د امریکا د بهرنیو چارو وزارت اعلان کړی چې د منځني ختیځ له څو متحدینو سره د ۸.۶ میلیارده ډالرو څخه د زیاتو پوځي تجهیزاتو د پلور طرحه یې منظور کړې ده.
یاد وزارت د مې په لومړۍ نېټه ویلي چې په دې پوځي کڅوړه کې اسراییل، قطر، کویت او متحده عربي امارات شامل دي.
دا پرېکړه په داسې حال کې شوې چې د امریکا او اسراییل له لوري د ایران پر وړاندې جګړه نهمې اوونۍ ته داخله شوې او د دې شخړې له اعلان شوي نازک اوربند څخه هم څه باندې درې اوونۍ تېرې شوې دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
بلخوا، د امریکا ولسمشر ډونالډ ټرمپ ویلي چې له ایراني لوري سره ټلیفوني خبرې روانې دي.
هغه د تهران له لوري وړاندې شوی نوی وړاندیز رد کړی او ویلي یې دي چې لاهم ډاډه نهدی چې د جګړې د پای ته رسولو لپاره به کومه هوکړه وشي.