د هلمند په نوزاد ولسوالي کې یوه محلي سرچینه وايي چې د دغه ولسوالي په «برنوزاد» کلي کې یوه کس خپل زوم په مرموز ډول وژلی دی.
سرچینې زیاته کړې چې وژل شوی کس د کندهار اصلي اوسېدونکی دی او نوزاد ولسوالي کې د خپل خُسر کور ته راغلی و. د سرچینې په وینا، قاتل د خپل زوم له وژنې وروسته له سیمې تښتېدلی دی.
د سلاموطندار پښتو فېسبوکپاڼه وڅارئ
په ورته مهال د هلمند د اطلاعات او فرهنګ ریاست د مطبوعات امر محمد قاسم ریاض د پېښې پخلي ترڅنګ، وايي چې په دې اړه یې پلټنې پیل کړي دي.
سلاموطندار پر ټویټر هم وڅارئ
له دې وړاندې هم په دغه ولایت کې د کورنۍ شخړو او تاوتریخوالي له امله ورته پېښې رامنځته شوي دي. څو اوونۍ وړاندې د دغه ولایت په خانشین ولسوالي کې یوه پلار خپل شپږ کلن زوی وهلی او ډبولی و چې له امله یې مړ شوی و.
