د افغان ښځو لپاره د امریکا ځانګړې استازې کابل کې د معترضه ښځو نیول کېدل غندلي او دغه کار یې ناعادلانه بللی دی.
د افغانستان د ښځو لپاره د امریکا د بهرنیو چارو وزارت استازې رینا امیري د جمعې په ورځ وویل، که کابل د ولسي او نړیوال مشروعیت ترلاسه کولو په لټه کې وي، باید بشري حقونه په ځانګړې توګه د ښځو حقونه رعایت کړي.
د سلاموطندار پښتو فېسبوکپاڼه وڅارئ
هغې ویلي، کابل کې د معترضه ښځو نیونه ناعادلانه کار دی او باید هرڅه ژر را خوشې شي. د یادونې ده چې تېره یوه شپه او ورځ کې دوه نورې معترضې مرسل عیار او زهرا محمدي هم نیول شوي دي.
دا داسې مهال دی چې د تمنا زریاب او پروانې ابراهیمخیل له نیولو څخه شاوخوا دوه اوونۍ تېرېږي، خو لا یې هم د برخلیک په اړه معلومات نشته.
