د پولهساتو ځواکونو لوی ریاست په یوه خبرپاڼه کې لیکلي چې د کابل هوايي ډګر ته د ترکیې له لوري د الوتکو د را لېږلو خبر دروغ دی.
دغه ریاست له کابل ښاریانو غوښتي چې پر اوازو باور ونه کړي او د کابل هوايي ډګر مخې ته دې نه ورځي.
د سلاموطندار پښتو فېسبوکپاڼه وڅارئ
په همدې حال کې د کابل د امنیې قومانداني ویاند خالد ځدران هم ترکیې ته د افغانانو لېږد اوازه بللې ده.
نوموړي ویلي، یوشمېر کابل ښاریان د دې اوازې له اورېدو وروسته د کابل هوايي ډګر ته ورغلي، خو په خبره یې، د امنیتي مسوولانو له لوري له سیمې شړل شوي دي.
د معلوماتو له مخې، نن ماښام د خلکو منځ کې داسې اوازه خپره شوې وه چې ګواکې ترکیه غواړي له زلزلهځپلیو سره د مرستې په موخه یوشمېر کسان دغه هېواد ته لېږدوي او د کابل هوايي ډګر ته یې هم ځانګړې الوتکې را لېږلې دي.
ګڼشمېر کسانو د دې اوازې له اورېدو سره سم نن له ماښام وروسته ځانونه د کابل هوايي ډګر ته رسولي او د خپرو شویو ویډیوګانو له مخې، امنیتي ځواکونو یې د شړلو لپاره هوايي ډزې هم کړې دي.
