د جوزجان د اقچې ولسوالي د حج او اوقافو مدیر مولوي عبدالله ناپېژنده کسانو د چړې په وسیله وژلی دی.
د جوزجان د امنیې قومنداني ویاند عبدالستار حلیمي سلاموطندار ته پېښه تایید کړې او په وینا یې، د اقچې ولسوالي د حج او اوقافو مدیر مولوي عبدالله د ناپېژنده کسانو لهخوا وژل شوی دی.
د جوزجان د امنیې قومنداني ویاند زیاته کړه چې پېښه نن سهار (یکشنبه، کب ۲۸مه) د اقچې ولسوالي د «بیتالمقدس خرابات کوڅې» جومات کې رامنځته شوې ده.
عبدالستار حلیمي همداراز ویلي، د پېښې په تړاو تراوسه څوک نه دي نیول شوي، خو په وینا یې، د نیولو هڅې یې روانې دي.
سلاموطندار پر ټویټر هم وڅارئ
د امنیتي مسوولانو د معلوماتو له مخې، مولوي عبدالله نږدې یوه اوونۍ وړاندې د یاد ولایت د اقچې ولسوالي د حج او اوقافو د مدیر په توګه ټاکل ګومارل شوی و.
