د ملګرو ملتونو د بشري حقونو شورا نن داسې مهال په افغانستان کې د بشري حقونو د وضعیت په اړه بېړنۍ غونډه وکړه چې په هېواد کې مرستندویه بنسټونو د بشري حقونو وضعیت ناسم بللی دی.
په ملګرو ملتونو کې د افغانستان دایمي استازي غلاممحمد اسحاقزي په دې غونډه کې د طالبانو د اقداماتو په اړه ویلي چې نړۍ دا ډله څاري او باید هغه څه ونه کړي چې بشري حقونه نقضوي.
د سلاموطندار پښتو فېسبوکپاڼه وڅارئ
هغه وايي، طالبان باید پوه شي چې دا سرغړونې به یې بېځوابه پاتې نه شي.
په ملګرو ملتونو کې د افغانستان دایمي استازي د توندو څرګندونو ترڅنګ، د اروپايي اتحادیې استازو هم طالبانو ته خبرداری ورکړی دی.
د ملګرو ملتونو د بشري حقونو په شورا کې د اروپايي اتحادیې استازو ویلي چې د ملکیانو پر وړاندې د طالبانو سرغړونې څاري.
د ملګرو ملتونو د بشري حقونو شورا په افغانستان کې د دغو حقونو نقض د منلو یاد کړی او ویلي یې دي چې سلګونه زره افغانان اوس د طالبانو له وېرې خپل هېواد پرېږدي.
