د بامیان‌ـ‌‌کابل او دایکندي‌ـ‌کابل لویې لارې د واورې اورېدو له امله وتړل شوې

د بامیان د ټولګټو چارو رییس حفیظ‌الله نعمتي وايي، نن سهار د بامیان‌ـ‌کابل لویه لاره په حاجي‌ګک کوتل کې د واورې اورېدو او توپان له امله تړل شوې ده. د بامیان د ټولګټو چارو د رییس په وینا، د بامیان‌-‌کابل لویې لارې په ګډون، د دغه ولایت نورې لارې د خلکو او موټرو د تګ‌راتګ پر مخ پرانېستې دي.

کابل کې شاوخوا ۶۰ نجونې له یوکلنو مسلکي زده‌کړو فارغې شوې

د «راه دانش» مسلکي زده‌کړو او خیاطۍ مرکز مسوولانو نن په دغه مرکز کې هغو ۶۰ نجونو ته چې د تېر یوه کال پر مهال یې د خیاطۍ، څرمن ګنډلو، انځورګرۍ، خطاطۍ او ځینو نورو لاسي صنایعو په برخو کې زده‌کړې کړې وې، د فراغت سندونه ورکړل.

سرپرست حکومت: کابل کې د امریکا سفارت د پرانېستلو هرکلی کوو

د ا.ا ویاند ذ.بېح‌الله م.جاهد په کابل کې د امریکا سفارت د پرانېستلو په اړه له خپرو شویو راپورونو سره سم وايي، که د امریکا د بهرنیو چارو وزارت دا ډول پرېکړه وي، دوی یې هرکلی کوي.
نوموړي په دې اړه سلام‌وطندار ته ویلي چې په افغانستان کې د امریکا سفارت بیا پرانېستل د دواړو هېوادونو د خلکو په ګټه دي او ا.ا چمتو دی چې په دې برخه کې د امریکا سفارت او ډیپلوماټانو امنیت وساتي.

عبدالکبیر: کابل کې سفارتونه پرانیستي او دا د رسمیت‌پېژندنې په مانا ده

د افغانستان د ریاست الوزرا سياسي مرستيال مولوي عبدالکبير وايي چې کابل کې د ځینو هېوادونو سفارتونه پرانېستې دي چې د ده په ټکو «دا د رسمیت‌ پېژندنې» په معنی ده.

مولوي عبدالکبیر دغه څرګندونې «چهارشنبه، سلواغې یوولسمه» خوست کې «د قومي مشرانو او دیني عالمانو» یوې غونډې ته کړې دي.

کابل ته د ایران د قضايه قوې د پلاوي سفر؛ متقي: پر افغان بندیانو او کډوالو پام وکړئ

د ایران د قضایه قوې د نړیوالو چارو مرستیال کاظم‌ غریب‌ابادي په مشري د دغه هېواد د قضاییه قوې یوه پلاوي د شنبې په ورځ کابل ته سفر کړی او دلته یې د ا.ا له چارواکو سره د دواړو هېوادونو ترمنځ په حقوقي او قضايي همکاریو، د افغان کډوالو او له ایران څخه د افغان بندیانو پر لېږد خبرې اترې کړې دي.

د ترکیې سفیر: هېچا ته اجازه نه ورکوو چې ترکیه کې د ا.ا پر وړاندې فعالیت وکړي

په کابل کې د ترکیې سفیر جِنک اونال ویلي چې هېواد یې هېچا ته اجازه نه ورکوي چې په ترکیه کې یې د ا.ا پر وړاندې سیاسي او نظامي خوځښتونه وکړي.
نوموړي دا خبرې د پنجشنبې په ورځ د ریاست‌الوزرا له سیاسي مرستیال محمد عبدالکبیر سره په لیدنه کې کړې دي.

ا.ا: ملا فضل‌الرحمان له پاکستانه د «پر باور ولاړې همکارۍ» پیغام راوړی و

د ا.ا ویاند ذ.بېح‌الله م.جاهد سلام‌وطندار ته ویلي چې د پاکستان د جمعیت علما ګوند مشر ملا فضل‌الرحمان کابل ته د خپل سفر په لومړۍ ورځ د سرپرست حکومت له یوشمېر لوړپوړو چارواکو سره په کتنه کې د دوه‌اړخیز باور پر بنسټ د افغانستان او پاکستان ترمنځ پر ګډو همکاریو ټینګار کړی دی.

کابل کې د پرونۍ چاودنې قربانیان د خپل امنیت د ټینګښت غوښتنه کوي

د کابل ښار په لوېدیځ کې د تېر ماښام چاودنه کې د وژل شوي ۲۶ کلن محمدعلي ریحاني مور معصومه وايي، زوی یې د اته‌کسیزې کورنۍ سرپرست و چې څه موده وړاندې د خپلې کورنۍ د اړتیاوو پوره کولو لپاره اړ شو چې زده‌کړې پرېږدي او کار ته مخه کړي، خو له دې خبر نه و چې چاودنه به پرې کېږي او دی به په‌کې ژوند له لاسه ورکوي.

کابل کې د یوشمېر نجونو نیول کېدل؛ د امر بالمعروف مسوولان: ټولنه کې یې بې‌حجابي دودوله

د امر با.لمعروف او نهې ‌عن‌.المنکر وزارت د محتسبانو له لوري د کابل په ځینو سیمو کې د یوشمېر نجونو د نیولو په اړه د راپورونو خپرېدو سره هم‌مهاله د دغه وزارت مسوولان مني چې محتسبان یې د شرعي مکلفیت پر بنسټ، اړ شوي په ټولنه کې د فحشا او ناسم حجاب مخه ونیسي.

کابل کې د ۵۰ جوړو د ډله‌ییز واده مراسم ترسره شول

د سیداحمد سېلاب خیریه بنسټ نن «دوشنبه، مرغومې څلورمه» کابل کې د ۵۰ جوړو «نجونو او هلکانو» د ډله‌ییز واده مراسم ترسره کړل.

د یاد بنسټ مشر سیداحمد سېلاب سلام‌وطندار ته وویل، په دغه پروګرام کې ۵۰۰ جوړو نوم‌لیکنه کړې وه چې له ډلې یې ۵۰ جوړې په شرایطو برابرې وپېژندل شوې. د یاد بنسټ مسوولان وايي، دغه مراسم یې د ناوړه دودونو د مخنيوي او په کم لګښت د واده مراسمو دودولو په موخه جوړ کړي وو.

د ټرافیکو ریاست: تراوسه مو له کابل ښاره ۹۰۰ بې‌اسناده موټرسایکلونه راټول کړي

د کورنيو چارو وزارت د ټرافيکو عمومي رياست مسوولان وايي، د بې‌اسناده موټرسايکلونو د راټولولو لړۍ یې درې ورځې وړاندې پيل کړې او تراوسه یې کابل ښار څخه ۹۰۰ بې‌اسناده موټرسایکلونه راټول کړي او د پولیسو ښارګوټي ته یې لېږدولي دي.

کابل ښاریان د هوا ککړتیا د زیاتوالي په اړه شکایت کوي

د کابل ښار یوشمېر اوسېدونکي په ښار کې د هوا ککړتیا د زیاتوالي په اړه شکایت کوي او د سرپرست حکومت له اړوندو ادارو غواړي چې د هوا ککړتیا مخه ونیسي. د کابل ښار اوسېدونکی رفېع‌الله اميني چې د هوا ککړتيا له کبله ناروغ شوی، وايي:
«زه چې دباندې کاروبار کوم، ځینې وخت د هوا ککړتیا له امله مې سترګې او ستونی خوږېږي. دا ککړتیا چې له دود څخه جوړه شوې، زما د ناروغېدو لامل کېږي.»

جاپان له افغانستان سره ۵۸،۴ میلیونه ډالره مرسته کوي

په کابل کې د جاپان سفارت نن (د لیندۍ دیارلسمه، د دوشنبې ورځ) پر خپلې اېکس‌پاڼې لیکلي چې هېواد یې له افغانستان سره ۵۸،۴ میلیونه ډالره مرسته کوي. د جاپان سفارت هیله‌مندي ښودلې چې دا پیسې به د افغانانو د باعزته ژوند او پر ځان بسیاینې لپاره مرسته وکړي.

کابل کې ۸۰ ښځې د مسلکي زده‌کړو له شپږمیاشتنۍ دورې فارغې شوې

په کابل کې د یوې موسسې له لوري له زده‌کړو او کار څخه محرومې ۸۰ نجونې او مېرمنې د مسلکي زده‌کړو له یوې شپږمیاشتنۍ دورې څخه فارغې شوې. د هغې په وینا، هڅه کوي هغه نجونې چې تازه له دغو مسلکي زده‌کړو فارغې شوي، په خپل بنسټ کې ورته د کار اسانتیاوې هم برابرې کړي.

د اوزبکستان یو لوړپوړی پلاوی کابل ته را رسېدلی

د سوداګرۍ او صنایعو وزارت پر خپلې اېکس‌پاڼې لیکلي چې یو اوزبکستانی پلاوی نن سهار (د لړم اوومه، د یک‌شنبې ورځ) کابل ته راغلی دی. د خبرپاڼې پر بنسټ، د اوزبکستان د لومړي وزیر مرستیال جمشېد  خواجه‌بوف د دغه پلاوي مشري کوي او د یاد هېواد د سوداګرۍ او کانونو او ټرانسپورټ وزارتونو وزیران، خپلواک رییسان او سوداګر په دغه شاوخوا ۴۵ کسیز پلاوي کې شامل دي.