د امریکا مرکزي قومندانۍ «سنټکام» ویلي چې د ایران سمندري محاصرې په چوکاټ کې یې ۳۱ بېړیو ته لارښوونه کړې چې خپلې لارې ته بدلون ورکړي او بیاځلې بندر ته ستنې شي.
دغه بنسټ زیاته کړې، ډېری بېړۍ چې خپلې لارې ته یې تغییر ورکړی یا درول شوي، نفتوړونکې وې.
د سنټکام په وینا، د ایران سمندري محاصرې عملیاتو کې تر سل زره زیات امریکايي ځواکونه، ۱۷ جنګي بېړۍ او څه باندې سل الوتکې ګډون لري.
امریکا تېره میاشت د اقتصادي فشارونو زیاتولو او په تهران د خپلو غوښتنو منلو لپاره، د ایران سمندري محاصره پیل کړه.