د بهرنیو چارو وزارت د یوې خبرپاڼې په خپرولو سره په اسلام‌اباد کې د افغان سفیر د لور سلسلې علي‌خېل د تښتولو په اړه د پاکستان له لوري د همکارۍ پر نه کولو نیوکه کوي او وايي چې پاکستان په دې برخه کې افغان پلاوي ته اړوند معلومات نه دي ورکړي.

د دغه وزارت په خبرپاڼه کې ویلي شوي چې د پاکستاني چارواکو څرګندونې له دې قضیې سره په ټکر کې دي او د قضیې پر بنسټیزو مسایلو له هغې ډلې د پېښې څرنګوالی او د عاملانو پر پېژندلو نه دي راټولې.

د سلام‌وطندار پښتو فېسبوک‌پاڼه وڅارئ

د بهرنیو چارو وزارت زیاته کړه چې تمه وه پاکستان د دغې قضیې له هر اړخیزې څېړلو وروسته، پایلې یې له افغان پلاوي سره شریکې کړي، خو په خپله دغه ژمنه یې عمل نه دی کړی او د دې پېښې اړوند معلومات یې افغان پلاوي ته نه دي سپارلي.

په ورته مهال د بهرنیو چارو وزارت زیاتوي چې د روغتون اسناد، طبي راپورونه او نور اړوند اسنادونه د دې ښکارندویي کوي چې سلسله‌ علي‌خېل تښتول شوې او شکنجه شوې ده. دغه وزارت ټينګار کړی چې افغان دولت د پېښې له قرباني شوې سره په همغږۍ د پېښې د عاملینو د پېژندلو او نیولو په برخه کې همکارۍ ته چمتو دی او تل به اماده وي.



د هېواد د بهرنیو چارو وزارت یو ځل بیا د پاکستان له بهرنیو چارو وزارت څخه غوښتنه کړې چې د پېښې د عاملینو د پېژندلو، نیولو او محاکمه کولو په برخه کې دې خپلې هڅې ګړندۍ کړي.

سلسله علي‌خېل د روان کال د چنګاښ میاشتې په ۲۵مه د پاکستان په پلازمېنه اسلام‌اباد کې د ناپېژنده کسانو له لوري وتښتول شوه. د بهرنیو چارو وزارت د زمري په یوولسمه په پاکستان کې د افغان سفیر د لور د تښتولو قضیې د څېړلو لپاره اسلام‌اباد ته یو پلاوی استولی و.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام