د هېواد په بېلابېلو برخو کې د مرموزو وژنو په دوام، په وروستیو ورځو کې رسنیو داسې ډېر راپورونه خپاره کړي چې د جنايي جرمونو پېښې انعکاسوي او ناپېژنده وسلهوالو پهکې ملکیان او د تېر حکومت نظامیان موخه ګرځولي دي.
د کاپیسا د امنیې قومانداني ویاند عبدالفتاح فایز وايي، ناپېژنده کسانو د دغه ولایت د مرکز اړوند له «قصابان» کلي څخه یو پنځه کلن ماشوم تښتولی او بیا یې وژلی دی.
د نوموړي په وینا، دغه هلک بلال نومېده او د وري په نهمه، چهارشنبه، د مازدیګر شاوخوا څلور بجې د هغه کور ته له نږدې سیمې تښتول شوی و.
د جوزجان د امنیې قومنداني ویاند عبدالستار حلیمي سلاموطندار ته پېښه تایید کړې او په وینا یې، د اقچې ولسوالي د حج او اوقافو مدیر مولوي عبدالله د ناپېژنده کسانو لهخوا وژل شوی دی.
د پروان د امنیې قومنداني مسوولان سلاموطندار ته وايي چې د دغه ولایت په مرکز چاریکارو ښار کې یو کس د ناپېژنده کسانو لهخوا د چاقو په وسیله وژل شوی دی.
د لوګر د امنیې قومنداني مسوولان وايي چې د دغه ولایت په محمداغې ولسوالي کې یو ۱۵ کلن ځوان د ناپېژنده کسانو لهخوا وژل شوی دی.
په سمنګان کې محلي سرچینو سلاموطندار ته ویلي چې ناپېژنده کسانو د دغه ولایت په درهصوف بالا کې یو ډاکټر وژلی دی. دغه ډاکټر نجمالدین سهرابي نومېده او د کب په پنځمه، د جمعې شپه وژل شوی دی.
د بامیان او پروان محلي مسوولان وايي چې دغو ولایتونو کې دوه کسان د ناپېژنده وسلهوالو له لوري وژل شوي دي.
د پروان د امنیې قومنداني د جنايي جرمونو د څېړنې امر فیضالرحمن حامد نن چهارشنبه د سلواغې ۱۹مه سلاموطندار ته ویلي چې بېګاه شاوخوا ۸:۳۰ بجې د چاریکارو ښار اړوند «پُل بابا حاجي» سیمه کې ناپېژنده کسانو یو ځوان وژلی دی.
د سمنګان د امنیې قومانداني د جنایي جرمونو پر وړاندې د مبارزې مدیریت مسوولان د دغه ولایت د کوز درهصوف ولسوالي په اړوند سیمه کې د یوه باروړونکي موټر د چلوونکي د وژل کېدو خبر ورکوي.
د پروان مسوولان وايي چې د دغه ولایت د بګرام ولسوالي په اړوند سیمه کې یو کس وژل شوی دی.
خوست کې ناپېژنده کسانو د دغه ولایت د اطلاعاتو او فرهنګ د رییس پنځه کلنه لمسۍ په مرموز ډول وژلې ده.
د خوست د اطلاعاتو او فرهنګ رییس شبیراحمد عثماني سلاموطندار ته تایید کړې چې لمسۍ یې درې ورځې وړاندې تښتول شوې وه او جسد یې بېګاه شپه موندل شوی دی.
د لوګر د امنیې قومنداني مسوولان وایي چې پرون چهارشنبه د محمداغې ولسوالي په «دهنو» سیمه کې د یوې مېرمنې جسد موندل شوی چې په مرموز ډول وژل شوې ده.
د لوګر د امنیې قومنداني ویاند احمدالله انس سلام وطندار ته ویلي، دغه مېرمن د ناپېژنده کسانو له لوري په مرموز ډول وژل شوې او تراوسه یې د قتل په تور څوک نه دي نیول شوي.
د روزګان د اطلاعاتو او کلتور رییس اغاولي قریشي سلاموطندار ته ویلي چې ناپېژنده کسانو د چهارشنبې په ورځ د دغه ولایت په دهراود ولسوالي کې لومړی یو ماشوم تښتولی او بیا یې په بېرحمانه ډول وژلی دی.
یوې باوري سرچینې رسنیو ته ویلي چې ناپېژنده کسانو نن سهار د کابل هوايي ډګر له شاوخوا نه له ۱۵۰ ډېر کسان چې ډېری یې هندیان دي، تښتولي دي.
د سرچینې په وینا، په تښتول شویو کسانو کې افغان سیکان هم شامل دي، خو ډېری هغه یې د هند عادي وګړي دي.
د ماليې وزازت د مطبوعاتو آمر او د طلوع نیوز ټلوېزیون پخوانی ویاند نعمت روان نن په کندهار کې د ناپېژنده وسلهوالو له لوري ووژل شو.
دا پېښه نن د کندهار ښار د ۱۴مې امنیتي حوزې په اړوند سیمه کې هغه مهال وشوه چي نعمت روان له کور څخه د کوچني اختر لپاره د سودا پېرلو لپاره بازار ته روان و.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
