د افغانستان د بهرنیو چارو وزیر محمدحنیف اتمر نن له خپل پاکستاني سیال شاه‌محمود قریشي سره ټیلیفوني خبرې کړي او ورته ویلي یې دي چې د یاد هېواد د کورنیو چارو د وزیر څرګندونې دوه‌اړخیزو اړیکو او د څېړنو اعتبار ته سخت زیان رسوي.

نوموړي په اسلام‌اباد کې د افغان سفیر د لور قضیې په تړاو د پاکستاني چارواکو څرګندونې نامسلکي او له وخته مخکې بللې دي. د پاکستان د کورنیو چارو وزیر شیخ رشیداحمد پرون ویلي و، هغه درې ټکسي‌وانان یې په دې تړاو پوښتلي چې د افغان سفیر لور یې په موټرو کې تګ‌راتګ کړی و.

د سلام‌وطندار پښتو فېسبوک‌پاڼه وڅارئ

هغه له جیو نیوز سره هم په خبرو کې ویلي و چې په اسلام‌اباد کې د افغان سفیر لور تښتول شوې نه ‌وه، بلکې د ده په خبره، د هند استخباراتو هسې شور جوړ کړی دی.

د افغانستان بهرنیو چارو وزارت په خبرپاڼه کې لیکل شوي چې افغانستان چمتو دی، څو د یادې پېښې د څېړنې په برخه کې له پاکستان سره همکاري وکړي.



اعلامیه زیاتوي، یو افغان پلاوی به په همدې موخه پاکستان ته ولېږي او د موندنو په رڼا کې به یې د افغان سفیر او ډیپلوماټانو د بېرته ورګرځېدو په تړاو پرېکړه وکړي.

په اسلام‌اباد کې د افغان سفیر نجیب‌الله علي‌خېل لور سلسله علي‌خېل د تېرې جمعې په ورځ له اسلام‌اباده وتښتول شوه او د افغان حکومت په خبره، تر څو ساعتونو وروسته په داسې حال کې خوشې شوه چې سخته شکنجه شوې وه.

سلام‌وطندار پر ټویټر هم وڅارئ

په اسلام‌اباد کې د افغان سفیر د لور تښتونې او شکنجې پېښې افغان حکومت او افغانان په غوسه کړي او ولسمشر محمداشرف غني یې په غبرګون کې خپل سفیر او لوړپوړي ډیپلوماټان له پاکستان راغوښتي دي.

د ولسمشر سلاکار او د حکومت د سټراټیژيکو اړیکو ادارې رییس وحید عمر پرون پر خپل ټویټر لیکلي و چې ولسمشر بهرنیو چارو وزارت ته لارښوونه کړې چې په اسلا‌م‌اباد کې مېشت افغان ډیپلوماټان تر هغه بېرته هېواد ته راوغواړي، څو د سلسلې علي‌خېل برمته‌کوونکو ته سزا نه وي ورکړل شوې او دغه راز په پاکستان کې د افغان ډیپلوماټانو د امنیت په اړه بشپړ ډاډ نه وي ترلاسه شوی.

بله‌خوا د پاکستاني رسنیو د راپورونو له مخې، په کابل کې د پاکستان سفیر منصوراحمد خان هم نن بېرته هېواد ته ستون شوی دی.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام