د ۱۴۰۲کال پرمهال افغانستان کې د ښځو اړوند مسایلو په تړاو ۱۷سپارښتنې ورکړل شوي

د سرپرست حکومت له لوري د تېر ۱۴۰۲کال پرمهال افغانستان کې په ۱۷ بېلابېلو برخو کې ښځو ته سپارښتنې شوې چې د ۱۴۰۰ او ۱۴۰۱ کلونو پرمهال بیا د دې سپارښتنو شمېر ۴۹ ته رسېږي. د سرپرست حکومت په وار وار ویلي، دغه سپارښتنې د ټولنې سمون او په وینا یې، د اسلامي شریعت پلې کولو لپاره ورکول کېږي.

څلور ولایتونو کې د سلام‌وطندار موندنې؛ له ۲۳ سوداګرو مېرمنو د ۱۷ یې کاروبار رکود سره مخ شوی

سلام‌وطندار د هېواد په څلور ولایتونو کې له ۲۳ سوداګرو مېرمنو سره د مرکو په ترڅ کې موندلې چې د یادو سوداګرو مېرمنو له ډلې څخه یې د ۱۷ مېرمنو سوداګري له رکود سره مخ شوې او یا هم رکود سره مخ ده.

د هرات کروندګر: موږ وچکالۍ ځپلي یوو، حکومت رانه عشر ټولوي

په هرات کې د کرنې، مالدارۍ او اوبو لګولو ریاست له لوري د عشر ټولولو لړۍ پیل شوې، خو د دغه ولایت د بېلابېلو ولسوالیو یوشمېر کروندګر وايي چې د تېر کال سړې هوا او د اوبو نشتوالي له امله يې په کرنیزو حاصلاتو کې کموالی راغلی او نه‌شي کولای چې پوره عشر ورکړي.

بلخ کې معلولان: د افغانستان لپاره د سویډن کمېټې فعالیتونه دې بیاپیل شي

بلخ کې یو‌شمېر معلولانو د یوې غونډې پر مهال له سویډن کمېتې غوښتنه وکړه چې افغانستان کې خپل فعالیتونه بېرته پرانیزي.

یاده غونډه چې پرون «شنبه چنګاښ ۲۴مه» د بلخ مرکز مزارشریف ښار کې جوړه شوې وه، له حکومت وغوښتل چې افغانستان کې د سویډن کمېټې د فعالیتونو ځنډېدو پر پرېکړې بیاکتنه وکړي.

عبدالکبیر: هر ډول نیوکې په ورین تندي منوو

د ریاست‌الوزرا سرپرست عبدالکبیر نن (د غبرګولي څلورمه، د پنجشنبې ورځ) په سپیدار ماڼۍ کې یوې غونډې ته چې د ا.ا لوړپوړي چارواکي په‌کې ناست وو، د وینا پر مهال ویلي چې د افغانستان سرپرست حکومت له نړۍ سره ښې اړیکې غواړي.

یوناما: ۶۰سلنه کورنۍ د اوبو کمښت سره مخ دي؛ خلک: حکومت دې یې غم وخوري

په افغانستان کې د ملګروملتونو سیاسي استازولي «یوناما» پر خپله ټوېټرپاڼه لیکلي چې اقلیم بدلون دغه هېواد د اوبو پر سرچینو منفي اغېزې کړي او د څښاک پاکو اوبو ته یې د خلکو لاسرسی ستونزمن کړی دی. د دغه بنسټ په وینا، تېر ۲۰۲۲ میلادي کال کې د هغو کورنیو شمېر چې افغانستان کې د اوبو له کمښت سره مخ وې، ۶۰سلنې ته رسېږي.

لغمان کې سږکال د «هوږې» حاصلات زیات شوي

لغمان کې کروندګر وايي چې د نورو کلونو په پرتله یې سږ کال د «هوږې» په حاصلاتو کې د پام وړ زیاتوالی راغلی دی.
دغه کروندګر زیاتوي چې پخوا به یې په ډېره کمه اندازه هوږه کرله او د ګټې‌وټې تمه به یې ورڅخه نه وه، خو په وینا یې، سږکال یې د هوږې حاصلات له تېر سره په پرتله زیات شوي دي. یاد کروندګر له حکومت غوښتنه کوي چې د دوی محصولاتو ته مناسب بازار پیدا کړي.

لوګر کې د حکومت له لوري د لوړې مالیې له اخیستو د هټۍ‌والو شکایت

د لوګر د مرکز پل‌علم ښار یو‌شمېر هټۍ‌وال د حکومت له لوري د دغه ولایت له هټۍ‌والو څخه د لوړې مالیې له اخیستلو شکایت کوي.

دوی سلام‌وطندار ته ویلي چې کاروبار یې خراب دی او د مالیې د ورکړې توان نه‌لري. یو هټۍوال محمدعمران سلام‌وطندار ته وايي چې د پخوا په پرتله یې کاروبار خراب شوی او حکومت ته ماليه نشي‌ ورکولای.

معلول لوبغاړي: حکومت دې د ورزش زمینه راته برابره کړي

د یوشمېر ورزشي لوبو معلول لوبغاړي د المپیک ملي کميټې څخه غواړي چې دوی ته دې په بېلابېلو ورزشي برخو کې د ورزش زمینه برابره کړي.

ابراهیم دانشي چې شاوخوا شل کاله وړاندې جګړه کې په یوه لاس معیوب شوی وايي، معلولان ورزش ته پوره لاسرسی نه‌لري او باید دې برخې دوی ته پام وشي.

پېښور کې پولیس لاریونوال: حکومت دې زموږ غم‌وخوري، تر کله به وژل کېږو

پاکستاني رسنیو نن پنج‌شنبه د سلواغې ۱۳مه راپور ورکړی چې د دغه هېواد د خېبرپښتونخوا ایالت پولیسو لاریون کړی دی.

د رسنیو د راپورونو له مخې، لګسونه پولیسو پرون چهارشنبه‌ د سلواغې ۱۲مه/ جنورۍ لومړۍ په پېښور کې د شوي ځانمرګي برید په غبرګون کې لاریون کړی او له حکومت یې غوښتنه کړې چې د برید په اړه څېړنې وکړي.

د اکو سازمان د بهرنیو چارو وزیرانو غونډه؛ افغانستان کې پر ټول‌شموله حکومت ټینګار وشو

سږ کال د اکو سازمان د بهرنیو چارو وزیرانو ۲۶مه غونډه پرون د افغانستان له استازي پرته د ازبکستان په پلازمېنې تاشکند کې پیل شوه او نن یې دویمه ورځ وه.
د اکو سازمان د بهرنیو چارو وزیرانو د سږنۍ غونډې پر مهال په افغانستان کې د ټول‌شموله حکومت پر جوړولو او د افغانستان له لارې د ازبکستان‌ـ‌‌پېښور ترمنځ د اورګاډي پټلۍ پروژې په اړه بحث شوی دی.

افغانستان کې د ټول‌شموله حکومت پر جوړېدو د تاجکستان او پاکستان ټینګار

د تاجکستان ولسمشر امام‌علي رحمان او د پاکستان لومړي وزیر شهباز شریف سوله‌ييز او باثباته افغانستان د سیمې د پرمختګ بنسټ بللی او دغه هېواد کې یې د ټول‌شموله حکومت پر جوړېدو ټینګار کړی دی. هغه زیاته کړې چې له شبهاز شریف سره یې د لیدنې پر مهال، په افغانستان کې د ټول‌شموله حکومت پر جوړېدو ټینګار کړی دی.

غور کې د معلولانو اعتراض؛ «په تېرو دوو کلونو کې له پامه غورځېدلي یوو»

د غور یوشمېر معلولانو نن سهار د دغه ولایت په مرکز فېروزکوه ښار کې د دوی د حقونو نه ورکړې له کبله د اعتراض په توګه را ټول شول او له حکومت نه یې وغوښتل چې پام ورواړوي. امیرداد چې څلورکسیزه کورنۍ ور پر غاړه ده، له حکومت څخه غواړي چې د ده په ګډون، د ټولو معلولانو حقونه ورکړي.