د امریکا متحده ایالاتو یوه چارواکي سه شنبه تایید کړه چې دغه هېواد د افغانستان بانک له شتمنیو څخه نږدې ۹.۵ میلیارد دالر کنګل کړي او د طالبانو تر مشري لاندې حکومت ته د لاسرسي د مخنیوي لپاره یې افغانستان ته د دغو نقدو پیسو د لېږد پر چارو بندیز لګولی دی.

دغه امریکايي چارواکی وایي، په امریکا کې د افغانستان بانک هېڅ شتمني به د طالبانو په واک کې ورنه کړل شي، ځکه دغه ډله د امریکا د خزانې وزارت د بندیزونو په تور نوملړ کې ځای لري.

د سلام‌وطندار پښتو فېسبوک‌پاڼه وڅارئ

د افغانستان بانک رییس اجمل احمدي د تېرې دوشنبې په ورځ په خپل ټویټر‌پاڼه لیکلي و چې نوموړي ته د جمعې په ورځ خبر ورکړل شوی و چې امریکا افغانستان ته د ډالرو د لېږد چارې دروي، ځکه دغه هېواد غواړي دغو سرچینو ته د طالبانو هر راز هڅې ودروي.

د افغانستان بانک په امریکا کې ۹.۵ میلیارد دالر شتمني لري او پام وړ یې د امریکا په نیویارک او نورو مالي سرچینو کې ځای پر ځای دي.

د طالبانو پر وړاندې د امریکا بندیزونه په دې معنې دي چې دغه ډله هېڅ راز مالي سرچینو ته لاسرسی پیدا نه کړي.

له دغې موضوع خبر دوه کسان وایي چې د افغانستان بانک د شتمنۍ ډېری برخه اوس په افغانستان کې نه ساتل کېږي. د امریکا خزانې وزارت په دې اړه له نظر ورکولو ډډه کوي.



افغانستان د نړۍ یو له بې‌وزله هېوادونو څخه دی چې د تېرو شلو کلونو په ترڅ کې یې د امریکا پر مرستو تکیه کړې وه.

کله چې د امریکا ملي امنیت سلاکار جک سالیوان څخه پوښتنه شوه چې امریکا به څه ډول د افغانستان له خلکو سره د مرستو پر کړو ژمنو ولاړ وي، په داسې حال کې چې دوی تراوسه دا نه ده اعلان کړې چې طالبان د افغانستان د رهبرانو په توګه په رسمیت پېژني او که نه؟ هغه په ځواب کې وویل، افغانستان له ګڼو هېوادونو سره مرسته کوي د هغو هېوادونو له ډلې چې امریکا د هغوی له دولت سره اړیکې نه لري، خو له خلکو سره یې مرسته کوي.

سلام‌وطندار پر ټویټر هم وڅارئ

د افغانستان بانک شتمنیو د کنکل په اړه دغه پرېکړه، د امریکا د هغو مهمو پرېکړو د پیل  ښکارندوي کوي چې دغه هېواد به یې د طالبانو له لوري په ناڅاپي توګه د کابل د نیولو او د محمداشرف غني د وتلو په اړه په راتلونکي کې وکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام