ټاکل شوې چې د افغانستان کرېکټ ملي لوبډله د روانې فبرورۍ میاشتې په وروستیو او د مارچ په لومړیو کې د بنګلهدېش په کوربهتوب له دغه هېواد سره درې یو ورځنۍ او دوه شل اوریزې لوبې وکړي.
د افغانستان کرېکټ بورډ په یوې خبرپاڼه کې ویلي چې د ۲۰۲۳ یو ورځنیو لوبو نړیوال جام ته د لار موندنې په موخه افغان کرېکټ ملي لوبډله د روانې میلادي میاشتې پر ۱۲ نېټه له قطر څخه بنګلهدېش ته سفر وکړي.
د سلاموطندار پښتو فېسبوکپاڼه وڅارئ
د خبرپاڼې پربنسټ، افغان کرېکټ ملي لوبډله به د فبرورۍ په ۲۳، ۲۵ او ۲۸ له بنګلهدېش سره په چېټاګرام لوبغالي کې درې یو ورځنۍ لوبې وکړي.
افغان کرېکټ لوبډله به همداراز د مارچ په درېیمه او پنځمه له بنګلهدېش سره دوه شل اورېزې سیالۍ هم ولري.
له دې وړاندې افغان کرېکټ ملي لوبډلې د ۲۰۲۳کال یو ورځنیو سیالیو نړیوال جام ته د لار موندنې په لړ کې له هالنډ کرېکټ ملي لوبډلې سره درې یو ورځنۍ لوبې درلودې چې یادو سیالیو کې یې بریا خپله کړې وه.
