ناټو به افغانستان کې خپل ملکي حضور ته دوام ورکړي

NATO-10-p82it4rpjmntkua2exfwnj0ncx5zave4hzi6qjd47o

له افغانستان څخه د بهرنیو ځواکونو له وتو سره هم‌مهاله د ناټو سر منشي ینس سټولټنبرګ ویلي چې د دغه سازمان غړي هېوادونه به له کابل څخه خپل ملکي حضور او ډېپلوماتیک ملاتړ ته دوام ورکوي، او د افغان امنیتي ځواکونو د ځان بسیاینې او وړتیاوو لوړولو په برخه کې به له دوی سره همکاري او سلا مشورې ورکوي.

پرون سه شنبه په بروکسیل کې د ناټو د غړو هېوادونو د دفاع وزیرانو د غونډې له پیل وړاندې ینس سټولټنبرګ وویل چې له افغانستان څخه د بهرنیو ځواکونو وتل، له دغه هېواد سره د اړیکو د پرېکون په معنا نه دی، نوموړي زیاته کړه له شک پرته افغانستان به د بهرنیو ځواکونو له وتلو وروسته له ستونزو او ننګونو سره مخ شي.

د سلام‌وطندار پښتو فېسبوک‌پاڼه وڅارئ

د نوموړي په باور له افغانستان څخه په بشپړه توګه د ناټو ځواکونو وتل، یوه ګواښوونکې پرېکړه ده او په وینا یې چې په افغانستان کې د دوی حضورهم له خطره خالي نه ده او ښایي په دې هېواد کې د دوی شتون د تاوتریخوالي د زیاتېدو سبب شي.

که څه هم ینس سټولټنبرګ وایي چې په افغانستان کې به د ناټو نظامي حضور صفر ته راښکته کړي، خو ډاډ ورکوي چې ناټو سازمان به د افغان امنیتي ځواکونو د ملاتړ، روزنې او سلا مشورو په برخو کې خپل غیرې نظامي حضور ته دوام ورکړي.

د ناټو سر منشي له دې وړاندې ویلي و چې د غوڅ ملاتړ ماموریت پای ته رسول، له افغانستان سره د مشارکت پای نه دی، بلکې د همکاریو او مرستیو د نوي فصل پیل دی.

دغه څرګندونې په داسې حال کې مطرح کېږي چې تراوسه له افغانستان څخه د ناټو ځواکونو د وتلو بهیر ۴۴سلنه بشپړ شوی دی.

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام