لوګر کې ماین چاودنې یو کس وژلی

د لوګر امنیتي مسوولان وايي چې د دغه ولایت په اړوند سیمه کې د یوې چاودنې له کبله یو کس وژل شوی دی.

د لوګر د امنیې قومنداني چارواکو سلام‌وطندار ته ویلي چې پېښه پرون دوشنبه د غبرګولي اتمه د دغه ولایت د محمداغې ولسوالي «دهنو» سیمه کې رامنځته شوې ده.

پروان کې یو کس د خپل «تره د زوی» له‌خوا وژل شوی

د پروان امنیتي مسوولان وايي چې د دغه ولایت په اړوند سیمه کې یو کس د خپل د تره زوی «اکاه زوی» له‌خوا وژل شوی دی.

پېښه پرون پنج‌شنبه د غويي ۲۸مه د یاد ولایت د بګرام ولسوالي اړوند سیمه کې شوې ده. د پروان د امنیې قومنداني ویاند محمدکامران حبیبي سلام‌وطندار ته د پېښې د تایید ترڅنګ وايي چې دغه کس د ټوپک ډزو وژل شوی دی.

بغلان کې ناپېژنده وسله‌والو یو کس وژلی

د بغلان امنیتي مسوولان وايي چې دغه ولایت کې یو کس د ناپېژنده وسله‌والو له لوري وژل شوی دی.

پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.

کاپیسا کې د ټرافیکي پېښې له امله یو کس مړ شوی

د کاپیسا محلي مسوولان وايي، دغه ولایت کې د یوې ټرافیکي پېښې پرمهال یو کس مړ شوی دی.

د کاپیسا د امنیې قومنداني ویاند عبدالفتاح فایز نن شنبه د غويي دویمه سلام‌وطندار ته ویلي، پېښه پرون جمعه د دغه ولایت د دویمې حصې ولسوالي اړوند «مراد خواجه» سیمه کې رامنځته شوې ده. پېښه د کرولا ډوله موټر او یوه موټرسایکل ترمنځ د ټکر له امله رامنځته شوې چې په پایله کې یې موټرسایکل چلوونکی مړ شوی دی.

کاپیسا او پروان کې ټرافیکي پېښې؛ یو کس مړ او اووه نور ټپیان شوي

د کاپیسا د امنیې قومنداني مسوولان وايي چې دغه ولایت کې د یوې ټرافیکي پېښې پرمهال اووه کسان ټپیان شوي دي.

د کاپیسا د امنیې قومنداني ویاند عبدالفتاح فایز سلام‌وطندار ته وايي چې پرون سه‌شنبه د وري ۲۹مه د کاپیسا مرکز اړوند «سنګ‌بریده» سیمه کې د دوو سراچه ډوله موټرو د ټکر له امله اووه کسان ټپیان شوي دي.

ناپېژنده وسله‌والو سرپل کې یو کس له تښتولو وروسته وژلی

د جوزجان امنیتي مسوولان وايي چې له دغه ولایت څخه د تښتول شوي کس جسد یې سرپل کې پیدا کړی دی. ناپېژنده کسانو دغه ځوان له جوزجان تښتولی و او سرپل کې یې وژلی دی.

د جوزجان د امنیې قومنداني د جنايي مدیریت د کشف امر شمس‌الله وثیق ویلي چې پېښه پرون پنجشنبه رامنځته شوې ده.

بلخ کې چاودنه؛ یو ساتونکی وژل شوی او د خبریالانو په ګډون اته کسان ټپیان دي

د کورنیوچارو وزارت ویاند عبدالنافع ټکور وايي چې نن له غرمې مخکې ۱۱:۳۰ د مزارشریف ښار د دویمې امنیتي حوزې اړوند «تبیان» فرهنګي مرکز کې چاودنه شوې ده. د کورنیو چارو وزارت ویاند ټينګار کړی چې پېښه کې د ټپیانو روغتیايي وضعیت د ډاډ وړ دی او امنیتي ځواکونه د پېښې ځای ته رسېدلې دي.

پروان او جوزجان کې ټرافیکي پېښې؛ یو کس مړ او یوولس ټپیان شوي

د جوزجان-بلخ پر لویه لاره د ټرافیکي پېښې له کبله یوه کس خپل ژوند له لاسه ورکړی او درې نور کسان ټپیان شوي دي.

د جوزجان د فیض‌اباد ولسوالي د امنیې قومندان کفایت‌الله متوکل سلام‌وطندار ته ویلي چې پېښه د کرولا ډوله او پلنګ‌کوچ موټرو ترمنځ د ټکر له امله رامنځته شوې ده.

فاریاب کې ګاز نیونې یو کس مړ کړی

فاریاب کې یو کس په خپل موټر کې دننه د ګاز نیونې له کبله مړ شوی دی. دغه پېښه نن سهار (یکشنبه، د مرغومې ۲۵مه) د ګرزېوان ولسوالي «بهارک» کلي کې رامنځته شوې ده.

غزني کې یوه کس خپل تره وژلی

د غزني امنیتي مسوولان وايي چې دغه ولایت کې یو کس د خپل وراره له‌خوا وژل شوی دی. پېښه پرون دوشنبه د مرغومې ۱۹مه د اندړ ولسوالي اړوند «ناني» کلي کې رامنځته شوې ده.

د غزني د امنیې قومنداني ویاند خالد سرحدي سلام‌وطندار ته ویلي چې دغه کس د خپل وراره له‌خوا وژل شوی دی. د سرحدي په وینا، قاتل له سیمې څخه تښتېدلی دی.