د غور په محکمو کې د قضیو هواري لپاره د خلکو ګڼه ګوڼه ډېره شوې

هره ورځ د غور او د یاد ولایت له ګاونډیو ولایتونو څخه ګڼ‌شمېر کسان د خپلو حقوقي او جنایي قضیو د هواري لپاره د دغه ولایت محکمو ته مراجعه کوي. دوی وایي چې د ګڼې ګوڼې له امله، ډېر کله خلک اړ کېږي چې خپل نوبت ته اوونۍ-اوونۍ په تمه شي.

طالبانو د خوست د جنایي جرمونو د پخواني آمر زوی نیولی

طالبانو د خوست د امنیې قومانداني د جنايي جرمونو پخواني آمر شېر داوود ارین زوی امید نیولی دی.
د اسلامي امارت له لوري د شېر داوود ارين د زوی اميد د نيولو خبرونه پر ټولنیزو د خلک غبرګونونه راپارولي دي.
د ټولنيزو رسنيو کاروونکو پر خپلو فېسبوک‌پاڼو ليکلي، امېد چې د خصوصي ښوونځي د نهم ټولګي زده‌کوونکی دی، اوس له طالبانو سره دی.

لوګر کې د بانکونو تړل کېدو د خلکو کاروبار خراب کړی

د لوګر یوشمېر اوسېدونکي او سوداګر وایي، د اسلامي امارت له راتګ او دغه ولایت کې د بانکونو له تړلو وروسته د زرګونو کسانو، په ځانکړې توګه د سوداګرو کاروبار خراب شوی او له ګڼو ستونزو سره مخامخ دي.
دوی د اسلامي امارت له مسوولانو غواړي چې ژرترژره د بانکونو فعالیت ته د پخوا په شان اجازه ورکړي، څو سوداګر او عام خلک خپلو پانګو ته لاسرسی پيدا او خپلې چارې پر مخ یوسي.

طالبانو په تورخم کې دوه خبریالان وهلي

د اسلامي امارت ځواکونو نن په تورخم ښارګوټي کې د طلوع نیوز خبریال صداقت غورځنګ او د جاج نیوز وېب‌پاڼې خبریال جاوید رازمند وهلي ټکولي دي.
دغه خبریالان وايي چې پاکستان ته د مسافرو د تګ په اړه د راپور جوړولو په موخه سیمې ته تللي وو چې د طالبانو له لوري ووهل شول. د دوی په وینا، که څه هم د تورخم کمیسارۍ چارواکو سیمې ته د تللو او راپور جوړولو اجازه ورکړې وه، خو طالبانو بیا هم ووهل او وسایل یې ور مات کړل.

یوناما: د افغانستان د اقتصاد پاشلو د مخنیوي لپاره باید ټول بنسټونه کار وکړي

د افغانستان لپاره د ملګرو ملتونو ځانګړې استازې دېبر لاینز وایي، د افغانستان د اقتصاد پاشلو څخه د مخنیوي لپاره اړتیا ده چې د افغان ولس د ښځو او نارینه‌ وو په ګډون د حقونو ملاتړی او پراخ‌بنسټه حکومت جوړ شي. د ویناپاڼې پر بنسټ، په دغو لیدنو کې د افغانستان د بشري او اقتصادي ناورین د خرابوالي او د بشري حقونو د اندېښنو په اړه خبرې شوې دي.

د پخوانیو جهادي رهبرانو نوې جبهه؛ شنونکي یې جوړېدل امتیاز اخیستل بولي

یوشمېر سیاسي او پخوانیو جهادي څېرو چې پر افغانستان د طالبانو له واکمنېدو سره له هېواده تښتېدلي، له هېواده بهر د یوې خبرپاڼې په خپرولو سره یې د افغانستان د اسلامي جمهوريت د ملي مقاومت عالي شورا په نوم د یوې نوې جبهې له رامنځته کېدو څخه خبر ورکړی.

سور صلیب: په یوازې ځان د افغانستان ناورین نه شو کابو کولای

سره صلیب خبرداری ورکړی چې مرستندویه سازمانونه په یوازې ځان په افغانستان کې د انساني ناورین د مخنوي توان نه لري. دغه بنسټ له نړۍ‌والې ټولنې غوښتنه کړې چې له طالبانو سره همکاري وکړي. د سره صلیب عمومي مدیر رابرټ ماردیني ویلي، دغه بنسټ پر افغانستان د طالبانو له واکمېدو راهیسې له نورو سازمانونو سره خپلې هڅې پراخې کړي.

امریکا د پاکستان له خاورې افغانستان کې د پوځي عملیاتو هوکړې ته نږدې شوی

سي‌ان‌ان خبري شبکې رپوټ ورکړی چې د ولسمشر جوبایډن ادارې درېو سرچینو د دغه هېواد قانون جوړونکو ته ویلي، افغانستان کې د پوځي او اطلاعاتي عملیاتو ترسره کولو په موخه د پاکستان له هوايي حریم څخه د استفادې لپاره له دغه هېواد سره رسمي هوکړې ته د نږدې کېدو په حال کې دي.

بایډن افغان پناه‌غوښتونکو ته څه باندې ۹۷۶ میلیون ډالره ځانګړي کړل

د امریکا ولسمشر جو بایډن د دغه هېواد د بهرنیو چارو وزارت ته اجازه ورکړې چې د بېړنیو مرستو د صندوق له بودیجې څخه ۹۷۶.۱ میلیون ډالره د افغانستان پناه ‌غوښتونکو سره د مرستې لپاره ولګوي. د سپينې مانۍ ویناپاڼه کې ویل شوي چې دغه پیسې په دوه یا څو اړخیز ډول ورکول کېږي.

«کابل کې دې د ښځو د لاریون پر مهال د خبریالانو د وهلو پېښه وڅېړل شي»

د افغان خبریالانو د خوندیتوب کمېټه په کابل کې د اسلامي امارت له لوري د ښځو د لاریون پر مهال د خبریالانو د وهلو ډبولو پېښې د څېړنې غوښتنه کوي. دا کمېټه وايي چې د ښځو د «بې‌وزلۍ، وزګارتیا او لوږې» په شعار ورکولو سره لاریون کړی و، خو د اسلامي امارت ځواکونو د دغه لاریون پر مهال خبریالان وهلي ډبولي او کنځلې یې هم ورته کړې دي.

بلخ کې ښځينه خبریالانې: وېرې او اقتصادي ستونزو سره مخ یو

د اسلامي امارت له واکمنېدو وروسته چې څه باندې دوه میاشتې کېږي، بلخ کې ښځینه خبریالانې او د رسنیو کارکوونکې بې‌برخلیکه وضعیت، وېرې، اقتصادي ستونزو او خفګان سره مخ دي. دغه ښځې چې پخوا یې بېلابېلو رسنیو سره کار کوه، د طالبانو په راتګ سره اړ شوي چې په کور کښني.

کابل کې د ښځو او مدني فعالانو اعتراض پر تاوتریخوالي واوښت

یوشمېر ښځو او مدني فعالانو نن په کابل کې د امر بالمعروف او نهې‌ عن‌المنکر وزارت مخې ته په را ټولېدو سره هېواد کې د بې‌وزلۍ، اقتصادي ستونزو او د ښځو د کار او زده‌کړو حق په اړه اعتراض وکړ.
دوی چې د کار، ډوډۍ او زده‌کړې په شعارونو ورکولو سره یې لاریون کړی و، د ښځو حقونو ته د پام غوښتنه وکړه.

روسیه: د افغانستان د مسلې حل د ټول‌ګډونه حکومت جوړېدو پورې تړلی

د روسیې د بهرنیو چارو وزیر سرګي‌لاوروف پرون ورځ په مسکو کې د اسلامي امارت، چین، پاکستان، هند او ایران په ګډون د لسو نورو هېوادونو د استازیو په غونډه کې له افغانستان سره د نړیوالو مرستو د دوام غوښتنه وکړه او وویل، د دغه هېواد د مسلې حل د ټوله‌ګډونه حکومت جوړېدو پورې تړلی دی.

د ناټو دفاع وزیران د افغانستان په اړه غونډه کوي

د ناټو سرمنشي ینس سټولټنبرګ ویلي چې د ترهګرۍ او افغانستان په اړه د دغه سازمان د دفاع وزیرانو غونډه نن جوړېږي. ټاکل شوې چې په دغه ناسته کې به له افغانستان څخه د ترهګریزو ګواښونو په اړه بحث او خبرې وشي. د ناټو سرمنشي ټينګار کړی چې دغه سازمان او متحدان به یې طالبان د ترهګرۍ، بشرحقونو او له افغانستان څخه په خوندي توګه د افغان‌همکارانو د وتلو په اړه د خپلو کړیو ژمنو لپاره ځواب ویونکي وي.

همت لوبډلې د لوګر د کرېکټ انټرکلب سیالیو اتلولي وګټله

په لوګر ولایت کې د کرېکټ بورډ ادارې له لوري د کرېکټ ثبت شویو روزنتونونو ترمنځ د پیل شویو سیالیو  اتلولي د دغه ولایت همت لوبډلې په خپل نوم کړه. دغو سیالیو چې ۱۵ ورځې یې دوام وکړ او د لوګر ولایت د مرکز پل علم په ګډون د بېلابېلو ولسوالیو شاوخوا ۱۲ رسمي کلبونو پکې ګډون کړی وو.