د هرات والي عبدالصبور قانع پرون په یوه خبري غونډه کې سلما بند ته د پېښو امنیتي ګواښونو د رد ترڅنګ، ډاډ ورکړ چې د دغه بند د ساتنې لپاره به ټول امکانات وکاروي.

هغه سلما بند ته د پېښو امنیتي ګواښونو خپرېدل د دښمن تبلیغات یاد کړل او په وینا یې، د یاد بند د ساتنې لپاره لازم ځواک شته او که نورو ځواکونو ته اړتیا پیدا کړي، ور وبه یې لېږي.

د سلام‌وطندار پښتو فېسبوک‌پاڼه وڅارئ

خو د سلما بند د ساتنې کنډک قوماندان الله محمد همدرد نن سلام‌وطندار سره په مرکه کې د هرات والي پر دروغ ویلو تورنوي او وايي، قانع یاد بند ته له پېښو امنیتي ګواښونو ناخبره دی.  هغه ټینګار کوي چې څو ځله یې د هرات له محلي چارواکو څخه مرسته غوښتې، خو هغوی یې ټیلیفون نه دی اوکې کړی او یا یې هم چوپتیا غوره کړې ده.



د نوموړي په خبره، طالبانو د چشت ولسوالي له نیولو وروسته په یاده ولسوالي کې د امنیتي ځواکونو کورنیو ته ګواښ کړی، که دې ډلې ته تسلیم نه شي، وبه یې وژني.

د سلما بند د ساتنې کنډک قوماندان زیاتوي، تر اوسه شاوخوا ۲۰ پولیس او د ملي امنیت سرتېري چې د همدې سیمې اړوند دي، طالب ډلې ته تسلیم شوي دي.

د سلام‌وطندار پښتو برخه پر ټویټر هم وڅارئ

همدرد پر حکومت هم تور پورې کوي چې د ولسوالیو پر سر معاملې کوي او په وینا یې، له دوو میاشتو راهیسې یې د چشت ولسوالي ولسوال، امنیه قوماندان او نور کارکوونکي رخصت کړي دي.

دا په داسې حال کې ده چې طالبانو دوه ورځې وړاندې د هرات چشت ولسوالي ونیوله.

بله‌خوا د هرات ولایتي شورا او اوسېدونکي هم سلما بند ته د پېښو امنیتي ګواښونو په اړه اندېښنه لري او خبرداری ورکوي، که دغه بند ته هر زیان ورسېده، مسوولیت به یې د دولت پر غاړه وي. دوی وايي، دولت باید د سلما بند د ساتنې لپاره چې یوه ملي پروژه ده، خپل ټول امکانات وکاروي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام