د چارو ادارې په یوه ټویټ کې لیکلي چې د اسلامي امارت رییسالوزرا محمدحسن اخوند پرون مازدیګر د ارګ په ګلخانې ماڼۍ کې د اسلامي همکاریو سازمان له پلاوي سره کتلي دي.
نوموړي په دې لیدنه کې ویلي چې اسلامي امارت به د خپلې پالیسي له مخې، هېچا ته اجازه ور نهکړي چې له افغانستانه د نورو په چارو کې لاسوهنه وکړي یا یې هم له ګواښ سره مخامخ کړي.
هغه ټینګار کړی چې د داعش وسلهواله ډله د تېر په پرتله اوس له منځه تللې او په دې برخه کې د اسلامي امارت د ځواکونو هڅې لا هم روانې دي.
محمدحسن اخوند زیاته کړې چې اسلامي امارت توانېدلی، څو «هېواد کې جګړه، ناامني، وژنې، ورانۍ او فساد له منځه یوسي» او که نړۍ او د اسلامي همکاریو سازمان مرسته وکړي، دې برخه کې به نور پرمختګ هم وشي.
د سلاموطندار پښتو فېسبوکپاڼه وڅارئ
رییسالوزرا ویلي: «په تېرو شلو کلونو کې دلته ډېرې ستونزې پېښې شوي او هېواد له هر اړخه ویجاړ شوی.» هغه په نړیوالې ټولنې، په تېره د اسلامي همکاریو سازمان غږ کړی چې د افغانستان د بیارغونې لپاره ورسره مرسته وکړي.
