د غور مسوولان وايي چې د دغه ولایت د استیناف محکمې د مدني دېوان رییس محمداکبر حکمت د یونیم لک افغانیو بډو اخیستو له کبله پر دوهنیم کاله بند محکوم شوی دی.
د غور د والي ویاند عبدالواحد حماس سلاموطندار ته ویلي چې د استیناف محکمې د مدني دېوان د رییس دوسیه نن (د وري اتمه، سهشنبه) وروستۍ شوې او نوموړی بندي شوی دی.
د حماس په وینا، د اسلامي امارت استخباراتو شاوخوا یوه میاشت مخکې دغه قاضي نیولی و.
د سلاموطندار پښتو فېسبوکپاڼه وڅارئ
دا په داسې حال کې ده چې د اسلامي امارت لوړپوړي چارواکي تل ټینګار کوي چې د دوی په راتګ سره د فساد کچه صفر ته رسېدلې ده.
