دفاع وزارت: د پاکستان د پوځ پر مرکزونو مو بریدونه کړي

د سرپرست حکومت د دفاع وزارت وايي چې د پاکستان د هوايي بریدونو په غبرګون کې یې، ډیورنډ کرښه ته څرمه د پاکستان د پوځ پر مرکزونو د درنو وسلو بریدونه کړي دي.

د دفاع وزارت نن دوشنبه، کب ۲۹مه پر اېکس‌پاڼه لیکلي چې دغه بریدونه یې پر پکتیکا او خوست د پاکستان د هوايي بریدونو په غبرګون کې کړې دي.

افغانستان کې د ښځو وضعیت ته کتنه

افغانستان د اسیا په زړه کې هغه هېواد دی چې په څه باندې سلو کلونو کې د سیاسي او نظامي اړ و دوړ شاهد دی او دغه وضعیت یې د وګړو، په تېره د ښځو پر ژوند منفي اغېزې کړې دي.
افغان ښځو ته په ۲۰۰۱ کال کې یو ځل بیا د فعالیت لاره هواره شوه او په شاوخوا دوو لسیزو کې یې له هر اړخه د پام وړ پرمختګ وکړ، خو دا ګړندی بهیر یې د ۲۰۲۱ کال په اګېسټ میاشت کې یو ځل بیا ټکنی او ان په ټپه ودرېده.

د پاکستان سفارت سرپرست: د افغانستان او پاکستان اړیکې ډېرې مهمې دي

په کابل کې د پاکستان سفارت سرپرست عبدالرحمان نظاماني پرون د بهرنیو چارو وزارت له سرپرست امیرخان متقي سره لیدنه کې ویلي چې د افغانستان او پاکستان اړیکې مهمې دي.
د بهرنیو چارو وزارت د ویاند مرستیال ضیااحمد تکل وايي، یاده لیدنه کې د افغانستان او پاکستان د سیاسي او اقتصادي موضوعاتو په اړه هم خبرې شوې دي.

شنونکي: له افغانستان سره د اوزبکستان اقتصادمحوره تګلاره مهمه ده

د اوزبکستان یو ۳۰ کسیز پلاوی چې د دغه هېواد د کابینې غړي او د خصوصي سکټور استازي په‌کې شامل دي، د سه‌شنبې په ورځ کابل ته راغی.
د اوزبکستان د بهرنیو چارو وزیر بختیار سعیدوف د دغه پلاوي مشري کوي. یاد پلاوي تراوسه له رییس‌الوزرا محمدحسن اخوند، د هغه له مرستیالانو ملا عبدالغني برادر او عبدالسلام حنفي، د بهرنیو چارو له سرپرست امیرخان متقي او یوشمېر نورو چارواکو سره لیدلي دي.

د اوزبکستان د بهرنیو چارو وزیر: افغانستان باید د نړیوالې ټولنې برخه وي

د اوزبکستان د بهرنیو چارو وزیر بختیار سعیدوف د افغانستان د سرپرست حکومت د بهرنیو چارو وزارت له سرپرست امیرخان متقي سره په لیدنه کې ویلي چې هېواد یې تل په نړیوالو غونډو کې د افغانستان ملاتړ کړی او دغه هېواد باید د نړیوالې ټولنې برخه وي.

م.جاهد: امریکا کې ځینې فرصت‌غوښتونکي کسان افغانستان کې د بې‌باورۍ جوړولو په لټه کې دي

سره له دې چې ا.ا په وار وار ډاډ ورکړی چې افغان خاوره به هېڅکله د بل هېواد پر ضد ونه کارول شي، خو بیا هم نړیوالو په تېرو دوو کلونو کې له افغانستان څخه د ترهګرۍ ګواښونو او امنیتي ستونزو په اړه اندېښنې ښودلې دي.

افغانستان نن له ایرلنډ سره د یو ورځنیو سیالیو لوبلړۍ پیلوي

د افغانستان کرېکټ ملي لوبډله په خپل کوربه‌توب، د ایرلنډ کرېکټ ملي لوبډلې سره نن «پنج‌شنبه، کب ۱۷مه» د یو ورځنیو سیالیو لوبلړۍ پیلوي.

ټاکل شوې چې یاده لوبه نن د عربي متحده اماراتو په «شارجه کرېکټ لوبغالي» کې ترسره شي.

د نشه‌يي توکو پروړاندې مبارزه کې د ژمنو پر عملي کولو د کورنیو چارو وزارت ټینګار

ایراني رسنیو خبر ورکړی چې د دغه هېواد د نشه‌يي توکو پر وړاندې د مبارزې عمومي منشي سکندر مومني له افغانستان څخه ایران ته د نشه‌يي توکو د قاچاق زیاتوالي په اړه اندېښنه ښودلې ده.
د ایراني رسنیو د راپورونو پر بنسټ، نوموړي ټینګار کړی چې په تېرو لسو میاشتو کې له افغانستان څخه د نشه‌یي توکو په قاچاق کې کموالی راغلی، خو برعکس له افغانستان څخه ایران ته د صنعتي نشه‌يي توکو په قاچاق کې ۲۰ سلنه زیاتوالی راغلی دی.

اترا: د ۲۳ میلیونه وېشل شویو سیمکارتونو له ډلې شپږ‌نیم میلیونه یې ثبت شوي

د افغانستان د مخابراتي خدمتونو د تنظیم اداره یا اترا وايي، تر دې دمه په ټول هېواد کې د پنځو مخابراتي شبکو له‌خوا د وېشل شویو ۲۳ میلیونه سیمکارتونو له ډلې شپږنیم میلیونه یې د دې ادارې په لارښوونه ثبت شوي دي.
د اترا ادارې ویاند جلال‌الدین شمس سلام‌وطندار ته ویلي چې سیمکارتونه د جرمونو، امنیتي ګواښونو، انسان تښتونو او د خلکو د ځورونې مخنیوي په موخه ثبتېږي کېږي.

مجاهد: د «اعدام حکم» عملي کول د افغانستان کورنۍ موضوع ده، نړیوال دې لاسوهنه نه کوي

د اسلامي امارت سرپرست حکومت ویاند ذ.بېح‌الله م.جاهد د «اعدام حکم» پر عملي کولو او د خلکو په مخ کې د څو کسانو پر را ځړولو د نیوکو په غبرګون کې وايي، نور هېوادونه دې د افغانستان په کورنیو چارو کې لاسوهنه نه کوي. هغه ټینګار کوي چې د اعدام حکم عملي کول د خلکو د غوښتنو، اسلامي ارزښتونو او د هېواد د ملي ګټو پر بنسټ کېږي.

د محمدوف او متقي لیدنه؛ «ترکمنستان له افغانستان سره په سوداګرۍ کې اسانتیاوې برابروي»

د ترکمنستان ملي مشر قربانقلي بردي محمدوف ویلي چې هېواد به یې له افغانستان سره په سوداګرۍ کې اسانتیاوې برابرې او د اوسپنې پټلۍ د پراختیا لپاره هڅې وکړي. نوموړي دا څرګندونې د بهرنیو چارو وزارت له سرپرست امیرخان متقي سره په لیدنه کې کړې دي.

افغانستان کې د ناسالمو ماشومانو د زېږون کچه لوړه شوې

د پروان، کاپیسا او پنجشېر یوشمېر اوسېدونکي په دغو ولایتونو کې د ناسالمو ماشومانو د زېږون شمېر ډېروالي په اړه اندېښنه ښيي.
د کاپیسا د تګاب ولسوالي اوسېدونکی عبدالخلیل توحیدیار چې د یوه معلول ماشوم پلار دی وايي، مېرمن یې خپله وه او ښايي د ناسالم ماشوم د زېږون یو لامل همدا وي.

دوحه کې د افغانستان په اړه د ملګرو ملتونو په کوربه‌توب دوه‌ورځنۍ غونډه پیل شوه

د قطر په پلازمېنې دوحه کې د افغانستان په اړه د ملګرو ملتونو په کوربه‌توب دوه‌ورځنۍ غونډه پیل شوه. دا غونډه د ملګرو ملتونو د سرمنشي انټونیو ګوټرېش په مشري پیل شوې چې د ۲۵ هېوادونو استازو او د افغانستان ځینو سیاستوالو او د بشري حقونو فعالانو په‌کې ګډون کړی دی.