کابل کې د امریکا سفارت: افغانستان کې لنډمهاله حکومت نه غواړو

کابل کې د امریکا سفارت شارژدافیر راس وېلسن نن پر خپله ټوېټرپاڼه ليکلي، افغانستان کې د لنډمهاله  حکومت پلوي نه‌کوي او د افغان سولې خبرې او پایلې یې په افغانانو پورې اړه لري.

داسې حال کې چې کابل ته د افغان سولې لپاره د امریکا د بهرنيو چارو وزارت ځانګړي استازي زلمي خلیلزاد له وروستي سفر او یو شمېر افغان سیاستوالو سره تر لیدنو وروسته داسې راپورونه…

ولسمشر: طالبان دې جګړه پرېږدي، په غېږه کې به یې ونیسو

ولسمشر محمداشرف غني نن سهار د یوه لوړپوړي دولتي پلاوي په مشري ننګرهار ولایت ته سفر وکړ.
ولسمشر د دغه سفر پر مهال په یوه لویه ولسي غونډه کې د ګډون تر څنګ، د ننګرهار له چارواکو او د ټولنې له بېلابېلو اړخونو سره لیده کاته وکړل او د هغوی ستونزې یې واورېدلې.

د دولت د سولې مرکچي پلاوی د دویم پړاو خبرو د پیل لپاره دوحې ته ولاړ

د دولت د سولې مرکچي پلاوي ویاند نادر نادري په یوه ټویټ کې لیکلي چې د دغه پلاوي غړي د دولت له مشرتابه، د ملي روغې جوړې شورا له غړیو، د ملي شورا له رییسانو او غړیو، سیاسي او مدني فعالانو، دیني عالمانو او د ټولنې له نورو وګړو سره تر سلا مشورې وروسته نن د سولې خبرو د دویم پړاو د پیل لپاره بېرته دوحې ته ولاړل.

د دولت د سولې مرکچي پلاوی به سبا قطر ته ولاړ شي

که څه هم ټاکل شوې وه چې د دولت د سولې مرکچي پلاوی نن د سولې خبرو د دویم پړاو د پیل لپاره قطر ته ولاړ شي، خو د سولې په چارو کې د دولت وزارت وايي، ټاکل شوې یاد پلاوی په قوي احتمال سبا د قطر پلازمېنې دوحې ته ولاړ شي.

ولسمشر د قطر له امیر سره پر سولې او اوربند غږېدلی

ولسمشرۍ ماڼۍ وايي چې ولسمشر محمداشرف غني نن له غرمې مخکې د قطر له امیر شیخ تمیم بن حمد الثانی سره پر سولې او اوربند ټیلیفوني خبرې کړې دي.
ولسمشرۍ ماڼۍ په یوه ټویټ کې لیکلي چې د قطر امیر له ولسمشر سره ژمنه کړې چې حکومت به یې د اوربند لپاره د لارې هوارولو په برخه کې هڅه وکړي.

ولسمشر په دوحه کې د سولې دویم پړاو خبرو دوام منلی

د ولسمشرۍ مانۍ د عامه او سټراټېژیکو اړیکو ادارې رییس وحید عمر وايي، که څه هم ولسمشر غني په دوحه کې د سولې دویم پړاو خبرو د دوام په اړه هوکړه کړې ده، خو په وینا یې، د افغانستان په دننه کې د راتلونکو پړاوونو پر کېدو د دولت ټینګار پر خپل ځای دی.

جواد ظریف: د امریکا او طالبانو د هوکړې پایلې به د افغانستان لپاره خطرناکې وي

د ایران د بهرنیو چارو وزیر جواد ظریف تېره ورځ له طلوع‌نیوز ټلویزون سره په یوه مرکه کې ویلي، د امریکا او طالبانو ترمنځ د سولې هوکړه د امريکا د ولسمشر ډونالډ ټرمپ د ټاکنیز کمپاین په موخه لاسلیک شوې او راتلونکي کې به افغانستان لپاره خطرناکې پایلې ولري او له همدې کبله یې دوحه کې د سولې جوړې شوې غونډه کې ګډون هم نه‌ و کړی.

د سولې د مذاکراتو د مقدمې په اړه هوکړه وشوه

قطر کې د حکومت د مرکچي پلاوي یوه غړي چې نه یې غوښتل نوم یې خپور شي سلام‌وطندار ته وویل، د مذاکراتو د کړنلارې په اړه پخوا هوکړه شوې وه او د مقدمې په اړه ځینې ستونزې وې چې وضاحت ته اړتیا وه.

سرچینه وایي، وړمه ورځ انګلستان، امریکا، ملګروملتونو او اروپایي ټولنې د ځینو غړیو هېوادونو لکه جرمني او ناروې د استازو په منځګړیتوب سره حکومتي پلاوي ته وضاحت ورکړل شو چې د دواړو لورو د قناعت وړ و او پر مقدمې هم هوکړه وشوه.

طالبان: د سولې خبرو کې هېڅ منځګړی نشته

سرچینې رسنیو ته تاییدوي چې د قطر په ګډون ازبکستان، جرمني، ناروې او اندونیزیا به بین‌الافغاني مذاکراتو کې د بن‌بست لرې کولو لپاره د منځګړي په توګه عمل وکړي؛ خو قطر کې د طالبانو د سیاسي دفتر ویاند محمد نعیم سلام‌وطندار سره خبرو کې د سولې خبرو کې د منځګړيتوب مسله رد کړه.