د افغانستان په اړه د ملګرو ملتونو د امنیت شورا غونډه سبا سهشنبه د کابل پر وخت مازدیګر ۰۶:۳۰ دقیقې جوړېږي.
ټاکل شوې په افغانستان کې د ملګرو ملتونو د ځانګړې استازولۍ یا یوناما سرپرست او سیاسي مرستیال مارکس پوټزل هم په دې غونډه کې ګډون او خبرې وکړي.
په ملګرو ملتونو کې د افغانستان د دایمي استازولۍ سرپرست نصیراحمد فایق ته هم دې غونډه کې د وینا بلنه ورکړل شوې ده.
دا په داسې حال کې ده چې سږ کال هم د ملګرو ملتونو په عمومي کلنۍ غونډه کې چې نن یې وروستۍ ورځ ده، د افغانستان استازي ته د وینا حق ور نه کړل شو.
نصیراحمد فایق ویلي، افغانستان او میانمار د «تېر کال هوکړې او مخینې» پر بنسټ، سږ کال هم د ملګرو ملتونو په عمومي کلنۍ غونډه کې وینا ونه کړه.
