د غور محلي مسوولان وايي چې دغه دوه هلکان او نجونې پرون د فېروزکوه ښار او د یاد ولایت د دولتیار ولسوالي د ابتداییه محکمو له لوري په عام محضر کې په دورو وهل شوي دي.
د غور د والي د رسنیو دفتر په یوې خبرپاڼه کې ویلي چې د دولتیار ولسوالي ابتداییه محکمې یو هلک او نجلۍ د نامشروع اړیکې په تور په دورو وهلي دي.
د سلاموطندار پښتو فېسبوکپاڼه وڅارئ
په خبرپاڼه کې راغلي چې دغه هلک او نجلۍ د جرم له اثبات وروسته په عام محضر کې ۳۹ دورې وهلي شوي.
په ورته مهال د غور د والي د رسنیو دفتر د خبرپاڼې پربنسټ، د فیروز کوه ښاري محکمې هم پرون یو هلک او نجلۍ د نامشروع اړیکې په تور په دورو وهلو او بند محکوم کړي دي.
دا په داسې مهال ده چې د روانې اوونۍ د یکشنبې پر ورځ هم په دغه ولایت کې یو هلک او نجلۍ د نامشروع اړیکې په تور په بند محکوم شوي وو.
