د سرپرست حکومت د عدلیې وزارت مسوولان وايي، په ۱۴۰۲ لمریز کال کې یې د ټولنیزو او مرستندویه ټولنو او سیاسي ګوندونو له ارزولو وروسته د دوو سیاسي ګوندونو او ۷۵ ټولنیزو او مرستندویه بنسټونو مسوولان امنیتي ادارو ته ورپېژندلي دي.
کندهار کې یو ښوونځی چې ۳۱۷ زره امریکايي ډالره لګښت پرې راغلی نن د کندهار ښار د نهمې ناحیې اړوند په میانکوه سیمو کې ګټې اخیستنې ته وسپارل شو.
د کندهار د اقتصاد رییس عبدالسلام بریالي چې په دغو مراسمو کې یې ګډون کړی و، وویل چې پر یاد ښوونځي ۳۱۷ زره امریکايي ډالره لګښت راغلی او په نهو میاشتو کې د ۱۲۰ کسانو له لوري جوړ شوی دی.
د غزني د امنیې قومانداني ویاند خالد سرحدي سلاموطندار ته ویلي چې په دغه ولایت کې یوې ټرافیکي پېښې ۳۸ کسانو ته مرګژوبله اړولې ده.
د نوموړي په وینا، دا پېښه بېګاه شاوخوا اتهنیمې بجې د غزني د اندړو ولسوالي په ناني سیمه کې د یوه ۴۰۴ ډوله او یوه باروړونکي موټر د ټکر له امله شوې ده.
د غور د ټولګټو چارو ریاست په یوه خبرپاڼه کې لیکلي چې د سختې واورې او توپان له کبله د غور-کابل لویې لارې په ګډون، د دغه ولایت د ټولو ولسوالیو لارې تړل شوې دي.
په خبرپاڼه کې د ولسوالیو له مسوولانو، امنیتي پوستو او ټرانسپورټي شرکتونو څخه غوښتل شوي چې د هوا تر برابرېدو پورې چا ته اجازه ور نهکړي چې پر یادو لارو سفر وکړي.
د بادغیس محلي مسوولان د سختې واورې اورېدو له امله د دغه ولایت د ټولو مواصلاتي لارو د تړل کېدو خبر ورکوي.
د بادغیس د ځمکني ټرانسپورټ مدیر محمدعمر عزت وايي، په دغه ولایت کې د سختې او دوامدارې واورې د اورېدو له امله د قلعه نو-هرات لویې لارې په ګډون، د ټولو ولسوالیو لارې تړل شوې دي.
د غزني امنیتي مسوولان وايي، یوې ناوې د دغه ولایت په قرهباغ ولسوالي کې ځان را ځړولی او وژلی دی.
د غزني د امنیې قومانداني ویاند خالد سرحدي سلاموطندار ته ویلي چې دغې ناوې نن (د کب لسمه، د پنجشنبې ورځ) د قرهباغ ولسوالي په مزدورکي سیمه کې د خپل پلار په کور کې ځان را ځړولی او وژلی دی.
د بلخ د ټرافیکو مدیریت مسوولان وايي، د روان لمریز کال پر مهال په دغه ولایت کې د ټرافیکي پېښو له کبله ۱۰۸ کسان مړه شوي او ۱۶۰ نور ټپیان دي.
د بلخ د ټرافیکو مدیر عبدالقیوم مبارز وایي، دغو کسانو ته د بلخ-جوزجان او بلخ-سمنګان پر لویو لارو د ۱۲۲ ټرافیکو پېښو له کبله مرګژوبله اوښتې ده.
د غزني د امنیې قومانداني ویاند خالد سرحدي وايي، نن یې په دغه ولایت کې یو څوارلس کلن ماشوم د انسان تښتوونکو له منګولو ژغورلی دی.
دغه ماشوم د روزګان اوسېدونکی دی او د غزني په اندړو ولسوالي کې د انسان تښتوونکو له منګولو ژغورل شوی دی.
د بادغیس د ټرافیکو مدیریت مسوولان وايي چې په دغه ولایت کې د یوې ټرافیکي پېښې له امله د یوه ماشوم په ګډون درې کسان مړه او اته نور ژوبل شوي دي.
د بادغیس د ټرافیکو مدیریت د ټرافیکي پېښو امر عبدالمنان محمدي وايي، دا پېښه د چهارشنبې ورځې په ماښام د مقر-قلعهنو پر لویه لاره شوې ده.
د خوړو او درملو ادارې مسوولانو نن چهارشنبه په کابل کې یوې غونډې ته وویل چې د خوړو د خوندیتوب نه موجودیت لا هم په افغانستان کې یوه جدي ننګونه ده.
د خوړو او درملو ادارې سرپرست عبدالباري عمر وايي، اوس په افغانستان کې درې میلیون ماشومان او نږدې یو میلیون ښځې پر خوارځواکۍ اخته دي چې تر ټولو مهم لامل یې په هېواد کې د خوړو نه خوندیتوب دی.
له هغه وروسته چې په خوست کې یو ډلهييز قبر کې له ۱۰۰ څخه ډېر مړي پهکې وموندل شول، یوشمېر خوستوال چې د کورنۍ غړي یې پخوا تريتم شوي، له نړیوالو ادارو د پلټنو او عدالت غوښتنه کوي.
د خوست ولایتي مسوولان وایي، وړمه ورځ یې د دغه ولایت په مرکز کې شیخ زاید پوهنتون ته نږدې د یوه چېکډیم د جوړېدو پر مهال په یوه ډلهييز قبر کې سل جسدونه موندلي او نن یې په یوه بله سیمه کې خاورو ته سپارلي دي.
د فبروري ۱۳مه د راډیو نړیواله ورځ ده، خو په افغانستان کې دا ورځ داسې مهال نمانځل کېږي چې دا مهمه او نوموتې رسنۍ د مالي ستونزو او محدوديتونو له امله د خپرونو د کمیت او کیفیت له کمښت سره مخ ده.
په کابل او یوشمېر ولایتونو کې د ځینو راډیوګانو مسوولان وايي، پر رسنیو محدودیتونو او اقتصادي ستونزو هېواد کې د راډیويي خپرونو پر کیفیت او کمیت منفي اغېز کړی دی.
د افغانستان د ازادو خبریالانو ټولنې مشر حجتالله مجددي وايي چې هلمند کې خبریالانو له ستونزو او محدودیتونو سره مخ دي. مجددي د یادې لیدنې پر مهال ویلي چې هلمندي خبریالان د نورو ولایتونو سره په توپیر ځینو ستونزو او محدودیتونو سره مخ دي چې ځايي مسوولان یې باید ستونزې ورحل کړي.
د غزني د حوزوي روغتون یوشمېر ډاکټران او روغتیايي کارکوونکي وايي، د ۲۰۲۳ کال د وروستيو څلورو میاشتو تنخوا یې نه یوازې په څو میاشتې ځنډ ورکړل شوی، بلکې له ۵۰ تر ۶۰ سلنې پورې کم شوی هم دی. دوی سلاموطندار ته ویلي چې د تنخواوو کمېدو له سختو اقتصادي ستونزو سره مخامخ کړي دي.
د میدان وردګ د امنیې قومانداني مسوولانو سلاموطندار ته په یوه لېږلې خبرپاڼه کې لیکلي چې د دغه ولایت اړوند د کابل-کندهار پر لویې لارې ټرافیکي پېښه شوې چې له کبله یې درې کسان مړه او درې نور ټپیان شوي دي.
د ټرافیکو عمومي ریاست مسوولان وايي، د روان لمریز کال له پیل څخه تر اوسه په هېواد کې څه باندې درېزره ټرافیکي پېښې شوي چې په پایله کې یې تر ۱۵۰۰ ډېر کسان وژل شوي او تر ۴۰۰۰ ډېر نور ټپیان شوي دي. مسوولان پر لويو لارو د ټرافيکي څراغونو نشتوالى، د سړکونو خرابوالى او پر لويو لارو د ټرافيکو مامورانو نشتون د ټرافيکي پېښو اصلي لاملونه بولي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
