ملاریا سره د مبارزې نړیواله ورځ؛ افغانستان کې یې تېرکال ۱۸۰زره پېښې ثبت شوي
نن د اپرېل ۲۵مه د ملاریا ناروغۍ پر وړاندې د مبارزې نړیواله ورځ ده. د عامې روغتیا وزارت مسوولانو کابل کې د یوې غونډې پرمهال «د غوره ژوند په موخه د ملاریا پر وړاندې د مبارزې چټکولو» تر شعار لاندې دغه ورځ ونمانځله.
د دغه وزارت مسوولان افغانستان له ملاریا ناروغۍ څخه د زیانمنو هېوادونو له ډلې بولي او ټینګار کوي چې تېر ۲۰۲۳ کال کې پر دې ناروغۍ د اخته کسانو څه باندې ۱۸۰ زره پېښې ثبت شوي چې تر هغې وړاندې یو کال ته په پرتله، ۲۸.۷ سلنه زیاتوالی ښيي.