هغه سند چې سلام‌وطندار رادیو ترلاسه کړی ښيي چې د بورکې ولسوالي سیمه‌ییز چارواکي د حکومت د نه پاملرنې له امله دا ولسوالي له جګړې پرته وسله‌والو طالبانو ته پرېیښې او په نهرین ولسوالي کې ځای پر ځای شوي دي.

د بغلان ولایتي شورا رییس محمد صفدر محسني وايي چې طالب جنګیالیو تېره شپه د بورکې ولسوالي په بشپړه توګه تر خپلې ولکې لاندې راوستې ده.

د دې ترڅنګ، امنیتي ځواکونو د مرکزي بغلان ولسوالي کې دوه پوستې پرېښي او د کندز ولایت ته تللي چې له دې سره وسله‌والو طالبانو د بغلان- کندز لویه لار تر خپل کنټرول لاندې راوستې او په دغه لار کې د دې ډلې اړوندو وسله‌والو حضور پراخ شوی دی.

 د سلام‌وطندار پښتو فېسبوک‌‌پاڼه وڅارئ

د بغلان دوه تنه اوسېدونکي موسی او فرید وايي چې د پلخمري ښار له سقوط سره مخ دی او د ناامنۍ له امله ځینې کورنۍ د خپلو کورونو پرېښودو ته اړ شوي دي. دوی له مرکزي حکومت څخه غوښتنه وکړه چې د بغلان ولایت امنیتي وضعیت ته دې جدي پام وکړي او د دغه ولایت امنیت دې ټينګ کړي.

امنیتي سرچینې وايي، د روژې میاشتې له پېل راهیسې په بغلان ولایت کې د وسله‌والو طالبانو او امنیتي ځواکونو د نښتو په پایله کې تر۵۰ ډېرو امنیتي ځواکونو ته مرګ ژوبله اوښتې ده.

خو د بغلان ولایت امنیه قوماندانۍ ویاند احمد جاوید بشارت د وسله‌والو طالبانو له لوري د دې ولایت د بورکې ولسوالي نیول تائیدوي او وايي، دولتي ځواکونو تکتیکي شاه تګ کړی او د دې ولسوالي د بېرته نیولو لپاره به پوځي عملیات پېل کړي.



بل لور ته د لغمان په الینګار، الیشنګ او دولت شاه ولسوالیو کې د امنیتي ځواکونو او طالبانو ترمنځ سخته جګړه روانه ده. د ۲۰۱ سېلاب قول اردو وايي، د دې جګړو په پایله کې د طالبانو د ډل‌مشرانو په ګډون د دې ډلې ۸۰ جنګیالي وژل شوي او ۵۰ تنه نور یې ټپیان دي.

وسله‌والو طالبانو تراوسه  په دې اړه رسنیو ته څه نه دي ویلي.

د دې ولایت سیمه‌ییز چارواکي وايي چې د مرستندویه ځواکونو په رسېدو سره به د طالبانو پر وړاندې به د دوی عملیات پراخ شي. په ولسي جرګه کې د لغمان ولایت د خلکو استازي وايي، د حکومت د نه پاملرنې له امله جګړه د ښار منځته رارسېدلې او د طالبانو بریدونه هم زیات شوي دي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام