د امریکا ولسمشر ډونالډ ټرمپ وايي، له ایران سره د جګړې پایته رسولو لپاره په لویه کچه خبرې شوي او د هوکړې وروستي کېدو ته په تمه دي.
هغه پر تروت سوشل پاڼه لیکلي چې د دغو خبرو په چوکاټ کې د سیمې یو شمېر مشرانو سره یې «ډېرې ښې» خبرې کړي، خو له ایران سره د احتمالي هوکړې وروستي اړخونه او جزئیات لا هم تر ارزونې لاندې دي او «ژر» به اعلان شي.
د روسیې ولسمشر ولادیمیر پوتین چین ته د سفر پرمهال د دغه هېواد ولسمشر شي جینپینګ سره د اقتصاد، انرژۍ او ټرانسپورټ په برخو کې د همکاریو ۲۰ هوکړهلیکونه لاسلیک کړل.
د راپورونو پراساس، دغه هوکړهلیکونه نن چهارشنبه د پوتین او د شي جینپینګ د لیدنې په لومړۍ ورځ لاسلیک شوي.
د ايران بهرنيو چارو وزير عباس عراقچي د امريکا ولسمشر ډونالډ ټرمپ د وروستيو څرګندون په اړه ويلي، جګړې ته بېرته ستنېدل به «لا ډېرې ناڅاپي پېښې» له ځان سره ولري.
هغه پر اېکسپاڼه لیکلي چې د ايران پر وړاندې د جګړې له پيل څو مياشتې وروسته، د امريکا کانګرس د «ميلياردونو ډالرو په ارزښت د لسګونو الوتکو له لاسه ورکول» تاييد کړي.
د ریاستالوزرا اقتصادي مرستیال ملا عبدالغني برادر وايي، دې وروستیو کې د درملو د وارداتو کمول لامل شوي چې د افغانستان د درملو سکټور په کم وخت کې ډېره وده وکړي. هغه نن کابل کې د ابو علي سینا بلخي د دویم تخصصي ملي او نړیوال نندارتون پرانیسته کې وویل، دامهال هېوادوال د بهرنیو درملو پرځای له کورنیو درملو استفاده کوي.
د امریکا ولسمشر ډوناډ ټرمپ وايي، د خلیج متحدانو په غوښتنه یې پر ایران برید ځنډولی. د راپورونو پر اساس، ټرمپ ویلي چې اوس ایراني
د لبنان د عامې روغتیا وزارت ویلي، تېرو څه کم دریو میاشتو کې پر لبنان د اسراییل بریدونو کې څه باندې ۳ زره کسان وژل شوي.
د راپورونو پر اساس، دغه وزارت ویلي چې د مارچ میاشتې له دویمې نیټې راهیسې د اسراییل بریدونو پرمهال لږترلږه ۳۰۲۰ کسان وژل شوي او ۹۲۷۳ نور ټپیان دي.
د بلوچستان په تربت او نوشکي سیمو کې د وسلهوالو بریدونو پرمهال یوه ښځینه پولیسه او د براهوي ژبې یو شاعر په ډزو وژل شوي او یو شمېر کسان ټپیان دي.
پاکستاني رسنیو راپور ورکړی چې دغه ښځینه پولیسه تېره ورځ خپلې کورنۍ سره د بلوچستان تربت ښار ته روانه وه چې وسلهوالو د «اپسر څیړنیز فارم» ته نږدې په نښه کړه.
د اسراییل پوځ د لبنان سویل کې د ۹ نورو ښارونو او کلیو له اوسېدونکو غوښتي چې خپل کورونه تخیلیه کړي.
د راپورونو پراساس، د اسراییل پوځ دغو کسانو ته چې په ټاکل شویو ښارونو او کلیو کې ژوند کوي نن شنبه خبرداری ورکړی چې له بریدونو وړاندې له دغو سیمو ووځي.
د اسراییل پوځ یو سرتېری تېره شپه د لبنان سویل کې د حزبالله برید کې وژل شوی.
د اسراییل پوځ نن جمعه د ثور ۲۵ / مې ۱۵ ویلي، تر اوربند وروسته د لبنان په سویل کې د وژل شویو سرتېرو شمېر یې ۶ ته لوړ شوی.
د قطر دوحې کې د اسلامي امارت سفیر د چین استازي سره لیدنه کې پر دوه اړخیزو اړیکو خبرې کړي. دوحه کې د اسلامي امارت
د امریکا ولسمشر ډونالډ ټرمپ چین ته خپل دوه ورځنی سفر نن پایته ورساوه او ویلي، له خپل چیني سیال شيجین پینګ سره یې غوره سوداګریزې هوکړې کړي.
نړیوالو رسنیو نن جمعه ثور ۲۵ / مې ۱۵ راپور ورکړی چې ټرمپ بیجینګ ته د دې لپاره تللی وو، څو د کرنې، هوايي چلند او مصنوعي ځیرکتیا په ګډون په بېلابېلو برخو کې هوکړې وروستۍ کړي.
د چاپېریال ساتنې ادارې عمومي مشر مطیعالحق خالص د یوه پلاوي په مشرۍ نړیوال ښاري فورم (WUF13) کې د ګډون په موخه اذربايجان ته سفر کړی.
دغه نړیوال فورم د نړۍ له مهمو نړیوالو ښاري او چاپېریالي غونډو څخه شمېرل کېږي چې پهکې د بېلابېلو هېوادونو استازي، وزیران، ښاروالان، نړیوال بنسټونه، د اقلیم بدلون متخصصین او د ښاري پراختیا اړوند ادارې ګډون کوي.
د بهرنیو چارو وزیر امیرخان متقي کابل کې د سره صلیب نړیوالې کمېټې (ICRC) د نوي ټاکل شوي مشر جوهانیز بروور سره وکتل او د هغه باورلیک نسخه یې ترلاسه کړه.
د بهرنیو چارو وزارت تېره شپه پر اېکسپاڼه لیکلي چې په دې لیدنه کې د بهرنیو چارو وزیر له افغانستان او د سره صلیب نړیوالې کمېټې اړیکې تاریخي وبللې.
د ایران بهرنیو چارو وزیر عباس عراقچي وايي، باید ټولو ته روښانه شوې وي چې ایران نه ماتېدونکی هېواد دی.
ایراني رسنیو نن پنجشنبه راپور ورکړی چې هغه د بریکس غونډه کې وویل، وسلهوال ځواکونه یې چمتو دي چې بهرنیو یرغلګرو ته سخت او ویجاړوونکی ځواب ورکړي، خو په وینا یې چې دوی سولهغوښتونکي دي او جګړه نه غواړي.
د امریکا ولسمشر ډونالډ ټرمپ چین ته د سفر پرمهال د دواړو هېوادونو ترمنځ اړیکې وستایلې.
هغه وویل: «موږ به په ګډه يو ښه راتلونکی ولرو. زه د چين د ولسمشر هغه کار لپاره چې تاسو ترسره کړی، ډېر درناوی لرم. تاسو يو ستر رهبر ياست.»
د هغه په وینا، د امریکا او چین اړیکې به تر بل هر وخت ښې شي.
په غزني کې د اقتصاد، کانونو او پټرولیم، صنعت او سوداګرۍ، د ځمکني ټرانسپورټ د تنظیم ریاستونه، د طبیعي پېښو پر وړاندې د مبارزې اداره، د برښنایي پېژندپاڼو د وېش څانګې، د ځانګړو زدهکړو او چاپېریال ساتنې ادارې، هغه دولتي ادارې دي چې ځانګړې ودانۍ او ثابت ځای نهلري.
