د اسراییلو پوځ وايي چې حزبالله ډلې د لبنان سوېلي سیمه کې د اسراییلي سرتېرو پر لور څو راکټونه توغولي دي.
د اسراییلو پوځ پر ټیلیګرام خپره کړې خبرپاڼه کې ویلي چې په وروستیو څو ساعتونو کې راکټونه د سرتېرو نږدې لګېدلي، خو په وینا یې، مرګژوبله نهده رامنځته شوې.
په ورته مهال په یوه بله جلا پېښه کې، اسراییلي چارواکو ویلي چې هوايي ځواک یې په هغه سیمه کې چې اسراییلي پوځیان پهکې عملیات کوي، یو «مشکوک هوايي هدف» هم شنډ او لهمنځه وړی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همداراز ویل شوي چې د اسراییلو شمال کې د اویویم سیمې په شاوخوا کې د خطر زنګونه هم غږول شوي دي.
د وروستیو اوونیو پرمهال د اسراییلو او لبنان حزبالله ډلې ترمنځ نښتې پراخې شوې چې دواړه لوري پر یوه بل د درنو بریدونو او مرګژوبلې اړولو ادعاوې هم کوي.