یوشمېر جهادي مشران په هېواد کې د طالبانو له بریدونو زیاتېدو او د یوشمېر ولسوالیو له لاسه وتلو سره سم له طالبانو سره د مبارزې په موخه د خلکو د درېدو غوښتنه کړې او په تړاو یې په پروان کې له درې ورځو راهیسې پرله‌پسې غونډې شوې دي.

د بغلان پخوانی امنیه قوماندان نورحبیب ګلبهاري نن د جبل‌السراج ولسوالي د ټولنیزې شورا د پرانېستې په غونډه کې خبرې کولې، ټینګار وکړ چې جهاديانو د دوشنبې ورځ د پروان په مقام کې جوړه شوې غونډه کې پرېکړه کړې، څو له پروان، کاپیسا او پنجشېر ولایتونو څخه به لس لس زره کسان راټول او د طالبانو پر وړاندې مبارزې ته چمتو کړي.

د سلام‌وطندار پښتو برخه پر فېسبوک‌ وڅارئ

د نوموړي په وینا، یاد کسان به په رسمي ډول ثبت شي، څو روښانه شي چې څوک وسلې او تجهیزات لري او چا ته ورکړل شي. هغه زیاتوي چې د اړتیا پر مهال به د یادو ولایتونو ترڅنګ، ځینو نورو ته هم ورشي او له افغان ځواکونو سره به اوږه په اوږه د طالبانو پر وړاندې ودرېږي.



په همدې حال کې د کاپیسا لسګونو جهادیانو او اوسېدونکو چې نن د دغه ولایت په ولایتي شورا کې راټول شوي وو، د طالبانو پر وړاندې د افغان ځواکونو ترڅنګ درېدو ته چمتووالی وښود. د کاپیسا د ولایتي شورا رییس محمدحسین سنجني وویل، په ټول توان به د خپلو سرتېرو ترڅنګ درېږي او د خلکو او وطن دفاع کوي.

سلام‌وطندار پر ټویټر هم وڅارئ

بله‌خوا د پروان د سالنګ ولسوالي لسګونو جهادیانو هم د طالبانو پر وړاندې د مبارزې او د افغان ځواکونو ترڅنګ د درېدو لپاره د چمتووالي او ملاتړ اعلان وکړ. له دې سره هم‌مهاله د دغې ولسوالي ټولنیزه شورا هم جوړه شوه.

دا په داسې حال کې ده چې خلکو په یوشمېر نورو ولایتونو کې هم د طالبانو پر وړاندې وسلې اخیستي او له خپلو امنیتي او دفاعي ځواکونو سره یوځای یې پر وړاندې سنګر ته تللي دي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام