د ترکیې سفیر: هېچا ته اجازه نه ورکوو چې ترکیه کې د ا.ا پر وړاندې فعالیت وکړي

په کابل کې د ترکیې سفیر جِنک اونال ویلي چې هېواد یې هېچا ته اجازه نه ورکوي چې په ترکیه کې یې د ا.ا پر وړاندې سیاسي او نظامي خوځښتونه وکړي.
نوموړي دا خبرې د پنجشنبې په ورځ د ریاست‌الوزرا له سیاسي مرستیال محمد عبدالکبیر سره په لیدنه کې کړې دي.

غزه کې پر روغتون د اسراییلو برید؛ ترکیې درې ورځې ملي ماتم اعلان کړی

ترکیې د غزې پر یوه روغتون د اسراییلو د هوايي برید له امله چې سلګونه کسان په‌کې ووژل شول، درې ورځنی ملي ماتم اعلان کړی دی.

د غزې پر الاحلي روغتون شوي هوايي برید کې څه باندې ۵۰۰ کسان وژل شوي وو، خو ځینو رسنیو بیا د وژل شویو کسانو شمېر له دې پورته بللی دی.

سرچینې: ترکیې په انقره کې د افغانستان سفارت لپاره د ا.ا نوی ډیپلوماټ منلی

په انقره کې د افغانستان سفارت کې ځینې سرچینې وايي چې د ترکیې دولت په دغه سفارت کې د اسلامي امارت نوي ډیپلوماټ منلی دی.
په یاد سفارت کې یوې سرچینې چې نه یې غوښتل نوم یې یاد شي، نن (د تلې لسمه، د دوشنبې ورځ) سلام‌وطندار ته ویلي چې ټاکل شوې د اسلامي امارت دغه ډیپلوماټ د تېرو هغو په څېر ژرترژره خپل کار پیل کړي.

د ترکیې ټاکنې؛ افغان کډوال له راتلونکي حکومته د خپل وضعیت بدلېدو غوښتنه کوي

د ترکیې وګړي نن یکشنبه سهار اته بجې د رایې ورکولو صندوقونو ته ولاړل او د خپل هېواد د راتلونکي برخلیک ټاکلو لپاره یې د ولسمشري ټاکنو کې چې د ترکیې په معاصر تاریخ کې تر ټولو مهمې ټاکنې بلل کېږي، برخه واخیسته.

ترکیې یوه اوونۍ کې نږدې ۶۰۰ ناقانونه افغان کډوال له دغه هېواده شړلي

د ترکیې د کډوالۍ ادارې ویلي چې د تېرې یوې اوونۍ پر مهال یې د ۵۹۸ افغان کډوالو په ګډون له دغه هېواد څخه ۲۰۱۸ ناقانونه کډوال شړلي دي.

یادې ادارې شنبه‌شپه د وري پنځمه په یوې خبرپاڼه کې ویلي چې دغه کسان د وروستۍ یوې اوونۍ په ترڅ کې له یاد هېواد څخه ایستل شوي دي.

ترکیه کې زلزله‌ځپلي افغانان د خپلو اړتیاوو پوره کولو غوښتنه کوي

د ترکیې د هاتای ښار په اواکینټ سیمه کې وروستۍ زلزلې د زرګونو ترکانو ترڅنګ، سلګونو افغانانو ته هم د مرګ‌ژوبلې تر څنګ، مالي زیانونه اړولي دي.
دغه زلزله‌‌ځپلي افغانان چې له کلونو راهیسې په یاده سیمه کې اوسېږي، وايي چې وروستۍ زلزلې ورته ځاني او مالي زیانونه اړولي دي.

ترکیه او سوریه کې زلزله؛ د مړو شویو کسانو شمېر له ۲۴۰۰۰ نه واوښت

د وروستیو خپرو شویو رسمي شمېرو پر بنسټ، په ترکیه او سوریه کې د زلزلې له کبله د مړو شویو کسانو شمېر ۲۴ زره او ۱۶۵ کسانو ته رسېدلی دی.
اناتولي خبري اژانس نن شنبه، سهار خبر ورکړی چې په ترکیه کې د زلزلې له کبله د مړو شمېر ۲۰ زره او ۶۶۵ کسانو ته رسېدلی دی.

د ترکیې په زلزله کې ۲۰۰ افغانان مړه شوي

په ترکیه کې د افغانستان سفارت ویلي چې دغه هېواد کې د شوې زلزلې له امله ۲۰۰ افغانانو خپل ژوند له لاسه ورکړی دی. افغان سفارت د ترکیې له حکومت او بشري بنسټونو غوښتنه کړې چې دغه هېواد کې د افغان کډوالو وضعیت ته پام وکړي. د روانې سلواغې میاشتې په ۱۷مه د ریښتر په کچه ۷.۸ درجې د دوو ګاونډیو هېوادونو ترکیې او سوریې د سرحدي سیمو ډېره برخه ولړزوله.

د ترکیې او سوریې زلزله کې تراوسه څه باندې ۱۷۰۰۰ کسان مړه شوي

ترکیه او سوریه کې د روانې اوونۍ د دوشنبې پر ورځ د شوې زلزله له امله د مړو شویو کسانو شمېر له ۱۷۰۰۰ پورته شوی دی. د رسنیو د راپورونو له مخې، دواړو هېوادونو کې په ټولیزه توګه د زلزلې له کبله ۱۷۱۷۶ کسان مړه شوي او زرګونه نور ټپیان دي.

ترکیې ته د افغانانو لېږد؛ پولیس: حقیقت نه لري، هوايي ډګر ته مه راځئ!

د پوله‌ساتو ځواکونو لوی ریاست په یوه خبرپاڼه کې لیکلي چې د کابل هوايي ډګر ته د ترکیې له لوري د الوتکو د را لېږلو خبر دروغ دی.
دغه ریاست له کابل ښاریانو غوښتي چې پر اوازو باور ونه کړي او د کابل هوايي ډګر مخې ته دې نه ورځي. په همدې حال کې د کابل د امنیې قومانداني ویاند خالد ځدران هم ترکیې ته د افغانانو لېږد اوازه بللې ده.

ترکیه او سوریه کې زلزله؛ د مړو شویو کسان شمېر ۴۸۰۰ ته لوړ شوی

په ترکیه او سوریه کې د پرون ورځې د شوې زلزلې له امله د مړو شویو کسانو شمېر ۴۸۰۰ کسانو ته لوړ شوی دی. د رسنیو د راپورونو له مخې، دغې شمېرې د لوړېدو په حال کې دي.

ترکیه چې د دې زلزلې له امله ډېر ځپل شوی نن سه‌شنبه د سلواغې ۱۸مه رسنیو راپور ورکړی چې دغه هېواد کې د مړو شویو کسانو شمېر ۳۳۸۱ ته لوړ شوی دی.

ترکیه او سوریه کې زلزله؛ تراوسه څه باندې ۵۰۰ کسان مړه او ۳۰۰۰ ټپیان شوي

د ترکیې او سوریې پوله کې د نن دوشنبې سهار زورورې زلزلې له امله دواړو هېوادونو کې د مړو شویو او ټپیانو شمېر شېبه په شېبه لوړېږي.

د یو‌شمېر نړیوالو رسنیو د راپورونو له مخې، د ریښتر په کچه د ۷،۸ درجې زلزلې تراوسه ترکیه او سوریه کې څه باندې ۵۰۰ کسان مړه او نږدې ۳۰۰۰ کسان ټپیان کړي دي.

ترکیه: ۲۰۲۲ کې مو ۶۸۰۰۰ ناقانونه افغانان اخراج کړي؛ کډوالو وزارت: باید اخراج نشي

د ترکیې د کډوالو ادارې ویلي چې په تېر ۲۰۲۲ کال کې یې له دغه هېواد څخه په زرګونه هغه کډوال بېرته خپلو هېوادونو ته لېږلي چې په ناقانونه توګه ترکیې ته راغلي وو. د ترکي رسنیو په خپرو شویو راپورونو کې راغلي چې په اخراج شویو کډوالو کې ۶۸۲۹۰ یې هغه افغانان دي چې په ناقانونه دغه هېواد ته تللي وو.