مجاهد: ا.ا له پاکستان سره ښې اړیکې غواړي

د ا.ا ویاند ذ.بېح‌الله م.جاهد وایي، په اسلام‌اباد کې د افغانستان سفارت سرپرست سرداراحمد شکېب له پاکستاني چارواکو سره د خپلو وروستیو لیدنو راپور په کابل کې د بهرنیو چارو وزارت له سرپرست امیرخان متقي سره شریک کړی دی.
د نوموړي په وینا، د افغانستان سفیر د پاکستاني چارواکو پیغام را لېږدولی او پر بنسټ یې اسلام‌اباد له کابل سره د ښو اړیکو ټینګولو او د دواړو هېوادونو ترمنځ د ننګونو د حل غوښتونکی دی.

کابل ته د پاکستاني پلاوي سفر؛ دواړه لوري د سوداګرۍ پر راتلونکې پالیسي خبرې کوي

د پاکستان د سوداګرۍ وزارت یو پلاوی د ا.ا د سوداګرۍ او صنایعو وزارت په رسمي بلنه د دوشنبې په ورځ کابل ته راغلی دی.
د افغانستان او پاکستان ترمنځ د سوداګرۍ او صنایعو ګډې خونې اجرایوي رییس نقیب‌الله ساپي سلام‌وطندار ته ویلي چې یاد پلاوی به د ا.ا له چارواکو سره د دواړو هېوادونو ترمنځ د سوداګریزو ستونزو پر حل او د سوداګرۍ پر راتلونکې پالیسي خبرې اترې وکړي.

دفاع وزارت: د پاکستان د پوځ پر مرکزونو مو بریدونه کړي

د سرپرست حکومت د دفاع وزارت وايي چې د پاکستان د هوايي بریدونو په غبرګون کې یې، ډیورنډ کرښه ته څرمه د پاکستان د پوځ پر مرکزونو د درنو وسلو بریدونه کړي دي.

د دفاع وزارت نن دوشنبه، کب ۲۹مه پر اېکس‌پاڼه لیکلي چې دغه بریدونه یې پر پکتیکا او خوست د پاکستان د هوايي بریدونو په غبرګون کې کړې دي.

د پاکستان سفارت سرپرست: د افغانستان او پاکستان اړیکې ډېرې مهمې دي

په کابل کې د پاکستان سفارت سرپرست عبدالرحمان نظاماني پرون د بهرنیو چارو وزارت له سرپرست امیرخان متقي سره لیدنه کې ویلي چې د افغانستان او پاکستان اړیکې مهمې دي.
د بهرنیو چارو وزارت د ویاند مرستیال ضیااحمد تکل وايي، یاده لیدنه کې د افغانستان او پاکستان د سیاسي او اقتصادي موضوعاتو په اړه هم خبرې شوې دي.

اسلام‌اباد یونایټېډ نن له کراچي کنګز سره لوبه کوي

د پاکستان کرېکټ سوپر لیګ کې نن پنج‌شنبه د مارچ اوومه یوه لوبه کېږي چې اسلام‌اباد یونایټېډ به له کراچي کنګز لوبډلې سره ولوبېږي.

ټاکل شوې چې یاده لوبه نن ماښام ۶:۳۰ د پاکستان په راولپنډۍ کرېکټ لوبغالي کې ترسره شي.

د پاکستان کرېکټ «سوپر لیګ» نهم پړاو سیالي نن پیلېږي

ټاکل شوې چې د پاکستان کرېکټ «سوپر لیګ» شل اووره سیالي نن شنبه د فبرورۍ ۱۷مه د دغه هېواد په لاهور ښار کې پیل شي.

د یاد لیګ په لومړي لوبه کې به لاهور قلندرز له اسلام‌اباد یونایټډز سره لوبه وکړي. دغه سیالي به نن شپه ۷:۳۰ بجې د لاهور په «قذافي کرېکټ لوبغالي» کې ترسره شي.

افغانستان کې د کاسا زر پروژې چارې بیا پیلېږي

نړیوال بانک وايي، د افغانانو د ملاتړ په موخه به د خپلې نوې تګلارې له مخې، په افغانستان کې د برښنا د لېږد یا کاسا۱۰۰۰ پروژې چارې بیا پیل کړي.
نړیوال بانک په یوه خبرپاڼه کې لیکلي چې د دغه بانک اجرایوي مدیرانو پرون پنجشنبه د افغانانو د ملاتړ په موخه یوه نوې تګلاره تصویب کړې ده.

پاکستان کې د بې‌سرپرسته افغان مېرمنو ژوند؛ «۳۰۰کلدارې ګټم او شپه نهاره تېروو»

پاکستان کې سلګونه افغان بې‌سرپرسته مېرمنې چې دوی ته د ورپېښو امنیتي ستونزو او یو لړ محدودیتونو له امله پاکستان ته کډه شوي، دغه هېواد کې د ژوند سختې شپې او ورځې تېروي.

یادې بې‌سرپرسته افغان مېرمنې د پاکستان بېلابېلو سیمو کې له کړاوه ډګ ژوند کوي او له ژوند په تنګ شوې دي.

پاکستان کې مېشت افغان ماشومان ښوونځیو ته له تګ څخه بې‌برخې دي

په پاکستان کې میشتې یوشمېر افغانې کورنۍ وايي چې ماشومان یې له زده‌کړو پاتې دي او اجازه نه لري چې په پاکستاني دولتي ښوونځیو کې نه شاملېږي.
په افغانستان کې د ۲۰۲۱ کال د اګېسټ میاشت کې له سیاسي بدلون وروسته ګن‌شمېر افغانې کورنۍ د دوی ژوند ته د پېښو ګواښونو له وېرې ګاونډیو هېوادونو ته ولاړل، خو اوس هلته د ګڼو اقتصادي، امنیتي او ټولنیزو ستونزو تر څنګ، ماشومان یې هم زده‌کړو ته لاسرسی نه لري.

پاکستان کې افغان خبریالان د خپلو کېسونو له ورو بهیر شکایت کوي

یو‌شمېر هغه خبریالان چې افغانستان کې د جمهوریت له پرځېدو وروسته پاکستان ته تللي، دغه هېواد کې د هېوادونو له لوري د دوی د کېسونو د تت بهیر له مخته وړو شکایت کوي.  هغه وویل: «د پناه غوښتنې څخه مې اوږده موده کېږي او له بده‌مرغه چې رسېدن ورته نه‌ده شوې. ما دې موده کې د خبریالانو له هېڅ بنسټ مرسته او نه‌دی ترلاسه کړی.»

د پاکستان لومړی وزیر: له افغانستانه راته ګواښ نه‌دی پېښ؛ ا.ا: هرکلی ترې کوو

د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅ‌کله پاکستان ته ګواښ نه‌دی پېښ کړی.

د افغانستان سرپرست حکومت د کاکړ له دغو څرګندونو هرکلی کړی دی.

افغانستان د روان کال په لسو میاشتو کې د ۱۲۲ میلیارډه افغانیو صادرات کړي

د سرپرست حکومت د مالیې وزارت د یک‌شنبې په ورځ په یوه خبرپاڼه کې لیکلي چې افغانستان د روان کال له وري میاشتې تر جدې پورې د ۱۲۲ میلیارډه افغانیو سبزي، مېوې او پخته پاکستان، هند او متحده عربي اماراتو ته صادر کړي دي.

عمران‌ خان او شاه‌محمود قریشي په لس کاله بند محکوم شول

د پاکستان یوې ځانګړې محکمې نن د دغه هېواد پخوانی لومړی وزیر عمران خان او د بهرنیو چارو پخوانی وزیر شاه‌محمود قریشي په لس کاله بند محکوم کړل. د عمران خان په مشري د پاکستان تحریک انصاف ګوند هم په لس کاله بند د ده محکومېدو خبر تایید کړی دی.

د ا.ا او پاکستاني چارواکو د لفظي شخړو دوام؛ شنونکي: د دوه‌اړخیزو اړیکو په زیان دي

که څه هم پاکستان د ا.ا له واکمنېدو راهیسې له افغانستان سره خپلو اړیکو ته دوام ورکړی، خو دا اړیکې د دواړو لوریو د چارواکو له اختلافونو او لفظي شخړو سره مخامخ شوې دي.
تازه د پاکستان د پوځ لوی درستیز عاصم منیر پر ا.ا نیوکې کړي او ویلي یې دي چې د یوه پاکستاني د ژوند ارزښت له ټول افغانستان څخه زیات دی.