د بغلان امنیتي مسوولان وايي چې دغه ولایت کې یو کس د ناپېژنده وسلهوالو له لوري وژل شوی دی.
پېښه بېګاه شپه د یاد ولایت د تاله او برفک ولسوالي اړوند سیمه کې رامنځته شوې ده.
د بغلان د امنیې قومنداني د مطبوعاتو مسوول شېراحمد برهاني سلاموطندار ته ویلي چې د تاله او برفک ولسوالي اړوند «پشته شهیدان» کلي کې بېګاه شپه ۸ بجې د دادمحمد په نوم کس د ناپېژنده وسلهوالو له لوري وژل شوی دی.
نوموړي زیاته کړه چې دغه پېښه د شخصي دښمنۍ له کبله رامنځته شوې او په وینا یې، د قاتلینو د نیولو هڅې روانې دي.
سلاموطندار پر ټویټر هم وڅارئ
دغه پېښه داسې مهال رامځنته کېږي چې له دې وړاندې هم دغه ولایت او د هېواد په یوشمېر نورو ولایتونو کې هم ورته پېښې رامنځته شوي دي.
