بلخ کې د لومړنیو خوراکي توکو د بیو لوړوالی؛ خلک: د پېرلو وسه نه لرو

د بلخ د مرکز مزارشریف ښار یوشمېر اوسېدونکي وايي، د روژې په لومړیو ورځو کې د لومړنیو خوراکي توکو بیې د پام وړ لوړې شوي او دوی یې د پېرلو وسه نه لري.
دوی هېواد کې شته بې‌وزلۍ، وزګارتیا او د خلکو کمزوري اقتصادي وضعیت ته په کتو د اندېښنې وړ بولي او غوښتنه کوي چې باید بازار کنټرول او څارنه یې وشي.

غزه کې پر خلکو د مرستو کڅوړو لوېدو له امله پنځه کسان مړه شوي

غزه کې د هوا له لارې اړمنو ته د مرستو رسولو په لړ کې د خلکو پر ګڼې‌ګوڼې د مرستو څو کڅوړې لوېدو له امله پنځه کسان مړه شوي او یوشمېر نور ټپیان دي. پر غزې د اسراییلو برید او کلابندۍ له امله اړمنو ته د مرستو رسولو ټولې لارې تړل شوي او مرستې د الوتکو له لارې د فراشوټونو په مرسته غزې ته غرځول کېږي.

اترا: د ۲۳ میلیونه وېشل شویو سیمکارتونو له ډلې شپږ‌نیم میلیونه یې ثبت شوي

د افغانستان د مخابراتي خدمتونو د تنظیم اداره یا اترا وايي، تر دې دمه په ټول هېواد کې د پنځو مخابراتي شبکو له‌خوا د وېشل شویو ۲۳ میلیونه سیمکارتونو له ډلې شپږنیم میلیونه یې د دې ادارې په لارښوونه ثبت شوي دي.
د اترا ادارې ویاند جلال‌الدین شمس سلام‌وطندار ته ویلي چې سیمکارتونه د جرمونو، امنیتي ګواښونو، انسان تښتونو او د خلکو د ځورونې مخنیوي په موخه ثبتېږي کېږي.

کندوز کې په پنځه میلیونه افغانیو یو «پُل» بیاورغول شو

د کندوز د ټولګټو ریاست مسوولان وايي چې د دغه ولایت په «قلعه‌ذال» ولسوالي کې په پنځه میلیونه افغانیو یو ویجاړ شوی پُل بېرته ورغاوه.

دغه پُل چې د یادې ولسوالي دوه پراخې سیمې «د ولسوالي مرکز او اق‌تپه» سره نښلوي، د یاد ریاست په بودیجې بیارغول شوی دی.

د هلمند ګرمسېر ولسوالي کې د «اوبو رسونې پروژه» ګټې‌اخیستنې ته وسپارل شوه

د هلمند محلي مسوولان وايي چې د دغه ولایت ګرمسېر ولسوالي کې د پاکو اوبو رسونې یوه پروژه بشپړه او ګټې‌‌اخیستنې ته وسپارل شوه.

په دې اړه جوړو شویو مراسمو کې د کليو بیارغونې او پراختیا ریاست استازي محمدنبي، د یونېسف نړیوال سازمان ولایتي مسوول ډاکټر محمدذکریا اینوا او یو‌شمېر نورو چارواکو هم ګډون کړی وو.

ټرافیکي پېښو په لسو میاشتو کې څه باندې ۵۰۰۰ افغانانو ته مرګ‌ژوبله اړولې

د ټرافیکو عمومي ریاست مسوولان وايي، د روان لمریز کال له پیل څخه تر اوسه په هېواد کې څه باندې درې‌زره ټرافیکي پېښې شوي چې په پایله کې یې تر ۱۵۰۰ ډېر کسان وژل شوي او تر ۴۰۰۰ ډېر نور ټپیان شوي دي. مسوولان پر لويو لارو د ټرافيکي څراغونو نشتوالى، د سړکونو خرابوالى او پر لويو لارو د ټرافيکو مامورانو نشتون د ټرافيکي پېښو اصلي لاملونه بولي.

د اوبو او برښنا وزارت هېواد کې د واورې او باران اورېدو خبر ورکړ

د اوبو او برښنا وزارت په یوه خبرپاڼه کې لیکلي چې ټاکل شوې د روانې میاشتې له اووه‌مې تر نهمې سېلابونه راشي او د افغانستان په ځینو سیندیزو حوزو کې د اوبو کچه هم لوړه شي. دغه وزارت نن پر خپلې اېکس‌پاڼې لیکلي چې ښايي د هېواد په یوشمېر ولایتونو کې سختې واورې او بارانونه وشي چې له کبله به یې د هریرود، هلمند، شمال، کابل او آمو په سیندیزو حوزو کې سېلابونه هم راشي.

له ډیجیټل حکومتولۍ تر کاغذپرانۍ؛ کابل کې به نور د پاسپورټ لپاره حضوري نوملیکنه کېږي

د کورنیو چارو وزارت د پاسپورټ عمومي ریاست په یوه خبرپاڼه کې ویلي چې د چهارشنبې په ورځ په کابل کې په حضوري ډول د پاسپورټ اخیستو لپاره د نوملیکنې بهیر پیلوي. په خبرپاڼه کې لیکل شوي چې اړمنو کسانو په انلاین ډول د ګڼې‌ګوڼې له امله نه شوای کولای چې په بېړنۍ توګه پاسپورټ ترلاسه کړي او د دې ستونزې د حل لپاره یاد بهیر پیلوي.

د غزني حوزوي روغتون کې د فیس له اخیستو شکایتونه؛ «د عملیات۱۰۰۰‌ افغانۍ اخلي»

د غزني حوزوي روغتون مراجعه‌کوونکي په یاد روغتون کې له ناروغانو د فیسونو اخیستلو له کبله شکایت کوي او وايي چې د فیسونو د ورکړې توان نه‌لري.

د عامې روغتیا وزارت د پالېسۍ پر بنسټ هغه دولتي روغتونونه چې د یاد وزارت له‌خوا تمویلېږي، ناروغ ته د روغتیايي خدمتونو د وړاندې کولو په بدل کې باید فیس ترې واخیستل شي.

د فساد پر وړاندې د مبارزې نړیواله ورځ؛ ا.ا: په افغانستان کې صفر ته نږدې شوی

ا.ا د ډسمبر نهمې نېټې یا له فساد سره د مبارزې نړیوالې ورځې سره هم‌مهاله وايي، په افغانستان کې فساد صفر ته نږدې شوی او په وینا یې، په تېرو دوو کلونو کې یې پر وړاندې سخته مبارزه کړې او اجازه به ور نه کړي چې بیا زیات شي.

د ا.ا ویاند ذ.بېح‌الله م.جاهد وايي: «ا.ا توانېدلی چې فساد صفر ته نږدې کړي او پر وړاندې یې ښه مبارزه کړې. فساد، ټولنیز او اخلاقي فساد یې کم کړی. دا په دې مانا چې موږ یې پر وړاندې درېږو، څو دا بیا یوه ټولنیزه پدیده ونه ګرځي.»

د کندهار په سپین‌بولدک کې د نږدې ۳۸ میلیونه افغانیو پروژو چارې پیل شوې

د کندهار د سپین بولدک ولسوالي ولسوال عبدالله بشیر په دې ولسوالي کې د ۱۸ میلیونه افغانیو په لګښت د اووه کیلومټره عمومي سړک د بیاجوړونې او د اوبو د دوو زېرمو جوړولو چې یوویشت‌نیم میلیونه افغانۍ لګښت پرې راځي، د چارو د پیل خبر ورکوي. هغه وايي، یادې پروژې به د ښاروالي په خپلو عوایدو په راتلونکې یوه‌نیمه میاشت کې بشپړې شي.

د پروان اوسېدونکي د «پروان امبولانس» د خدمتونو له کموالي سر ټکوي

د پروان امبولانس د فعالیت له کمېدو وروسته د دغه ولایت یوشمېر اوسېدونکي وايي، له سیمو څخه روغتیايي مرکزونو ته د ناروغانو په لېږدولو کې له سختو ستونزو سره مخامخ دي.
د دوی په وینا، دا ستونزه لامل شوې چې خپل ناروغان په لوړ لګښت روغتون ته ولېږدوي او کله‌ناکله داسې هم کېږي چې ناروغان یې په لاره کې ساه ورکړي.

د معلولانو نړیواله ورځ؛ «ټولنه کې د خلکو ناوړه چلن د بې‌وسۍ حس راکړی»

په نړۍ کې د معلولانو نړیواله ورځ داسې مهال نمانځل کېږي چې هېواد کې معلولان په خپل ټولنیز او فردي ژوند کې له ګڼو ننګونو سره مخامخ دي.
یوشمېر دغو معلولانو د یکشنبې ورځ په کابل کې «د افغان او زیانمنو معلولانو» ټولنې له‌خوا په جوړه شوې غونډه کې شکایت وکړ چې له کار او زده‌کړو څخه د محرومیت او له دوی سره د خلکو ناسم چلن د بې‌وسۍ احساس ورکړی دی.