مجاهد: ا.ا له پاکستان سره ښې اړیکې غواړي

د ا.ا ویاند ذ.بېح‌الله م.جاهد وایي، په اسلام‌اباد کې د افغانستان سفارت سرپرست سرداراحمد شکېب له پاکستاني چارواکو سره د خپلو وروستیو لیدنو راپور په کابل کې د بهرنیو چارو وزارت له سرپرست امیرخان متقي سره شریک کړی دی.
د نوموړي په وینا، د افغانستان سفیر د پاکستاني چارواکو پیغام را لېږدولی او پر بنسټ یې اسلام‌اباد له کابل سره د ښو اړیکو ټینګولو او د دواړو هېوادونو ترمنځ د ننګونو د حل غوښتونکی دی.

ا.ا د فارین پالیسي وروستی راپور او افغانستان کې د القاعده ملاتړ بې‌بنسټه وبلل

فارین پالیسي دوه ورځې وړاندې په یوه څېړنیز راپور کې ادعا کړې چې ا.ا په افغانستان کې د القاعده شبکې ملاتړ ته لا هم دوام ورکړی دی.
فارین ‌پالیسي ادعا کړې چې یاد راپور یې د پټو ډيپلوماټیکو اطلاعاتو پر بنسټ جوړ کړی او ا.ا په افغانستان کې د القاعده غړیو ته د وسلو، کور، ښځو او پاسپورټ په څېر امکانات برابر کړي دي.

له نجونو پرته د ښوونیز کال پیل؛ حبیب‌الله اغا: عصري زده‌کړې د ورځني ژوند اړتیا دي

د پوهنې وزارت سرپرست حبیب‌الله اغا د نوي ښوونيز کال د پيل په مناسبت جوړې شوې غونډې ته وویل، پوهنې وزارت ژمن دی چې د لرې پرتو سیمو اوسېدونکو او هغو ماشومانو ته د معیاري زده‌کړو اسانتیاوې برابرې کړي چې له نورو هېوادونو څخه بېرته راګرځېدلي دي.

د افغانستان لپاره د سویډن کمېټې سرمنشي: د ا.ا په غوښتنه مو افغانستان کې فعالیت درولی

د افغانستان لپاره د سویډن کمېټې سرمنشي انډریاس سټفانسون تازه د دغه هېواد له یوې غږیزې رسنۍ سره په مرکه کې ویلي چې له درېوو ورځو راهیسې یې د ا.ا د سرپرست حکومت په غوښتنه په افغانستان کې فعالیت درولی دی. د افغانستان لپاره د سویډن کمېټې په اتلسو ولایتونو کې له اړمنو، په تېره ښځو، ماشومانو او معلولانو سره مرستې کولې.

له افغانانو سره مرستو کې د لاسوهنې په اړه د امریکايي سناتور ادعا؛ ا.ا یې نه مني

د امریکا یوه جمهوري غوښتونکي سناتور مارکو روبیو د روانې اوونۍ د چهارشنبې په ورځ د دغه هېواد کانګرېس ته یوه لایحه وړاندې کړه چې له مخې یې باید له افغانستان سره د امریکا د بشري مرستو لړۍ تر هغه وخته ودرول شي چې د روڼتیا په اړه یې ډاډ نه وي ترلاسه شوی.

م.جاهد: امریکا کې ځینې فرصت‌غوښتونکي کسان افغانستان کې د بې‌باورۍ جوړولو په لټه کې دي

سره له دې چې ا.ا په وار وار ډاډ ورکړی چې افغان خاوره به هېڅکله د بل هېواد پر ضد ونه کارول شي، خو بیا هم نړیوالو په تېرو دوو کلونو کې له افغانستان څخه د ترهګرۍ ګواښونو او امنیتي ستونزو په اړه اندېښنې ښودلې دي.

مجاهد: د «اعدام حکم» عملي کول د افغانستان کورنۍ موضوع ده، نړیوال دې لاسوهنه نه کوي

د اسلامي امارت سرپرست حکومت ویاند ذ.بېح‌الله م.جاهد د «اعدام حکم» پر عملي کولو او د خلکو په مخ کې د څو کسانو پر را ځړولو د نیوکو په غبرګون کې وايي، نور هېوادونه دې د افغانستان په کورنیو چارو کې لاسوهنه نه کوي. هغه ټینګار کوي چې د اعدام حکم عملي کول د خلکو د غوښتنو، اسلامي ارزښتونو او د هېواد د ملي ګټو پر بنسټ کېږي.

دوحه کې د افغانستان په اړه د ملګرو ملتونو په کوربه‌توب دوه‌ورځنۍ غونډه پیل شوه

د قطر په پلازمېنې دوحه کې د افغانستان په اړه د ملګرو ملتونو په کوربه‌توب دوه‌ورځنۍ غونډه پیل شوه. دا غونډه د ملګرو ملتونو د سرمنشي انټونیو ګوټرېش په مشري پیل شوې چې د ۲۵ هېوادونو استازو او د افغانستان ځینو سیاستوالو او د بشري حقونو فعالانو په‌کې ګډون کړی دی.

م.جاهد: د مونیخ ناسته کې د افغان ښځو په اړه یادې شوې اندېښنې بې‌بنسټه دي

د ا.ا ویاند ذ.بېح‌الله م.جاهد په مونیخ ناسته کې د دولسو هېوادونو د بهرنیو چارو وزیرانو د ګډې اعلامیې په غبرګون کې وايي، په دې غونډه کې د افغان ښځو د حقونو په اړه یادې شوې اندېښنې بې‌بنسټه دي او ټول افغانان خپلو حقونو ته لاسرسی لري.

دوحه کې د افغانستان په اړه ناسته؛ د ا.ا د ګډون چمتووالی ناڅرګند دی

په داسې حال کې چې د افغانستان په اړه د ملګروملتونو په کوربه‌توب د دوحې غونډه راتلونکې اوونۍ جوړېږي؛ خو دغه سازمان لاهم د دې غونډې د وروستي جوړښت او اجنډا په اړه جزییات نه‌دي ورکړي. د اسلامي امارت ویاند ذبېح‌الله مجاهد سلام وطندار ته وویل، د دوحې غونډه کې د ګډون په اړه د بهرنیو چارو وزارت وروستۍ پرېکړې ته په تمه دي.

د پاکستان لومړی وزیر: له افغانستانه راته ګواښ نه‌دی پېښ؛ ا.ا: هرکلی ترې کوو

د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅ‌کله پاکستان ته ګواښ نه‌دی پېښ کړی.

د افغانستان سرپرست حکومت د کاکړ له دغو څرګندونو هرکلی کړی دی.

سرپرست حکومت: کابل کې د امریکا سفارت د پرانېستلو هرکلی کوو

د ا.ا ویاند ذ.بېح‌الله م.جاهد په کابل کې د امریکا سفارت د پرانېستلو په اړه له خپرو شویو راپورونو سره سم وايي، که د امریکا د بهرنیو چارو وزارت دا ډول پرېکړه وي، دوی یې هرکلی کوي.
نوموړي په دې اړه سلام‌وطندار ته ویلي چې په افغانستان کې د امریکا سفارت بیا پرانېستل د دواړو هېوادونو د خلکو په ګټه دي او ا.ا چمتو دی چې په دې برخه کې د امریکا سفارت او ډیپلوماټانو امنیت وساتي.

محمد عبدالکبیر: له نړۍ سره د ا.ا اړیکې پراخې شوي

د ریاست‌الوزرا سیاسي مرستیال محمد عبدالکبیر وايي چې له نړۍ سره د ا.ا اړیکې پراخې شوې دي.
نوموړي لوګر ته د سفر پر مهال په یوه غونډه کې ویلي چې سرپرست حکومت د نړۍ او سیمې له اووه‌لسو هېوادونو سره رسمي اړیکې لري او د تېر په پرتله، اوس له نړۍ سره د ا.ا سیاسي او اقتصادي اړیکې پیاوړې شوې دي.

امریکا په افغانستان کې د خپلو کونسلګریو پر بېرته پرانېستل کېدو غور کوي

د امریکا غږ انګلیسي څانګې د راپور پر بنسټ، امریکا غواړي په افغانستان کې د خپلو کونسلګریو د بېرته پرانېستل کېدو په اړه غور وکړي.
د دې رسنۍ په وینا، د امریکا د بهرنیو چارو وزارت په نوې تګلاره کې چې د ۲۰۲۳ کال په اکټوبر میاشت کې لاسلیک شوې، کونسلګري خدمتونو ته د خلکو پر لاسرسي او د دوه‌اړخیزو اړیکو پر اړتیا ټینګار شوی دی.

د ترکیې سفیر: هېچا ته اجازه نه ورکوو چې ترکیه کې د ا.ا پر وړاندې فعالیت وکړي

په کابل کې د ترکیې سفیر جِنک اونال ویلي چې هېواد یې هېچا ته اجازه نه ورکوي چې په ترکیه کې یې د ا.ا پر وړاندې سیاسي او نظامي خوځښتونه وکړي.
نوموړي دا خبرې د پنجشنبې په ورځ د ریاست‌الوزرا له سیاسي مرستیال محمد عبدالکبیر سره په لیدنه کې کړې دي.