افغان دولت له افغانستانه د ناټو د ملاتړ دوام هرکلی وکړ. د بهرنیو چارو وزارت نن په یوه خبرپاڼه کې لیکلي چې افغان دولت د ناټو د هغې اعلامیې هرکلی کوي چې له مخې به یې دغه سازمان خپلو سرتېرو له اېستلو وروسته هم د افغانستان، په تېره د افغان ځواکونو ملاتړ ته دوام ورکوي.

په خبرپاڼه کې لیکل شوي چې افغان دولت د افغانستان او ناټو ترمنځ د همکاریو تازه څپرکي په پیل کې د ترهګرۍ پر وړاندې د مبارزې او په هېواد کې د سولې او ثبات د تامین لپاره د افغان امنیتي او دفاعي ځواکونو د ملاتړ په برخه کې د دغه سازمان د ژمنو تازه کېدل یو عملي ګام بولي.

د سلام‌وطندار پښتو فېسبوک‌پاڼه وڅارئ

د بهرنیو چارو وزارت له ناټو څخه د ژمنو دوام له کبله مننه کړې او ویلي یې دي چې افغانستان تیار دی د همکاریو په تازه څپرکي کې د سیمه او نړۍ په کچه د ترهګرۍ او بنسټ‌پالنې پر وړاندې د مبارزې په برخه کې له دغه سازمان سره همکاري وکړي، څو یو خپلواک، یو موټی، هوسا او د ملي حاکمیت لرونکی هېواد چې پر ولسواکۍ ولاړ وي، جوړ کړي.



دا په داسې حال کې ده چې د ناټو سرمنشي ینس سټولټنبرګ پرون په پاریس کې د فرانسې له ولسمشر امانوېل مکرون سره د ناټو غونډې لپاره د تیاري په موخه چې د جون په ۱۴مه به جوړه شي، وویل چې دغه سازمان به په افغانستان کې یو نوی څپرکی پرانېزي.

د هغه په خبره، ناټو په پام کې لري چې د سلا مشورې، مالي ملاتړ او وړتیا لوړونې په برخه کې به د افغان امنیتي او دفاعي ادارو ملاتړ ته دوام ورکړي او د افغان ځواکونو لپاره چې تمرکز به پر ځانګړو ځواکونو وي، په بهر کې د نظامي زده‌کړو اسانتیاوې برابرې کړي.

په همدې حال کې د ملي امنیت شورا ویاند رحمت‌الله اندړ هم په یوه ویډیويي پیغام کې ویلي چې له افغانستانه د بهرنیو ځواکونو وتل له افغانانو سره د مرستو بندېدو په مانا نه دي او د تېر په څېر به د افغان ځواکونو مالي او نظامي ملاتړ ته دوام ورکړي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام