متقي او اوتنبایوا د دوحې د راتلونکې غونډې پر څرنګوالي غږېدلي

د بهرنیو چارو وزارت سرپرست امیرخان متقي په افغانستان کې د ملګرو ملتونو د سیاسي استازولۍ یا يوناما له مشرې روزا اوتنبایوا سره لیدلي دي.
د دغه وزارت د ویاند مرستیال ضیااحمد تکل رسنیو ته ویلي چې د یوناما مشرې روزا اوتنبایوا په دې لیدنه کې ا.ا ته بلنه ورکړې چې د دوحې په راتلونکې غونډه کې ګډون وکړي.

د ملګرو ملتونو امنیت شورا نن د افغانستان په اړه غونډه جوړوي

د افغانستان لپاره د ملګرو ملتونو ځانګړې استازولۍ یا یوناما وايي چې د دغه سازمان د امنیت شورا نن (د لیندۍ ۲۹مه، د چهارشنبې ورځ) د افغانستان په اړه ځانګړې غونډه جوړوي. یوناما لیکلي چې ټاکل شوې دا غونډه د نیویارک پر وخت لس بجې او د افغانستان پر وخت د ماښام په اووه‌نیمو بجو جوړه شي.

اوتونبایوا: د افغانستان د راتلونکي یووالي او ثبات لپاره باید بشري حقونه خوندي شي

په افغانستان کې د ملګرو ملتونو ځانګړې استازولۍ یا یوناما نن د بشري حقونو نړیوالې ورځې په مناسبت یوه خبرپاڼه کې لیکلي چې پر دې ورځ او د بشري حقونو په اړه د نړیوالې اعلامیې په ۷۵یمه کلیزه کې یو ځل بیا د افغانستان له واکمنو چارواکو غواړو چې د افغانستان د باثباته، سوله‌يیزې او پرمختللې راتلونکې په موخه بشري حقونه ومني او ملاتړ یې وکړي.

روزا اوتونبایوا: ټول لوري دې د اقلیمي بدلون برخه کې د افغانستان په ګټه کار وکړي

داسې مهال چې په افغانستان کې اقلیمي بدلون د میلیونونو افغانانو پر ژوند منفي اغېزې کړي، د افغانستان لپاره د ملګرو ملتونو د ځانګړې استازولۍ یا یوناما مشرې روزا اوتونبایوا د کاپ۲۸ په نوم د نړۍ اقلیمي بدلون په اته‌ویشتمه غونډه کې ویلي چې ټول لوري باید د اقلیمي بدلون برخه کې له سیاست لرې او په رغوونکې توګه د افغانانو په ګټه کار وکړي.

یوناما: چاودېدونکو توکو په دوو کلونو کې ۲۸۱۴ ملکیانو ته مرګ‌ژوبله اړولې

په افغانستان کې د ملګرو ملتونو د ځانګړې استازولۍ یا یوناما په یوه راپور کې لیکلي چې د نږدې تېردو دوو کلونو پر مهال د په لاس جوړ شویو چاودېدونکو توکو په چاودنو کې دوه زره او ۸۱۴ افغانانو ته مرګ‌ژوبله اوښتې ده. په راپور کې لیکل شوي د وژل شویو او ټپیانو په ډله کې ۲۸۹ ماشومان او ۱۶۹ ښځې شاملې دي.

د ښځو کار مخنیوي ته غبرګونونه؛ ا.ا: ټول اړخونه باید دې پرېکړې ته درناوی ولري

د ملګروملتونو دفترونو کې د ښځو کار مخنیوي په غبرګون کې دغه سازمان تازه په یوې ویناپاڼه کې ویلي، ا.ا دوی اړ باسي چې یا افغانستان کې خپلو بشري مرستو ته دوام ورکړي، یا د دغه سازمان د قوانینو او اصولو څخه سرغړونه وکړي. د ملګروملتونو ویناپاڼه کې دغه دوه ټاکنې وحشت‌ناکه بلل شوي او ا.ا یې د پایلو مسوول یاد کړی دی.

اسلامي امارت د ملګرو ملتونو د ښځینه کارکوونکو د کار مخه نیولې

په افغانستان کې د ملګرو ملتونو ځانګړې استازولۍ یا یوناما پر ټویټر لیکلي چې په ننګرهار کې د ملګرو ملتونو د ښځینه کارکوونکو د کار مخه نیول شوې ده.
یوناما د دې پېښې په اړه د اندېښنې ښودلو تر څنګ، ټینګار کړی چې باید ښځینه کارکوونکو ته یې د کار اجازه ورکړل شي.

عبدالکبیر اوتونبایوا ته: ا.ا ټول شرایط پوره کړي او باید په رسمیت وپېژندل شي

د ارګ پر ټویټرپاڼې لیکل شوي چې چې د ریاست‌الوزرا سیاسي مرستیال عبدالکبیر د افغانستان لپاره د ملګرو ملتونو د ځانګړۍ استازولۍ یا یوناما له مشرې روزا اوتونبایوا او ورسره مل پلاوي سره کتلي دي. ارګ لیکلي چې روزا اوتونبایوا په دې لیدنه کې «د روژې مبارکې میاشتې» د مبارکي ترڅنګ، ویلي چې د ملګرو ملتونو بشري مرستې به دوام کوي.

د یوناما ماموریت غځېدل؛ کریمي: له ا.ا سره دې د نړۍ تعامل لپاره اغېزناک ګامونه واخلي

اسلامي امارت افغانستان کې د ملګرو ملتونو د ځانګړې استازولۍ یا یوناما د ماموریت غځېدو سره هم‌مهاله له یوناما غوښتي چې له ا.ا سره دې د نړیوالې ټولنې د تعامل برخه کې اغېزناک او ګټور ګامونه اوچت کړي.

افغانستان کې د یوناما ماموریت د یوه بل کال لپاره وغځېد

د ملګرو ملتونو امنیت شورا په افغانستان کې د دغه سازمان د ځانګړې استازولۍ یا یوناما ماموریت د یوه بل کال لپاره هم وغځوه.
د ملګرو ملتونو په پرېکړه‌لیک کې چې د کب په ۲۵مه، د پنجشنبې ورځ خپور شوی، لیکل شوي چې د یوناما ماموریت د ۲۰۲۴ کال تر مارچ میاشتې پورې څرنګه چې په ۲۶۲۶ پرېکړه‌لیک کې تعریف شوی، نوی شوی دی.

د یوناما مرستیال: افغانستان کې د ۱۸ میاشتو پر مهال ۷۰۰زره کسان بې‌دندو شوي

افغانستان کې د بې‌وزلي کچې پراخېدو په اړه د مرسته رسوونکو بنسټونو د رپوټونو خپرېدو په دوام، افغانستان کې د ملګروملتونو د سیاسي استازولي یا یوناما مرستیال رامز الاکبروف یوې غونډې ته ویلي، د تېرو ۱۸ میاشتو پر مهال دغه هېواد  کې ۷۰۰ زره کسانو دندې له لاسه ورکړي او د یاد هېواد ناخالص کورني تولیدات هم ۳۵ سلنه کم شوي دي.

د راډیو نړیواله ورځ د سلام‌وطندار دفتر کې د یوناما د مسوولانو په ګډون ونمانځل شوه

نن د سلواغې ۲۴مه او د فبروري ۱۳مه د راډیو نړیواله ورځ ده. دا ورځ نن د سلام افغانستان موسسې (سلام‌وطندار راډیو) په دفتر کې د افغانستان لپاره د ملګرو ملتونو د سرمنشي د ځانګړې استازې روزا اوتونبایوا، د افغانستان لپاره د یونسکو رییسې پاتریشیا مک فیلپس او د سلام‌وطندار راډیو د مسوولانو، خبریالانو او کارکوونکو په ګډون ونمانځل شوه.

د ملګرو ملتونو یو لوړپوړی پلاوی له ا.ا سره د خبرو لپاره کابل ته راغلی

په افغانستان کې د ملګرو ملتونو ځانګړې استازولۍ یا یوناما رسنیو ته په لېږلې خبرپاڼه کې لیکلي چې د دغه سازمان یو لوړپوړی پلاوی کابل ته راغلی، څو د افغان ښځو د زده‌کړو او کار په اړه د اسلامي امارت له مشرانو سره خبرې اترې وکړي.