د هلمند محلي مسوولان وايي چې پرون له غرمې وړاندې د یاد ولایت په خانشین ولسوالي کې یوه پلار خپل شپږ کلن زوی وهلی ډبولی چې له امله یې ساه ورکړې ده.
د هلمند د اطلاعاتو او فرهنګ د اطلاعات امر محمدقاسم ریاض سلاموطندار ته ویلي چې دغه پېښه پرون د خانشین «پانکي» کلي کې رامنځته شوې ده.
د سلاموطندار پښتو فېسبوکپاڼه وڅارئ
د نوموړي په وینا، په دې پېښه کې صدیقالله نومي کس خپل زوی «بلال احمد» دومره وهلی او ډبولی چې له امله یې ساه ورکړې ده.
په ورته مهال د هلمند د اطلاعات او فرهنګ د اطلاعاتو امر زیاتوي چې یاد کس خپل نور اولادونه هم وهلي، خو یوازې بلال احمد یې له امله وژل شوی دی.
سلاموطندار پر ټویټر هم وڅارئ
د هلمند محلي مسوولان زیاتوي چې یاد کس د ا.ا د ځواکونو له لوري نیول شوی او عدلي او قضايي ارګانونو ته ورپېژندل شوی دی. ریاض زیاتوي چې صدیقالله نومي کس له دې وړاندې هم خپل یو اولاد وژلی و.
