اوکراین کې چارواکو وايي چې دوشنبه، اپرېل ۲۹مه د دغه هېواد د تور سمندرګي په اوډیسا بندر کې د سمندري غاړې په یوه مشهور پارک کې پر یوه ښوونیز مرکز د روسیې توغندیز برید لږترلږه پنځه کسان وژلي او ۳۲ نور یې ټپیان کړي دي.
سیمهییز والي اولیه کیپر پر خپل ټیلیګرام لیکلي چې په برید کې د وژل شویو کسانو سربېره یو کس د برید له امله زړه درېدلی او مړ شوی دی.
د سلاموطندار پښتو فېسبوکپاڼه وڅارئ
هغه وویل چې د یوه څلور کلن ماشوم په ګډون د اتو ټپیانو روغتیايي وضعیت د اندېښنې وړ دی. په ټپیانو کې یو بل ماشوم او یوه امېندواره مېرمن هم شامله ده.
رویټرز خبري اژانس نن سهشنبه، اپرېل ۳۰مه راپور ورکړی چې برید کې د حقوقو یوې خصوصي اکاډمي ودانۍ اور اخیستی او ویجاړه شوې.
د راپور له مخې، روسیې په دې وروستیو کې اودیسا تر خپلو بریدونو لاندې راوستی، په ځانګړې توګه د دغه بندر زېربناوې یې په نښه کړې دي.