طالبانو هر هغه هېواد ته خبرداری ورکړی چې وغواړي له افغانستانه د بهرنیو ځواکونو تر وتلو وروسته هم د کابل هوايي ډګر د امنیت ساتلو په موخه خپل سرتېري پرېږدي. دغې ډلې نن په یوه خبرپاڼه کې لیکلي چې د هېڅ هېواد د ځواکونو پاتې کېدل ورته د منلو نه دي.

د طالب ډلې په خبرپاڼه کې لیکل شوي: «د افغانستان د هرې لوېشتې خاورې، هوايي ډګرونو او د سفارتونو د امنیت ساتل د افغانانو مسوولیت دی. هېڅوک باید په هېواد کې د خپلو سرتېرو د پرېښودو تمه ونه لري او نه باید هغه څه وکړي چې د خلکو او هېوادونو ترمنځ د اړیکو خرابېدو لامل شي.»

د سلام‌وطندار پښتو فېسبوک‌پاڼه وڅارئ

طالبانو خبرداری ورکړی، که هر هېواد په افغانستان کې خپل نظامیان پرېښودل، دوی به د «اشغالګر» په سترګه ورته وګوري.



د ترکیې راډیو ټلوېزیون د راپور پر بنسټ، ترکي چارواکو د روانې زېږدیزې میاشتې په لومړیو کې ویلي و چې انقرې د ناټو سازمان د مې میاشتې په غونډه کې وړاندیز کړی و چې له افغانستانه د بهرنیو ځواکونو له وتلو وروسته د کابل هوايي ډګر د امنیت ساتنې مسوولیت دوی ته وسپاري.

د سلام‌وطندار پښتو برخه پر ټویټر هم وڅارئ

د ترکیې د دفاع وزیر حلوصي اکار د تېرې اوونۍ د دوشنبې په ورځ وویل چې د انقرې وړاندیز د خپلو متحدانو له مالي او سیاسي ملاتړ سره تړلی دی.

نوموړي وویل، له هغه وروسته چې امریکا له افغانستانه د خپلو ځواکونو د اېستلو پرېکړه وکړه، ترکیې د کابل هوايي ډګر د امنیت ساتلو په اړه د ډاډ ورکولو په موخه دغه وړاندیز وکړ او په تړاو یې له ناټو او امریکا سره خبرې اترې روانې دي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام