د افغانستان لپاره د پاکستان ځانګړي استازي اصف دراني د دغه هېواد له یوې ټلوېزیوني شبکې سره مرکه کې ویلي چې امریکا د ملګرو ملتونو اړوند امنیت شورا د پرېکړهلیک پر بنسټ افغانستان کې د ترهګرو ډلو لهمنځه وړو په موخه د پاکستان له هوايي حریم څخه استفاده کولای شي.
د شانګهای همکاریو سازمان د غړیو هېوادونو مشرانو د هند په کوربهتوب د یاد سازمان په جوړه شوې انلاین غونډه کې افغانستان کې د ترهګرو ډلو او نشهيي توکو قاچاق مخنیوي، پر ټولګډونه حکومت او د بشر حقونو پر رعایت ټينګار کړی. د بهرنیو چارو وزارت بیا یوې خبرپاڼه کې ویلي، سرپرست حکومت ته دې په ورته ناستو کې د ګډون زمینه برابره شي.
قرغزستان کې د منځنۍ اسیا او اروپایي ټولنې د ګډې سرمشریزې ګډونوالو افغانستان کې د يوه ټولګډونه حکومت پر جوړېدو، د ښځو حقونو پر رعایت او له ترهګرۍ سره پر مبارزې ټينګار کړی دی.
د ملګرو ملتونو د بشري مرستو د همغږۍ دفتر یا اوچا ویلي چې په روان زېږدیز کال کې له ۲۰ میلیونه ډېر زیانمن افغانان د افغانستان په بېلابېلو برخو کې د ساتنې خدمتونو او مرستو ته اړتیا لري.
د چین او پاکستان بهرنیو چارو وزیرانو د اسلاماباد درې اړخیزه غونډه کې چې پرون شنبه د غويي ۱۶مه د ا.ا د بهرنیو چارو سرپرست امیرخان متقي په حضور ترسره شوه، د ا.ا سرپرست حکومت سره د اقتصادي همکاریو ژمنه وشوه.
کابل ښار کې د ګلانو او نیالګیو یوشمېر پلورونکي وايي چې د تېرو کلونو په پرتله یې سږکال د پېر کچه لوړه شوې ده.
ولي محمد چې له تېرو ۱۸ کلونو راهیسې د کابل ښار په یوه څنډه کې ګلان پلوري، وايي چې روان کال یې د ګلانو او نیالګیو برخه کې ۳۰۰زره افغانۍ پانګونه کړې ده.
د افغانستان پخواني ولسمشر حامد کرزي د پاکستان د ملي امنیت شورا د ناستې او دې ناسته کې د نیول شوې پرېکړې په غبرګون کې ویلي، د پاکستان اوسنی وضعیت او ناامني د دغه هېواد د حکومت د سیاستونو پایله ده. پخواني ولسمشر همداراز له پاکستان غوښتنه کړې چې له ناامنۍ سره د اغېزمنې مبارزې لپاره دې خپلو وروستیو څو لسیزو پر سیاستونو ژور فکر وکړي او بدل دې یې کړي.
د شانګهای سازمان اړوند د ترهګرۍ ضد د سیمهییزې اجرايي کمېټې رییس روسلان میرزایف «د نړیوالو او سیمهییزو همکاریو او له ترهګرۍ سره د مبارزې لپاره د پولو مدیریت او د ترهګرو مخنیوي» په نوم غونډه کې ویلي چې افغانستان کې د وسلهوالو ډلو شاوخوا ۱۳۵۰۰ غړي د تاجکستان پولې ته نږدې راټول شوي او د دغه هېواد امنیت ګواښي.
د ریاستالوزرا دویم مرستیال عبدالسلام حنفي د اسلامي امارت د ځواکونو له لوري د جنګي بندیانو د وژلو په اړه د ادعاو په رد سره وايي، د جنګي بندیانو په اړه د پرېکړې واک یوازې له محکمې سره دی او څوک یې د وژلو یا اعدامولو حق نه لري.
د رییسالوزرا اقتصادي مرستیال ملا عبدالغني برادر وايي چې د تېر یوه کال پرمهال د اسلامي امارت سرپرست حکومت خلکو ته بنسټیز کارونه نه دي.
نوموړي دغه څرګندونې نن (چهارشنبه، تلې ۲۷مه) کابل کې د کرنې وزارت اړوند د کورنیو تولیداتو اووه ویشتم نندارتون کې د وینا پرمهال وکړې.
د ا.ا د ریسالوزرا محمدحسن اخُند د هغو بندیانو د دوسییو بیا ارزولو لپاره یو شپږ کسیز کمېسیون جوړ کړی چې پنجشېر د اسلامي امارت د ځواکونو په پوځي عملیاتو کې نیول شوي دي.
د «سولې او عدالت ملي خوځښت» سیاسي جریان د یوشمېر سیاسي، فرهنګي او د مخکیني حکومت د ځینو څېرو په غړیتوب د موجودیت اعلان وکړ. اتمر زیاته کړې، که افغانستان کې مشروع نظام رامنځته نهشي، نه یوازې هېواد کې به ناورین پراخ شي، بلکې د سیمې او نړۍ لپاره به هم جدي ستونزې رامنځته کړي.
د افغانستان لپاره د اروپايي ټولنې ځانګړي استازي توماس نېکلاسن پر خپله ټوېټرپاڼه لیکلي، اروپايي ټولنه ژمنه ده چې افغانستان په نړیواله اجنډا کې وساتي، خو نوموړي اسلامي امارت ته په اشارې سره ویلي چې وخت لنډ دی او باید اقدامات وکړي. په همدې حال کې د چارو یوشمېر شنونکي هم افغانستان کې د ټولګډونه حکومت پر جوړېدو ټينګار کوي.
د افغانستان لپاره د امریکا ځانګړي استازي توماس وېسټ پرون چهارشنبه د تلې شپږمه د امریکا د ستراتیژیکو مطالعاتو په مرکز کې د وینا پرمهال ویلي، اوس مسله دا نه ده چې کورنۍ جګړه به پیل شي، که نه، بلکې مسله دا ده چې جګړه به څه وخت پېښېږي. نوموړي افغانستان کې د کورنۍ جګړې په اړه خبرداری ورکړی دی.
د افغان سولې لپاره د امریکا د بهرنیو چارو وزارت ځانګړی استازی ټامس وېسټ وايي، له پخواني جمهوري نظام سره د ا.ا د سولې خبرو پر مهال د کوټې شورا تصمیمنیوونکې وه او په زوره یې واک ته د رسېدو لاره غوره کړه. وېسټ وايي، د دوحې ډلې نه غوښتل چې په زوره واک ترلاسه کړي، خو په وینا یې، د کوټې شورا بریالۍ شوه او په زوره یې واک ترلاسه کړ.
یوشمېر افغان مېرمنو چې نن د دې ورځې په مناسبت راټولې شوې وې، له خلکو وغوښتل چې یو بل ته لاس ورکړي او د ملي یووالي لپاره ګډ کار وکړي. د دوی په وینا، ژبنی، ګوندي او سیمهييز بېلوالی او تعصب افغانستان کې د سولې نه ټینګښت اصلي لامل دی.
دغو ښځو پر ا.ا هم نیوکه وکړه چې تېر یوه کال کې یې د سولې لپاره هېڅ کار نه دی کړی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
