د لبنان حزبالله ډله وايي چې د یاد هېواد د سوېل بیاضه ښارګوټي په دننه او شاوخوا کې یې د اسراییلو د پوځ پر پوستو څو بریدونه کړي دي.
د الجزیرې خبري شبکې د راپور له مخې، حزبالله په خپلو بیانونو کې ویلي چې د اسراییلي پوځ سرتېري او پوځي وسایط یې د بیاضه ښارګوټي دننه په نښه کړي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همداراز، دې ډلې ویلي چې هغه اسراییلي ځواکونه یې هم هدف ګرځولي چې له بیاضه څخه د سوېل پر لور د ناقوره سیمې ته روان وو.
سربېره پر دې، حزبالله ادعا کړې چې د کفرکیلا ښارګوټي ته نږدې په تلالنحاس سیمه کې یې د اسراییلو یو «مرکاوا» ټانک هم په نښه کړی دی.