو په چارو کې د دولت وزارت مسوولانو د شنبې په ورځ سلاموطندار ته وویل چې په وروستیو څلورو ورځو کې د هېواد په نهو ولایتونو کې د سېلابونو راوتلو له کبله ۲۹ کسانو ژوند بایللی او اووه نور ټپیان شوي دي.
پاکستاني رسنیو د جمعې په ورځ د دغه هېواد د مرکزي بانک له قوله خبر ورکړ چې په ۲۰۲۳ کال کې افغانستان ته د پاکستان د خوراکي توکو په صادراتو کې ۷۶ سلنه کموالی د افغانستان اقتصادي ستونزې نورې هم زیاتې کړې دي.
د سرپرست حکومت د کډوالو او بېرته راستنېدونکو چارو وزارت مسوولان وايي، له پاکستان څخه د افغان کډوالو د را اېستلو دویم پړاو په پیل کېدو سره سره له دغه هېواده د په زوره را اېستونکو کډوالو شمېر د تېر هغه پړاو په پرتله کم شوی دی. د دغه وزارت ویاند وايي، د کډوالو د را اېستلو د دویم پړاو له پیل سره هممهاله د ورځې له پنځوسو تر شپېتو افغان کورنۍ هېواد ته راګرځي.
په غزني ولایت کې د چرګانو حلالولو لپاره یو معیاري ځای جوړ او ګټې اخیستنې ته وسپارل شو.
د دغه ځای مسوول همتالله افغان وايي، یاد ځای یې په غزني کې د چرګانو حلالولو برخه کې د اسانتیاوو برابرولو لپاره په یو میلیون افغانیو جوړ کړی دی.
د کاپیسا د امنیې قومانداني مسوولان وايي، وسلهوالو کسانو د دغه ولایت په الهسای ولسوالي کې دوه ښځې په مرمیو ویشتي او وژلې دي.
د کاپیسا د امنیې قومانداني ویاند عبدالفتاح فایز سلاموطندار ته ویلي چې وسلهوالو کسانو د پنجشنبې مازدیګر څلورنیمې بجې د الهسای ولسوالي په پاچاقوم حسناباد کې دغه ښځې وژلې دي. د کاپیسا د امنیې قومانداني ویاند عبدالفتاح فایز سلاموطندار ته ویلي چې وسلهوالو کسانو د پنجشنبې مازدیګر څلورنیمې بجې د الهسای ولسوالي په پاچاقوم حسناباد کې دغه ښځې وژلې دي.
د ا.ا مشر هبت.الله اخوند.زاده د کندهار له یوشمېر قومي مشرانو، دیني عالمانو او سوداګرو سره په لیدنه کې ویلي چې د کانونو زېرمو په را اېستلو سره به افغانستان په یوه پرمختللي اقتصادي هېواد بدل شي.
د هند کرېکټ غوره لیګ یا ایپياېل سیالیو په ترڅ کې نن د چینای سوپر کنګز لوبډله له لکناو سوپر جاینټز سره لوبه کوي.
ټاکل شوې چې یاده لوبه نن جمعه د اپرېل ۱۹مه د هند د لکناو په «بهارت رتنا شري اتل بېهاري واجاپايي اېکانا کرېکټ لوبغالي» کې ترسره شي.
د هلمند محلي مسوولان وايي چې د دغه ولایت په کجکي او بغني ولسوالیو کې د اورښتونو له امله څلور کسان مړه شوې دي.
د یادو ولسوالیو خلکو ته د شویو اورښتونو له کبله پراخ مالي زیانونه هم اوښتي دي. د مسوولانو په وینا، اورښتونه پرون پنجشنبه، وري ۳۰مه پیل شوې دي.
د بهرنیو چارو وزارت په پاکستان کې د راوتلیو سېلابونو او د اوښتو مالي او ځاني زیانونو له امله دغه هېواد ته خپله ژوره خواخوږي څرګنده کړې ده.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې ا.ا د یادو سېلابونو له امله زیانمنو شویو کورنیو په ځانګړې توګه د قربانیانو کورنیو او د دغه هېواد حکومت ته د تسلیت مراتب وړاندې کوي.
خوست کې د خوړو او درملو امریت مسوولان وايي، دغه ولایت کې یې، هغه ۱۳۵۰ کارټنه تاريخ تیري خوراکي توکي نيولي چې د نېټې د نويکېدو او بېرته یې د بستهبندۍ هڅه کېدله.
د لوګر پوهنې ریاست چارواکي وایي چې د دغه ولایت د ازرې ولسوالي د «موسیخان» ښوونځي ودانۍ تېره شپه د سېلاب راوتلو له امله ویجاړه شوې.
د دغه ولایت پوهنې ریاست ویاند شاهپور عرب سلاموطندار ته وویل چې یاد ښوونځي ته د سختو اورښتونو له امله اوبه ورغلي او د ښوونځي ډېری درسي خونو ته زیان اوښتی دی.
د پاکستان پوځ ادعا کړې چې له افغانستان سره د ډیورنډ فرضي کرښې ته څېرمه اووه وسلهوال چې غوښتل یې دغه هېواد ته ننوځي، د سرحدي ځواکونو لهخوا پیژندل شوي او پر وړاندې یې سمدستي اقدام شوی دی.
سلاموطندار له ښوونځیو او پوهنتونونو څخه له راګرځول شویو ۳۰ نجونو سره د مرکو پرمهال موندلې چې د یادو نجونو ترمنځ د «کتاب لوستلو» انګېزه د پام وړ کمه شوې.
د مرکو پرمهال ۱۷ نجونو ویلي چې له ښوونځیو او پوهنتونونو څخه تر راګرځولو وروسته یې د کتاب لوستلو ته انګېزه نهلري او له کتابونو سره یې مخه ښه کړې.
هرات کې د نسايي-ولادي برخې یوشمېر ډاکټرانې وايي، د دغه ولایت د لروپرتو سیمو په مېرمنو او نجونو کې د «تخمدان کیست» ناروغي د پام وړ پراخه شوې. په ورته مهال هرات کې یوشمېر کلیوالي مېرمنې سلاموطندار ته وايي، د میاشتنۍ ناروغۍ پرمهال له طبي وسایلو استفاده د کورنیو د دودونو او باورونو له امله ممنوع ده.
د افغانستان بانک مسوولان وايي چې راتلونکې «شنبه، غویي لومړۍ نېټه» به «۱۶» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (پنجشنبه، د وري ۳۰مه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به راتلونکې شنبه «۱۶» میلیونه امریکايي ډالر لیلام کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
