د میدانوردګ محلي مسوولان وايي چې د دغه ولایت په چک او مرکزي بهسودو ولسوالیو کې له ۵۴۵۰ اړمنو کورنيو سره د خوراکي توکو مرسته شوې.
د یاد ولایت د کلیو بیارغونې او پراختیا رییس وحیدالله سلاموطندار ته وویل، د دوی د ریاست تر څار لاندې، د نړیوال خوراکي پروګرام (WFP) په مالي مرسته او د (NECDO) موسسې په تخنیکي همکاري په چک ولسوالي کې له ۳۵۵۳کورنیو او مرکزي بهسودو ولسوالي له ۱۸۹۰ اړمنو کورنیو سره د خوراکې توکو مرسته شوې ده.
د سلاموطندار پښتو فېسبوکپاڼه وڅارئ
نوموړي زیاته کړه چې هرې کورنۍ ته (۵۰) کيلو اوړه، (۴.۵۵) ليټره غوړي، (۶.۲۵) کيلو دال، د ماشومانو د خوارځواکۍ او سوپرسریال توکي شامل وو.
په ورته مهال هغه کسان چې مرستي یې ترلاسه کړې خوښي څرګندوي، وایې، په مرسته شویو توکو یې دوامداره اقتصادي ستونزه نهشي، حلېدای او نړیوالو بنسټونو څخه غوښتنه کوي چې اړو کسانو ته دې دوامداره د کارکولو زمینه برابره شي.
باید وویل شي چې له دې وړاندې هم د خوړو نړیوال پروګرام(WFP) له لوري ددغه ولایت په نرخ او جلریز ولسوالیو کې په شاوخوا ۲۵۰۰ اړو او بې وزله کورنیو خوراکي توکي وېشل شوي دي.