په دولسو ولایتونو کې له ۲۲ ښځینه شاعرانو او لیکوالانو سره د سلاموطندار د مرکو موندنې ښيي چې ډېری یې له ټولنیزو ستونزو سره مخامخ دي او خپل شعرونه او لیکنې تر ډېره د افغان ښځو پر ستونزو او ناهیلیو لیکي.
دوی وايي، په خپلو شعرونو او لیکنو کې د هغو افغان ښځو دردونه، ناهیلۍ او ناویلې منعکسوي چې غږ یې چوپ شوی دی.
نفیسه محمدي چې ۲۲ کاله عمر لري، هېواد کې له وروستي سیاسي بدلون وروسته ایران ته کډواله شوې ده. هغه د جمهوریت پر مهال د ښځو حقونو فعاله او د افغانستان د رزمي سپورټ روزونکې وه، خو اوس په ایران کې د کډوالۍ سختې شپې او ورځې تېروي.
د دایکندي د عامې روغتیا ریاست مسوولان وايي چې یوې مور بېګاه د دغه ولایت په ولایتي روغتون کې پنځهګوني چې درې یې هلکان او دوه یې نجونې دي، زېږولي دي.
د دایکندي د عامې روغتیا رییس غني صمیم وايي، یاده مور د روزګان د ګېزاب ولسوالي اوسېدونکې ده او دا یې لومړی زېږون و.
د سرپرست حکومت د بهرنیو چارو وزارت سرپرست امیرخان متقي ویلي چې د ټاپي پروژې عملي کېدل د ا.ا لپاره لومړیتوب لري او په نږدې راتلونکې کې به یې په افغانستان کې عملي چارې پیل شي.
د دغه وزارت د ویاند مرستیال ضیااحمد تکل پرون (د زمري څلورمه، د پنجشنبې ورځ) پر اېکس لیکلي چې متقي دا خبره په کابل کې د ترکمنستان له سفیر خواجه عوضوف سره په لیدنه کې کړې ده.
د لوګر پوهنې ریاست چارواکي وایي چې د ماشومانو لپاره د ملګروملتونو ملاتړې ادارې (UNICEF) له لوري په برهکي برک ولسوالي کې یوه ښوونځي ته ودانۍ جوړېږي.
د کابل ښار «هوتخېلو» سیمه کې په نړیوالو معیارونو برابر د «لایفپېرل» په نوم د درملو د تولید یوه خصوصي فابریکه پرانېستل شوه.
د یادې فابریکې پر جوړولو ۲۰ میلیونه ډالره لګول شوي او دامهال پهکې ۵۰ قلمه درمل تولیدېږي. د عامې روغتیا وزارت مسوولان وايي، هېوادوال د درملو په پېرلو د کال تر یو میلیارد ډالرو پورې لګوي.
د اسراییلو لومړی وزیر بنیامین نتنیاهو چې امریکا ته په سفر تللی، د دغه هېواد کانګرېش ته په وینا کې ویلي چې غزه کې د روانې جګړې بری، د امریکا لپاره هم بریال شمېرل کېږي.
کانګرېس د نوموړي په وینا، لسګونه اعتراض کوونکي هم ورټول شوي وو او د نتنیاهو وینا ته له اعتراض سربېره یې، د اوربند غوښتنه کوله. نتنیاهو د وینا پرمهال له امریکا غوښتنه وکړه چې هېواد سره یې، څنګ په څنګ ودرېږي.
اېنبېاې «نېشنل باسکېټبال اسوسیشن» د لوبېدو خپرېدو ۱۱کلن هوکړهلیک چې ارزښت یې، ۷۷ میلیارډ ډالر دی، له امازون، ډیزني او کامکاسټ شرکتونو سره لاسلیک کړ.
اېنبياې په وروستیو شېبو کې د وارنر بروز وړاندیز ونهمانه او له دغه رسنیز شرکت سره یې، د شاوخوا ۴۰کلنو کار وروسته، هوکړهلیک لغوه کړ.
د نیدرلنډز دفاع وزارت وايي چې دغه هېواد او ډنمارک به د روسې پر وړاړندې جګړې لپاره اوکراین ته «لیوپارډ ۲» ۱۴ نوي ټانکونه وسپاري.
دغه وزارت نن پنجشنبه، جولای ۲۵مه یوې خبرپاڼه کې ویلي چې دغه ټانکونه د جرمني د « Rheinmetall» لهخوا جوړ او تر ازمایښت وروسته، دې ته اماده شوي چې اوکراین ته ولېږدول شي.
۳۰,۰۰۰ fish fry were thrown into the canals in Helmand
د سرحدونو، قومونو او قبايلو چارو وزارت مسوولان وايي، د هېواد د سرحدونو او په يادو سیمو کې د خلکو ساتنه د اوسني حکومت مسووليت دی او په ټول توان يې، ساتنه کوي. نورالله نوري دغه څرګندونې د پکتيا څمکنيو ولسوالي کې «د اسلامي نظام او ملي استحکام» تر نوم لاندې د قومي مشرانو سره په يوه غونډه کې کړې دي.
د افغانستان لپاره د پاکستان ځانګړي استازي اصف خان دُراني سهشنبه اسلاماباد کې یوې غونډې ته ویلي، له افغانستانه د ترهګرۍ ګواښ پنځه ګاونډي هېوادونه چې پاکستان، چین، ایران، تاجکستان او اوزبکستان پهکې شاملیږي، اندېښمن کړي دي. هغه زیاته کړې چې تحریک طالبان پاکستان یا «ټيټيپي» د دغه هېواد لپاره سره کرښه ده.
د زابل روغتیايي مسوولان وايي چې دغه ولایت کې د وروستیو میاشتو پرمهال پر بېلابېلو موسمي ناروغیو د اخته کسانو شمېر زیات شوی دی.
دوی سلاموطندار ته وویل، د هوا په ګرمېدو سره یې ۷۰۰ کسان چې پر موسمي ناروغیو اخته دي، ثبت کړي او ډېری یې هم ماشومان دي.
د چین موټر جوړولو «بایډ کمپنۍ» د روان کال لومړیو شپږو میاشتو کې په سینګاپور کې خپل سیال «ټسلا» شاته پرېښی دی.
سینګاپور کې د بایډ برښنايي موټرو د پلور کچې زیاتوالی د دې ښکارندوي کوي چې دغه شرکت د سوېلختیځې اسیا د برښنايي موټرو پر بازار ولکه لري او لاهم ټسلا نهدی بریالی شوی چې دې بازار کې ځای پیدا کړي.
د غزې پر خان یونس ښار د اسراییلي ځواکونو له برید راهیسې تېره ورځ د یادو بریدونو تر ټولو خونړي، برید کې ۹۰ کسان وژل شوي دي.
د الجزیزې خبري شبکې د راپور له مخې، دغه کسان یوازې تېره ورځ سهشنبه، د اسراییلو لهخوا په شویو بریدونو کې وژل شوي دي.
د نیپال پلازمېنې کټمنډو کې د یوې مسافر وړونکې الوتکې د لوېدو له امله ۱۸ کسان مړه شوي دي.
پېښه نن چهارشنبه، جولای ۲۴مه وروسته له هغې رامنځته شوه چې د نیپال سوریا هوايي شرکت دغه الوتکه له الوتنې لږه شېبه وروسته، ولوېده او اور یې واخیست.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
