د امریکا یوه جمهوري غوښتونکي سناتور مارکو روبیو د روانې اوونۍ د چهارشنبې په ورځ د دغه هېواد کانګرېس ته یوه لایحه وړاندې کړه چې له مخې یې باید له افغانستان سره د امریکا د بشري مرستو لړۍ تر هغه وخته ودرول شي چې د روڼتیا په اړه یې ډاډ نه وي ترلاسه شوی.
لوګر کې د شهیدانو او معلولانو چارو ریاست چارواکي وايي، شاوخوا ۱۸۰۰خیالي معلولین یې تثبیت کړي او پرځای یې نور مستحق کسان ثبت شوي دي.
د امریکا د خزانې وزارت په یوه خبرپاڼه کې لیکلي چې د افغانستان د ولسي جرګې پر پخواني رییس میررحمان رحماني او د هغه پر زوی او د ولسي جرګې پخواني غړي اجمل رحماني یې د ډېر فساد له کبله بندیزونه لګولي دي.
ا.ا د ډسمبر نهمې نېټې یا له فساد سره د مبارزې نړیوالې ورځې سره هممهاله وايي، په افغانستان کې فساد صفر ته نږدې شوی او په وینا یې، په تېرو دوو کلونو کې یې پر وړاندې سخته مبارزه کړې او اجازه به ور نه کړي چې بیا زیات شي.
د ا.ا ویاند ذ.بېحالله م.جاهد وايي: «ا.ا توانېدلی چې فساد صفر ته نږدې کړي او پر وړاندې یې ښه مبارزه کړې. فساد، ټولنیز او اخلاقي فساد یې کم کړی. دا په دې مانا چې موږ یې پر وړاندې درېږو، څو دا بیا یوه ټولنیزه پدیده ونه ګرځي.»
سلاموطندار کابل کې د پاکستان سفارت د درېوو میاشتو عوایدو څخه د اټکلیزې محاسبې پر بنسټ موندلې چې یاد سفارت دې موده کې د ویزو غوښتنلیکونو د ردېدو له درکه نیم میلیون ډالر عاید ترلاسه کړي دي.
د فارياب مرکز میمنې ښار يوشمېر کروندګر د مرستندويه ادارو له لوري د کرنیزو مرستو له ناعادلانه وېش د شکايت ترڅنګ وايي، دغه مرستې مستحقو کروندګرو ته نهرسېږي.
د غزني امنیتي مسوولان وايي چې د دغه ولایت په دهیک ولسوالي کې له تېرو جګړو څخه پاتې د لاسي بم چاودنې له امله یو ماشوم وژل شوی دی.
پېښه نن یکشنبه د غويي ۳۱مه سهار د دهیک ولسوالي اړوند «تاسنګ» کلي کې رامنځته شوې ده.
د غور مسوولان وايي چې د دغه ولایت د استیناف محکمې د مدني دېوان رییس محمداکبر حکمت د یونیم لک افغانیو بډو اخیستو له کبله پر دوهنیم کاله بند محکوم شوی دی.
د روڼتیا نړیوال سازمان وايي، افغانستان ۲۰۲۲ کال کې له فساد سره د مبارزې برخه کې کې د تېر کال په پرتله ښه شوی دی.
د امر بالمعروف او نهې عنالمنکر وزارت سرپرست محمدخالد حنفي په کاپیسا کې یوې غونډې ته د وینا پر مهال د اسلامي امارت له چارواکو غوښتي چې د خلکو د بېوزلۍ او ناچارۍ له کبله دې له دویمو ودونو ډډه وکړي او په ودونو کې بیتالمال هم نه کاروي.
د چارو ادارې په یوه ټویټ کې لیکلي چې د ا.ا رییسالوزرا محمدحسن اخوند پرون مازدیګر د ارګ په ګلخانې ماڼۍ کې د اسلامي همکاریو سازمان له پلاوي سره کتلي دي. نوموړي په دې لیدنه کې ویلي چې اسلامي امارت به د خپلې پالیسي له مخې، هېچا ته اجازه ور نهکړي چې له افغانستانه د نورو په چارو کې لاسوهنه وکړي یا یې هم له ګواښ سره مخامخ کړي.
د چارو ادارې مسوولانو نن د خپل کلني راپور د وړاندې کولو پر مهال وویل، که نړۍ په انصاف قضاوت وکړي، افغانستان باید د نړۍ د پاکو هېوادونو په نوملړ کې شامل کړي.
د چارو ادارې د پالیسي او ارزونې مرستیال سیفالدین تایب په وینا، سره له دې چې فساد نه دی صفر شوی، خو هېواد کې لمنه ډېره ورټوله شوې ده.
د پلټنې عالي ادارې مسوولانو چې نن یې خپل کلنی راپور رسنیو ته وړاندې کاوه، وویل چې دغې ادارې د بېلابېلو سندونو، لکه د مالیې په ورکړه کې د ځنډ، ګمرکي محصولاتو، د مالیې لږ سنجول او بیو کې یې د توپیر په ارزولو سره ۲،۸ میلیارډه افغانۍ د دولت خزانې ته اچولي دي.
د شهیدانو او معلولانو چارو وزارت مالي او اداري رییس کلیمالله افغان نن کابل کې یوې خبري ناستې ته ویلي چې ګڼشمېر خیالي کورنیو د شهیدانو او معلولانو په نوم امتیاز ترلاسه کړي دي.
د روڼتیا نړیوال سازمان په خپور شوي تازه راپور کې افغانستان د نړۍ د ۱۸۰ هېوادونو له ډلې د نړۍ اووم فاسد هېواد بللی شوی دی.
د یاد سازمان په راپور کې ویل شوي چې افغانستان بشري حقونو څخه د ملاتړ، فساد سره د مبارزې او مدني ازادیو په برخه کې د ۱۶ امتیازونو په ترلاسه کولو سره په ۲۰۲۱ کال کې د نړۍ د فاسدو هېوادونو نوملړ کې ۷ ځای خپل کړی دی.
واک ته د اسلامي امارت تر بیارسېدو راپدېخوا هېواد کې د پاسپورټ د غوښتونکو کچه په بېمخینې توګه لوړه شوې، خو پاسپورټ ریاست کې د ظرفیت کمښت او د پاسپورټ د غوښتونکو لوړ شمېر، لامل شوی چې د پاسپورټ اخیستلو بهیر له خنډ سره مخ شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
