د بهرنیو چارو وزیر امیر خان متقي وايي، د ټولو سر او مال خوندي دی، وطن ازاد دی او دین حاکم دی، نو څوک د مخالفت حق نهلري.
هغه د کابل په ریاض العلوم جامعه کې یوې غونډې ته وویل، هېڅ داسې څه نه دي پاتې چې یو څوک دې د مسلمان په حیث وغواړي او هغه نه وي عملي شوي.
د شمالي کوریا مشر کېم جونګ اون د اټومي موادو د تولید د یوې نوې فابریکې پرانیستې پرمهال ژمنه کړې چې د هېواد اټومي ځواک به په چټکۍ سره پیاوړی کړي.
د راپورونو پر اساس، هغه ویلي چې د شمالي کوریا د اټومي صنعت پیاوړتیا باید دوام ومومي او په دې برخه کې د تولید ظرفیتونه لا زیات شي.
د امریکا ولسمشر ډونالډ ټرمپ د اسراییل لومړي وزیر بنیامین نتنیاهو سره ټلیفوني خبرو کې هغه ته د لېوني خطاب کړی.
د راپورونو پر اساس، د ټرمپ او نتانیاهو ترمنځ د دوشنبې په ورځ دغه ټلیفوني خبرې په تاوتریخوالي اوښتي او ټرمپ په لبنان کې د اسراییل د پوځي عملیاتو د پراخېدو له امله سختې نیوکې کړي.
د ایران د پارلمان مشر محمدباقر قالیباف د لبنان د پارلمان نبیه بري سره خبرو کې ټینګار کړی، که پر لبنان بریدونه دوام ومومي، نه یوازې به امریکا سره د خبرو بهیر ودروي، بلکې د اسراییل پر وړاندې به هم ودرېږي.
د ده په وینا، د ایران او لبنان اړیکې نه بېلېدونکې دي.
د عدلیې وزارت ویلي، د غایب اشخاصو د منقول او غیرمنقول ملکیتونو د ارزون قانون د اسلامي امارت مشر له لوري توشېح او رسمي جریده کې خپور شو.
دغه قانون کې یوه مقدمه، څلور بابه، څلور فصلونه او ۳۱ مادې شاملې دي چې د تطبیق مرجع یې د سترې محکمې نظامي معاونیت د غایبو اشخاصو د منقول او غیرمنقول ملکیتونو د ارزونې ریاست دی.
د ایران سپاهپاسداران ویلي چې تېره شپه په «سیریک» ټاپو د امریکا برید کې کارول شوې هوايي اډه یې په نښه کړې.
سپاهپاسداران نن دوشنبه یوه خبرپاڼه کې ویلي، دغه برید د امریکا د هغو عملیاتو په غبرګون کې شوی چې د بندرعباس شاوخوا سیمو کې شوي وو.
د اسلامي امارت د دفاع وزیر مولوي محمد یعقوب مجاهد د روسیې د دفاع وزارت مرستیال واسلي اوسماکوف سره لیدلي. روسي رسنیو راپور ورکړی چې
د امریکا د ولسمشر مرستیال جيډي وینس وايي، د امریکا او ایران تړون ډېر پرمختګ کړی، خو ولسمشر ډونالډ ټرمپ لا تراوسه نه دی لاسلیک کړی.
د راپورونو پراساس، وینس ویلي چې د جګړې په اړه هر ډول هوکړې ته له رسېدو مخکې، امريکا او ايران ته لا هم ډېرې مهمې مسلې پاتې دي چې بايد حل شي.
د اسراییل لومړي وزیر بنیامین نتنیاهو خپل پوځ ته امر کړی چې د غزې ۷۰ سلنه خاوره ونیسي.
ده وویل: «موږ اوس د غزې پر ۶۰ سلنه خاورې کنټرول لرو زما لارښوونه دا ده چې ګام په ګام مخته ولاړ شو او په لومړي پړاو کې دا اندازه ۷۰ سلنې ته ورسوو.»
د اسلامي امارت مشر د لوی اختر په مناسبت وینا کې وویل، له نړۍ سره د دین په مقابل کې معامله نهکوي او د شریعت په چوکاټ کې تعامل او معاملې ته چمتو دی.
د هغه په وینا، اوسنی نظام د بهرنیو فشارونو پر بنسټ نه، بلکې د شریعت له مخې پرېکړې کوي.
د اسلامي امارت رییس الوزرا ملا محمد حسن اخند اختریز پیغام کې ټولو هېوادوالو ته د اختر مبارکي ورکړې او ویلي، په کار ده چې ټول مسلمانان په ځانګړې توګه افغانان خپلو کې د یوالي او همکارۍ اصل ته جدي پام وکړي.
هغه دغه پیغام کې ویلي چې اسلامي امارت تل د ولس هوساینې لپاره اقدامات او هڅې کوي.
د لبنان سویل کې د اسراییل بریدونو پرمهال ۳۱ کسان وژل شوي او ۴۰ نور ټپیان دي.
الجزیرې شبکې ویلي، د اسراییلي ځواکونو دغه بریدونه پرون د عرفې په ورځ شوي او د لبنان سویل او ختیځ کې یې د ښارونو او کلیو لسګونو کسانو ته امر کړی چې خپلې سیمې پرېږدي.
د اختر په رانږدې کېدو سره د هېواد یو شمېر ولایتونو کې د امنیت د ټینګښت غوښتنې او اندېښنې زیاتې شوي.
یو شمېر ښاریان وایي، تمه لري چې د اختر ورځې او شپې په ارامه فضا او له هر ډول ګواښ او بېنظمۍ پرته تېرې شي.
دوی له مسوولو ادارو غواړي چې د هوايي ډزو او پټاقیو د کارولو مخه ونیسي.
د امریکا بهرنیو چارو وزیر مارکو روبیو ویلي چې هېواد به یې له ایران سره یا یوې ښې هوکړې ته ورسېږي او یا به له دغه هېواد سره په بله بڼه چلند وکړي.
نوموړي ویلي، امریکا به د بدیلو انتخابونو له ارزولو مخکې، د بریا لپاره ډیپلوماسۍ ته فرصت ورکړي.
د پاکستان د بلوچستان ایالت کویټه کې د یوې چاودنې له امله لږ تر لږه ۲۴ کسان وژل شوي او تر ۵۰ ډېر ژوبل شوي.
اسلامي امارت مشر شیخ هبتالله اخندزاده د لوی اختر په مناسبت پیغام کې ویلي، ټولې نړۍ په ځانګړې توګه اسلامي هېوادونو سره د شریعت په اصولو کې سياسي او اقتصادي اړیکې غواړي.
هغه نن یکشنبه د جوزا ۳ / مې ۲۴ دغه پیغام کې ویلي چې د اسلامي امارت حکومت دې برخه کې خپل مکلفیت هم ادا کړی.
