غزني کې یوې ناوې ځان را ځړولی او وژلی

د غزني امنیتي مسوولان وايي، یوې ناوې د دغه ولایت په قره‌باغ ولسوالي کې ځان را ځړولی او وژلی دی.

د غزني د امنیې قومانداني ویاند خالد سرحدي سلام‌وطندار ته ویلي چې دغې ناوې نن (د کب لسمه، د پنجشنبې ورځ) د قره‌باغ ولسوالي په مزدورکي سیمه کې د خپل پلار په کور کې ځان را ځړولی او وژلی دی.

ناپېژنده وسله‌والو ننګرهار کې یو ځوان وژلی

د ننګرهار امنیتي مسوولان وايي چې دغه ولایت کې ناپېژنده وسله‌والو یو ځوان په ډزو ویشتلی او وژلی یې دی.

د ننګرهار د امنیې قومنداني ویاند عبدالبصیر زابلی وايي، د یاد ولايت د لعل‌پورې ولسوالي په «کرداوي» کلي کې د سیدشاه په نوم يو ځوان بېګاه شپه د ناپېژنده وسله‌والو له لوري وژل شوی دی.

بغلان کې ناپېژنده وسله‌والو یو کس وژلی

د بغلان امنیتي مسوولان وايي چې دغه ولایت کې یو کس د ناپېژنده وسله‌والو له لوري وژل شوی دی.

پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.

ناپېژنده وسله‌وال د بدخشان د ارګو ولسوالي د روغتون امر وژلی

بدخشان کې محلي سرچینې سلام‌وطندار ته وايي چې د روانې اوونۍ د یکشنبې پر شپه د وري ۲۰مه د دغه ولایت د ارګو ولسوالي د «شتک» روغتون امر احمدتمیم د ناپېژنده وسله‌وال په برید کې وژل شوی دی. بل‌خوا د بدخشان د اطلاعاتو او فرهنګ رییس معز‌الدین احمدي هم د یاد ډاکټر وژنه تاییدوي، خو په دې اړه یې نور جزیات نه دي ورکړي.

ناپېژنده وسله‌والو سرپل کې یو کس له تښتولو وروسته وژلی

د جوزجان امنیتي مسوولان وايي چې له دغه ولایت څخه د تښتول شوي کس جسد یې سرپل کې پیدا کړی دی. ناپېژنده کسانو دغه ځوان له جوزجان تښتولی و او سرپل کې یې وژلی دی.

د جوزجان د امنیې قومنداني د جنايي مدیریت د کشف امر شمس‌الله وثیق ویلي چې پېښه پرون پنجشنبه رامنځته شوې ده.

پروان کې ناپېژنده وسله‌والو یو کس وژلی

د پروان امنیتي مسوولان وايي چې د دغه ولایت په جبل‌السراج ولسوالي کې ناپېژنده وسله‌والو یو کس وژلی دی.

د پروان د امنیې قومنداني ویاند محمدکامران حبیبي د یاد خبر د تایید ترڅنګ سلام‌وطندار ته ویلي، بېګاه شپه ۸:۳۰ د جبل‌السراج ولسوالي اړوند ګلبهار کلي کې د ناپېژنده وسله‌والو له‌خوا یو کس وژل شوی دی.

ناپېژنده وسله‌والو کاپیسا کې یو ځوان وژلی

د کاپیسا امنیتي مسوولان وايي چې د دغه ولایت په تګاب ولسوالي کې ناپېژنده وسله‌والو یو ځوان وژلی دی.

د کاپیسا د امنیې قومنداني ویاند  عبدالفتاح فایز نن دوشنبه د کب اتمه سلام‌وطندار ته ویلي چې پرون ماښام شپږ بجې د تګاب ولسوالي اړوند «بدراب» سیمه کې ناپېژنده کسانو د امید په یو ۲۰کلن ځوان وژلی دی.

بلخ کې یوه ځوان ځان را ځړولی او وژلی

د بلخ امنیتي مسوولان وايي چې د عبدالحافظ په نوم یوه ۲۵ کلن ځوان د دغه ولایت په بلخ ولسوالي کې ځان را ځړولی او وژلی دی.
د بلخ د امنیې قومانداني ویاند محمداصف وزیري وايي، دا پېښه د سلواغې په ۲۱مه د جمعې ورځ د بلخ ولسوالي په «باغ‌وراق» سیمه کې شوې ده. هغه زیاتوي چې د دوی د څېړنو پر بنسټ، دغه ځوان د کورنیو شخړو له کبله ځان وژلی دی.

غزني کې یوه کس خپل تره وژلی

د غزني امنیتي مسوولان وايي چې دغه ولایت کې یو کس د خپل وراره له‌خوا وژل شوی دی. پېښه پرون دوشنبه د مرغومې ۱۹مه د اندړ ولسوالي اړوند «ناني» کلي کې رامنځته شوې ده.

د غزني د امنیې قومنداني ویاند خالد سرحدي سلام‌وطندار ته ویلي چې دغه کس د خپل وراره له‌خوا وژل شوی دی. د سرحدي په وینا، قاتل له سیمې څخه تښتېدلی دی.

داعش ډلې د خپل مشر د وژل‌کېدو خبر ورکړی

د اسلامي دولت نومي ډلې (داعش) اعلان کړی چې د یادې ډلې مشر ابوالحسن الهاشمي القرشي په یوې نښته کې وژل شوی دی.

د فرانسې خبري اژانس د راپور پر بنسټ،  د داعش ډلې ویاند ابوعمر المهاجر پرون چهارشنبه د  نومبر۳۰مه پرته له دې چې د یادې ډلې د مشر د وژنې څرنګوالی او نېټه په ډاګه کړي، ویلي‎ چې نوموړی د «خدای له دښمنانو سره په نښته» کې وژل شوی دی.